Landmerk vind tuiste by Dordabis

Tanja Bause Die beeld van 'n aalwyn wat in 1999 ter viering van die millennium op die destydse parkeerterrein in die middestad opgerig is, het 'n nuwe tuiste naby Dordabis gevind. Die aalwyn wat deur mnr. Renier Viviers van die Alchemist Metal Art Studio gemaak is, weeg sowat 1,8 ton en staan 7,5 meter hoog. Die aalwyn is verwyder nadat met die konstruksiewerk van die Hilton-hotel begin is. Dit het vir 'n paar jaar by Hoërskool Centaurus gestaan voordat dit terug na die kunsateljee geneem is waar dit vir sowat drie jaar voor dié werkplek gelê het. Mnre. Andre en Willem Gous het die aalwyn nou gekoop en dit by die Aalwyn Agri Buurt 25 kilometer op die Dordabis-pad opgerig. “Die Aalwyn Agri Buurt is nis-plase en die ysterfiguur van 'n aalwyn pas perfek hier. Daar is ook 'n paar natuurlike aalwyne wat hier groei en dit pas bymekaar,” het Andre gesê. “Die aalwyn sal reg langs die pad staan en ek is seker dat die beeld 'n toeriste-aantreklikheid kan word. Sodra die eerste mense foto's daarby neem en in die sosiale media plaas, sal die volgende mense dit ook doen,” het Willem voorspel. Die Aalwyn Agri Buurt is op die plaas Brack geleë wat reeds vir ses geslagte in die Gous-familie se besit is. “Die mense praat altyd van die Gouse van die Skaaprivier. Dit is ons daai,” het Andre gesê.– tanja@republikein.com.na

Landmerk vind tuiste by Dordabis

Kommentaar

Republikein 2025-07-04

Meld asseblief aan om kommentaar te lewer

Landmerk vind tuiste by Dordabis

Kommentaar

Republikein 2025-07-04

Meld asseblief aan om kommentaar te lewer

MELD AAN

Advertensie