Landelike gebiede in Ohangwena kry krag

Tuyeimo Haidula op Oshakati – Die Ohangwenastreek is volgende aan die beurt om te baat by NamPower se landelike kragvoorsieningsprojek waarvoor 'n bedrag van N$14 miljoen bewillig is.Die projek, wat vandeesmaand afgeskop het en na verwagting teen September 2022 voltooi sal wees, behels die oprigting van netwerke vir medium- en laespanning in verskeie gebiede van die streek, naamlik Omauni, Onghalulu en Okanghalulwena in die Okongo-kiesafdeling.In die Epembe-kiesafdeling sal die projek diegene in die Omishe-, Loide Nadunya- en Hafyenanye-woongebied bevoordeel. Gebiede in die Eenhana-kiesafdeling wat geoormerk is om by hierdie projek te baat, sluit in Onaisaati, terwyl Oshali Shakanalelo in die Endola-kiesafdeling ook op die lys is.Die woordvoerder van die Ohangwena-streekraad, mnr. Panduleni Nepembe, het gesê die projek behels die konstruksie van 'n totaal van 50 km se oorhoofse lyne (33kV – mediumspanning), die installering van 11 transformators vir medium- tot laespanning, verspreidingstelsels vir laespanning en buitebeligting asook bedrading van die skoolgeboue.Nepembe het gesê die projek sal krag voorsien aan verskeie staatsinstellings soos skole, klinieke, ekonomiese groeipunte en gemeenskapsgebiede in die streek. Ses skole sal by die kragvoorsieningsprojek baat, asook agt stelle sakegroeipunte en verskeie regeringskantore in ongeveer vier kiesafdelings.Die konstruksietender is aan Multi Solution CC toegeken, terwyl Lithon Project Consultants namens NamPower oor die projek toesig hou.– republikein@republikein.com.na

Landelike gebiede in Ohangwena kry krag

Kommentaar

Republikein 2025-05-05

Meld asseblief aan om kommentaar te lewer

Landelike gebiede in Ohangwena kry krag

Kommentaar

Republikein 2025-05-05

Meld asseblief aan om kommentaar te lewer

MELD AAN

Advertensie