Langer Dash lok méér soloryers
Bergfietsry
Die 17de Nedbank Desert Dash-bergfietsmarathon oor 393 kilometer deur die Khomas Hochland en die Namib sal op Vrydag 10 Desember in die hoofstad by die Grove-inkoopsentrum afgesit word.
Dié goeie nuus is gister deur mnr. Richard Meeks, Nedbank se uitvoerende hoof vir sake- en kleinhandelbankwese, in Windhoek bekend gemaak. Die uitmergelende – dog hoogs gesogte en aansienryke – fietsmarathon se eindstreep sal soos in die verlede weer by Platz Am Meer in Swakopmund lê en wag.
Nedbank het vandat hy die borgskap ’n paar jaar gelede aangekondig het, reeds N$7 miljoen in dié ikoniese langste eendaagse bergfietsresies ter wêreld belê. Geharde bergfietsentoesiaste stroom jaarliks in van Suid-Afrika, Malawi, die VSA, Duitsland, Portugal, Brittanje, Frankryk, Serwië, Kanada, Ierland, België, Botswana en vele ander lande vir die uitdaging.
In Desember sal ’n rekordgetal van 250 soloryers die langer roete aanpak wat met 20 km verleng is. Leander Borg, organiseerder van LEMA Events wat die Desert Dash besit, het vertel hoekom die roete meer lyf gekry het.
“Eers was dit 340 km en later 373 km. Vanjaar wil ons ’n uitdaging aan die ryers rig en het dit verleng. Die idee is nie om deelnemers te straf nie, maar ná vele voorstelle om die roete langer te maak, het ons uiteindelik ingestem.
“Die ekstra 20 km sal in die Naukluftpark gery word. Al dié paaie sal ’n paar dae voor die Dash geskraap word. Uit elke span sal slegs een lid by die Grove wegspring om die eerste 100 km te ry. Al die ondersteuningspanne sal voor die ryers vertrek, om ’n relatief stofvrye roete te verseker.
“Ongeveer N$1.2 miljoen word aan prysgeld uitbetaal en ’n Trek-bergfiets van ongeveer N$80 000 geborg deur Mannie’s Bike Mecca sal in ’n gelukstrekking ’n nuwe baas kry.”
Die ondersteunende borge vir die 2021 Nedbank Desert Dash is Bokomo, Coca-Cola, High Tec, Hollard, Indongo Toyota, Langer Heinrich, Namibië Brouerye, Radio Wave, Slow Town Roasters en Super Spar Maerua (Vecke & Voights).
– [email protected]
FOTO
Van links is Leander Borg (organiseerder van Lema Events), dr. Audrin Mathe (uitvoerende direkteur by die ministerie van sport, jeug en nasionale diens) en mnr. Richard Meeks van Nedbank. Foto Verskaf
Dié goeie nuus is gister deur mnr. Richard Meeks, Nedbank se uitvoerende hoof vir sake- en kleinhandelbankwese, in Windhoek bekend gemaak. Die uitmergelende – dog hoogs gesogte en aansienryke – fietsmarathon se eindstreep sal soos in die verlede weer by Platz Am Meer in Swakopmund lê en wag.
Nedbank het vandat hy die borgskap ’n paar jaar gelede aangekondig het, reeds N$7 miljoen in dié ikoniese langste eendaagse bergfietsresies ter wêreld belê. Geharde bergfietsentoesiaste stroom jaarliks in van Suid-Afrika, Malawi, die VSA, Duitsland, Portugal, Brittanje, Frankryk, Serwië, Kanada, Ierland, België, Botswana en vele ander lande vir die uitdaging.
In Desember sal ’n rekordgetal van 250 soloryers die langer roete aanpak wat met 20 km verleng is. Leander Borg, organiseerder van LEMA Events wat die Desert Dash besit, het vertel hoekom die roete meer lyf gekry het.
“Eers was dit 340 km en later 373 km. Vanjaar wil ons ’n uitdaging aan die ryers rig en het dit verleng. Die idee is nie om deelnemers te straf nie, maar ná vele voorstelle om die roete langer te maak, het ons uiteindelik ingestem.
“Die ekstra 20 km sal in die Naukluftpark gery word. Al dié paaie sal ’n paar dae voor die Dash geskraap word. Uit elke span sal slegs een lid by die Grove wegspring om die eerste 100 km te ry. Al die ondersteuningspanne sal voor die ryers vertrek, om ’n relatief stofvrye roete te verseker.
“Ongeveer N$1.2 miljoen word aan prysgeld uitbetaal en ’n Trek-bergfiets van ongeveer N$80 000 geborg deur Mannie’s Bike Mecca sal in ’n gelukstrekking ’n nuwe baas kry.”
Die ondersteunende borge vir die 2021 Nedbank Desert Dash is Bokomo, Coca-Cola, High Tec, Hollard, Indongo Toyota, Langer Heinrich, Namibië Brouerye, Radio Wave, Slow Town Roasters en Super Spar Maerua (Vecke & Voights).
– [email protected]
FOTO
Van links is Leander Borg (organiseerder van Lema Events), dr. Audrin Mathe (uitvoerende direkteur by die ministerie van sport, jeug en nasionale diens) en mnr. Richard Meeks van Nedbank. Foto Verskaf
Kommentaar
Republikein
Geen kommentaar is op hierdie artikel gelaat nie