Land se presteerders word in Oktober vereer

Tielman van LillNadat die jaarlikse MTC Namibiese Sporttoekennings weens inperkingsmaatreëls nie verlede jaar aangebied was nie, sal dit vanjaar wel op 30 Oktober in die hoofstad geskied.In die verlede is sportmanne en -vroue en ander rolspelers in 16 kategorieë vir hul prestasies vereer, maar vanjaar word dit tot 21 uitgebrei. ]Beste sportvereniging van die jaar, 'n Community Inspiration-toekenning en professionele diaspora-atleet van die jaar word onder meer bygevoeg.Verlede jaar se “verlore” sportjaar bly egter nie vergete nie, want die periode wat in ag geneem word, strek vanaf 1 Oktober 2019 tot 30 September 2021. Inskrywings deur nasionale sportfederasies en mediahuise kan vanaf 8 September aanlyn via www.nscportal.org gedoen word. Meer besonderhede sal ook later bekendgemaak word.Die beoordelingspaneel vir die sportlui se kategorieë is Lesley Tjiueza (voorsitter), John Ndungaua, Kaino Nghitongo, Reginald Hinda, Appolos Shimakeleni en Kandjii Penandino. Carlos Kambaekua, Ilke Platt en Isack Hamata hanteer die beoordelings vir sportjoernaliste.Me. Agnes Tjongarero, minister van sport, jeug en nasionale diens, het gister by die bekendstelling gesê: “Ons almal het 'n moeilike twee jaar agter die blad, maar hierdie is 'n oomblik vir die viering van wat ons presteerders reggekry het.“Die vertonings van Namibiërs by verskeie internasionale kompetisies soos die Olimpiese Spele, o.20-wêreldatletiekkampioenskap en Paralimpiese Spele in Tokio het opnuut die kollig op die land se enorme talent en onontginde potensiaal geplaas. “Hoeveel ander sportkodes is daar nie waarin sterre ontdek kan word nie? As die private sektor ons help om ontwikkeling te borg, kan nog meer sportlegendes ontdek word en na vore tree.“Met die jaarlikse Namibiese Sporttoekennings in gedagte, spreek ek my opregte waardering uit teenoor die korporatiewe wêreld in Namibië vir hul belegging in die toekenningsgeleentheid, terwyl ander borge ook welkom is om die geleentheid 'n sukses te help maak.”– tielman@republikein.com.na

Land se presteerders word in Oktober vereer

Kommentaar

Republikein 2025-09-19

Meld asseblief aan om kommentaar te lewer

Land se presteerders word in Oktober vereer

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie