Landbousektor doen betyds stappe

Die voormalige minister van landbou, water en bosbou, mnr. Alpheus !Naruseb, het verlede week met belanghebbendes in die landboubedryf vergader om die impak van die Covid-19-pandemie op die bedryf te bespreek en stappe te doen. Verder het die minister van nywerheidsontwikkeling, handel en SME-ontwikkeling, mnr. Tjekero Tweya, ’n noodreddingsplan van die sakesektor aangevra om die impak op die ekonomie te verlig, sê die Namibië Landbou-unie (NLU) in sy nuusbrief.Die NLU het aan beide vergaderings deelgeneem en ondersteun die proaktiewe optrede wat die regering tans implementeer om die verspreiding van die virus te beperk. Die volgende is reeds deur die NLU geïmplementeer om hieraan gehoor te gee:• Groot vergaderings wat binne die NLU en sy affiliasies sou plaasvind, is uitgestel.• Verder is inligting aan boere gestuur oor hoe op plase te werk gegaan moet word om die verspreiding van die virus te beperk.“Dit is van kritieke belang dat handel (in- en uitvoere) nie gestop moet word nie. Dus moet veilings van lewende hawe, verkope aan plaaslike abattoirs, die uitvoer van landbouprodukte en die invoer en uitvoer van ander landbou-insetprodukte voortgaan,” sê die unie.Voorsorgmaatreëls teen die verspreiding van die virus tydens die hou van dierebyeenkomste is deur die direktoraat veeartsenydienste (DVS) uitgereik:1. Vir ’n tydperk van 30 dae (van 17 Maart af) word groot openbare byeenkomste (van meer as 50 mense) tot verdere kennisgewing opgeskort;2. Voorsorgmaatreëls sal tydens die veiling van vee ingestel word om die verspreiding van die virus te voorkom; - Slegs mense wat ’n spesifieke rol by ’n veiling vertolk (veeartse, afslaers, kopers en verkopers) kan die veilings bywoon, nadat hulle ’n temperatuurskandering ondergaan het.- Geen kinders word by veilings toegelaat nie en ook nie handelaars en uitstallers nie.- Tydens veilings moet voorsiening gemaak word vir geriewe om hande te was, asook vir ’n handdroër, ontsmetmiddels ensovoorts. Sosiale afstand moet ook tydens die geleentheid tussen mense gehadhaaf word.- Dit is noodsaaklik dat personeel beskikbaar moet wees om ontsmetmiddels ná handewas te kan toedien.Benewens bogenoemde moet alle diereversamelplekke ingevolge die standaard operasionele prosedures (SOP) vir die werkplek toegerus word om te voorkom dat iemand die Covid-19-siekte opdoen of die virus versprei. Dié SOP strook met die riglyne van die Wêreldgesondheidsorganisasie en die ministerie van gesondheid en maatskaplike dienste en die staatsveearts.

Landbousektor doen betyds stappe

Kommentaar

Republikein 2025-12-19

Meld asseblief aan om kommentaar te lewer

Landbousektor doen betyds stappe

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.