KYK: Eagles-kaptein gesels oor reeksoorwinning

Gerhard Erasmus, kaptein van die Namibiese krieketspan, sê die reeks teen Suid-Afrika se ontluikende elftal het sy tol op die spelers geëis.“Ons is ná die ses kragmetings in nege dae werklik geestelik en fisiek uitgeput,” het hy gisteraand gesê.“Ons het nou vir ’n week of twee af en dan skop ons met ’n T20-oefenkamp af en in Julie vertrek ons na Skotland vir die ICC se Wêreldkrieketliga-2-kompetisie teen die Skotte, wat internasionale eendagwedstryde is.“Die Suid-Afrikaners het ons Donderdag vir slegs 139 lopies in 30.4 boulbeurte uitgeboul om met 57 lopies te wen. Maar ons het in die laaste eendagwedstryd teruggekom om die reeks in te palm.“Nadat ons vir ’n langtydperk nie kon speel nie, moes ons opnuut begin. Ons het wel twee keer verloor, maar ons het op dieselfde kolfblaaie teruggeveg om as oorwinnaars uit die stryd te tree.“Ons werk hard om ’n wenkultuur te skep en te behou en probeer oud en jonk aanspoor om krieket te speel,” het Erasmus gesê.Die Eagles het Saterdag by Wanderers in Windhoek die derde en laaste Castle Lite-eendagwedstryd met 19 lopies beklink om dié reeks met 2-1 te verseker. Hulle het ook die Castle Lite T20-reeks met 2-1 gewen.Alhoewel die Eagles Donderdag by dieselfde venue die knie teen die groen Proteas moes buig, het hulle Saterdag 338 lopies in die toegelate 50 boulbeurte opgestapel.In die foto is Craig Williams, aangewys as beste speler in die laaste eendagwedstryd. Hy het Saterdag 139 onoorwonne lopies van 119 aflewerings geslaan. Sy beurt het vyf viere en elf sesse ingesluit.Foto en video: Tielman van Lill

KYK: Eagles-kaptein gesels oor reeksoorwinning

Kommentaar

Republikein 2026-05-15

Meld asseblief aan om kommentaar te lewer

KYK: Eagles-kaptein gesels oor reeksoorwinning

Kommentaar

Republikein 2026-05-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.