Kyk! Daar's 'n os groter as Knickers!
Staan opsy, Knickers, jy is nie meer die grootste os in die kraal nie.
Enkele dae nadat die enorme Australiese os opslae gemaak het, het die kollig na 'n “sagmoedige reus” van Kanada verskuif. Dozer van die plaas Kismet Creek in Manitoba, Kanada, is 'n volle 2 cm groter as Knickers.
Karl Schoenrock en sy vrou, Raelle, vertel op Facebook die plaaslike media het vandeesweek kom aanklop om te hoor hoe groot Dozer is.
“Die laaste keer wat ons Dozer gemeet het, was hy 1,91 m, maar dit was twee jaar gelede,” skryf Raelle.
Toe die paartjie hom weer meet, is daar gevind hy het met 5 cm gegroei.
Teen 1,96 m is Dozer 'n volle 2 cm groter as Knickers, wat 1,94 m groot is en 1,4 ton weeg. Dit is nie bekend hoeveel Dozer weeg nie.
Sky News berig Dozer was op pad slagpale toe, toe 'n veganis hom van 'n gewisse dood gered het.
Hy is na Kismet Creek gebring waar hy die res van sy dae in saligheid saam met ander diere, waaronder 'n paar perde en bokke, kan uitleef.
Die grootste bul tot nog toe was glo Ou Ben, 'n massiewe bees van 'n plaas in die Amerikaanse deelstaat Indiana. Hy het glo meer as twee ton geweeg en was byna 5 m lank. Hy is in 1910 uitgesit nadat hy geval en sy been gebreek het, berig Roadside America.– Netwerk24
Enkele dae nadat die enorme Australiese os opslae gemaak het, het die kollig na 'n “sagmoedige reus” van Kanada verskuif. Dozer van die plaas Kismet Creek in Manitoba, Kanada, is 'n volle 2 cm groter as Knickers.
Karl Schoenrock en sy vrou, Raelle, vertel op Facebook die plaaslike media het vandeesweek kom aanklop om te hoor hoe groot Dozer is.
“Die laaste keer wat ons Dozer gemeet het, was hy 1,91 m, maar dit was twee jaar gelede,” skryf Raelle.
Toe die paartjie hom weer meet, is daar gevind hy het met 5 cm gegroei.
Teen 1,96 m is Dozer 'n volle 2 cm groter as Knickers, wat 1,94 m groot is en 1,4 ton weeg. Dit is nie bekend hoeveel Dozer weeg nie.
Sky News berig Dozer was op pad slagpale toe, toe 'n veganis hom van 'n gewisse dood gered het.
Hy is na Kismet Creek gebring waar hy die res van sy dae in saligheid saam met ander diere, waaronder 'n paar perde en bokke, kan uitleef.
Die grootste bul tot nog toe was glo Ou Ben, 'n massiewe bees van 'n plaas in die Amerikaanse deelstaat Indiana. Hy het glo meer as twee ton geweeg en was byna 5 m lank. Hy is in 1910 uitgesit nadat hy geval en sy been gebreek het, berig Roadside America.– Netwerk24
Kommentaar
Republikein
Geen kommentaar is op hierdie artikel gelaat nie