Laerhuis stem wéér teen May

Die Britse premier se Brexit-ooreenkoms het Dinsdag skipbreuk gely toe ’n meerderheid van 149 LP’s daarteen gestem het.242 LP’s het ten gunste van Theresa May se gewysigde plan gestem en 391 daarteen. Dit was die tweede keer dat haar ooreenkoms in die laerhuis afgeskiet is. Die vorige stemmery in Januarie het presies dieselfde syfers opgelewer:242 steun haar, 391 steun haar nie.May het gesê die laerhuis sal stem of Brittanje die Europese Unie op 29 Maart sonder ’n ooreenkoms moet verlaat en of Brexit uitgestel moet word. Sy het gesê Tory-LP’s kry ’n “vrye” stem oor Brexit. Dit beteken hulle kan stem soos hulle wil en nie volgens die partyleiers se voorskrifte nie. ’n Woordvoerder van die Arbeidersparty het gesê die besluit oor ’n “vrye” stem wys May gee nie meer voor dat sy die land lei nie. “Nogmaals plaas sy haar party se belange voor die openbare belang.” As die laerhuis nie instem tot Brexit sonder ’n ooreenkoms nie, sal daar vandag gestem word oor die uitstel van Brexit. Jeremy Corbyn, leier van die Arbeidersparty, het gesê May moet nou ’n algemene verkiesing uitskryf.Michel Barnier, die EU se hoofonderhandelaar oor Brexit, het Dinsdagaand getwiet die EU het alles in sy vermoë gedoen om ’n ooreenkoms gefinaliseer te kry. DOOIEPUNT“Die dooiepunt kan net in Brittanje opgelos word.Ons ‘geen-ooreenkoms-voorbereidings’ is nou belangriker as ooit,” het Barnier getwiet. Enkele ure voor die stemmery Dinsdag was May nog besig om die pro-Brexit-faksie in haar eie party te oorreed om vir die plan te stem. May moes verlede maand weer met die EU gaan onderhandel oor die sogenaamde Ierse agterdeur nadat die laerhuis sewe wysigings aan haar EU-egskeidingsplan afgekeur het.Die EU dring aan op die Ierse agterdeur – ’n versekering dat geen harde grens tussen Ierland (wat lid van die EU is) en Noord-Ierland – ná Brexit ontstaan nie. Brittanje wil hê die Ierse agterdeur moet beteken dat Noord-Ierland en die res van die Verenigde Koninkryk vir ’n beperkte tyd in die oorgangstydperk deel van die mark-en-doeane-unie bly.In een van die belangrikste stemmings verlede maand is die Arbeider-LP Yvette Cooper se wysiging verwerp. Cooper het voorgestel dat art. 50 tot Desember uitgestel word indien daar nie teen einde Februarie genoeg steun vir May se Brexit-ooreenkoms in die laerhuis is nie.Die stempatrone het ook weer gewys hoeveel onderstromings daar in die Arbeidersparty is. – Netwerk24/Reuters/BBC

Laerhuis stem wéér teen May

Kommentaar

Republikein 2026-02-05

Meld asseblief aan om kommentaar te lewer

Laerhuis stem wéér teen May

Kommentaar

Republikein 2026-02-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.