Land Rover toer weer in Namibië

Tanja Bause - Die Land Rover Experience Tour skop op 1 November by die Popa-valle in Namibië af. Tussen 16 en 20 Land Rovers sal vir twee weke die Kavango-Zambezi-oorgrensbewaringsgebied (Kaza) besoek en die toer by die Popa-valle kamp van Namibia Wildlife Resorts (NWR) eindig. Dit is ’n reis van sowat 2 300 kilometer. Die Land Rover Experience Tour het sedert sy ontstaan in 2000 reeds 29 lande besoek, 100 000 kilometer afgelê en 500 joernaliste na dié lande geneem. Volgens die leier van die toer, mnr. Dag Rogge, was Namibië in 2002 vir die eerste keer deel van die reisplan en die gedagte was nog altyd om die geleentheid weer na Afrika, spesifiek Namibië, te bring. “Ons het besluit om die volgende toer deur Kaza te doen omdat dit ons die geleentheid gee om al vyf lidlande daarvan, naamlik Angola, Botswana, Zambië, Zimbabwe en Namibië, te besoek. Kaza is die grootste oorgrensbewaringsgebied ter wêreld. Dit is 20% groter as Duitsland en het meer as 35 nasionale parke. Kaza is die tuiste van 40% van Afrika se olifante, daar is meer as 500 voëlspesies en ontsaglike 4x4-roetes vir ons om te verken,” het hy gesê. Internasionale joernaliste is deel van die tog. Hulle sal daarna die toer en Kaza blootstelling in die buiteland gee. “Veertig mense sal van die Popa-valle af vertrek. By die Victoria-watervalle in Zimbabwe gaan sommige huis toe en word met ander joernaliste vervang. In totaal sal sowat 60 mense deel van die 14 dag-toer wees, die land sien en in die buiteland bevorder,” het Rogge gesê. Volgens mnr. Digu //Naobeb, hoofbeampte van die Namibië Toerismeraad (NTB), is die NTB die eksklusiewe bestemmingsvennoot van die Land Rover Experience Tour 2019 en sal verreikende blootstelling kry as deel van Land Rover se kommunikasieaktiwiteite. “Die NTB-handelsmerk is reeds op die toer se webwerf te sien. Die voertuie wat deelneem, sal ook van die handelsmerk voorsien word. Die NTB, Namibië en Kaza sal blootstelling in Land Rover-tydskrifte, verskeie nuusbriewe ensosiale media ontvang,” het //Naobab gesê. “Die Land Rover is ’n voertuig wat baie luuks binne en baie robuus buite is. Die NTB bemark Namibië as ’n luukse bestemming wat gehard is. Dus, met dié ooreenstemming tussen die voertuig en die land maak dit sin dat ons in die oorkruispromosie-vennootskap hande vat,” het hy gesê. Die finale kwalifikasiekamp, wat die deelnemers van die toer sal bevestig, vind vanaf 12 tot 14 April 2019 by die Land Rover Experience-sentrum in Wülfrath, Duitsland, plaas.

Land Rover toer weer in Namibië

Kommentaar

Republikein 2026-02-06

Meld asseblief aan om kommentaar te lewer

Land Rover toer weer in Namibië

Kommentaar

Republikein 2026-02-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.