Kwartmiljard vir Ejuva-sonkrag

Twee aanlegte in gebruik

24 August 2018 | Energie
Ejuva Een en Ejuva Twee, twee sonkragaanlegte naby Gobabis wat gister amptelik in gebruik geneem is, gaan jaarliks 25,8 gigawatt-ure (GWh) aan Namibië se nasionale kragnetwerk verskaf.

Altesaam N$250 miljoen is in dié projek gestort, een van 14 wat as deel van die hernubare energie-invoertariefprogram (Refit) geïdentifiseer is. Dié program is deur die ministerie van myne en energie en die Elektrisiteitsbeheerraad (ECB) van stapel gestuur om onafhanklike kragvoorsieners in die land te vestig.

NamPower sal vir 25 jaar krag by Ejuva koop.

OKA Capital en BPI Energy Solutions, twee plaaslike beleggers, besit saam 34% van die aandele in die Ejuva-projek. Die ander belange behoort aan CIGenCo SA en batebestuurder Mergence Unlisted Investment Managers (Namibia). Eersgenoemde besit 49%, terwyl Mergence 17% namens sy kliënte het.

Die adjunkminister van myne en energie, me. Kornelia Shilunga, het tydens gister se inhuldiging gesê Ejuva sal help om Namibië se energiebronne af te wissel. Dit sal die kapasiteit vir opwekking verhoog en die uitlating van koolsuurgasse verminder.

Bematiging

Shilunga is veral in haar skik met hoeveel van die projek in Namibiese hande is en watter impak dit op werkskepping en die ontwikkeling van kundigheid gehad het.

Tydens konstruksie, wat verlede Oktober afgehandel is, is werk aan 20 mense verskaf. Vyf mense sal voortaan vir die bedryf van die aanlegte, wat langs mekaar geleë is, verantwoordelik wees.

Volgens me. Hileni Nghinaunye van Mergence het dié maatskappy, buiten sy eie belang in Ejuva, ook lenings aan OKA Capital en BPI Energy Solutions om hul aandeelhouding te finansier.

Mergence is reeds besig met die finalisering van ‘n belegging om die meerderheidsbelang in nóg ‘n projek van 5 megawatt in die land te bekom. Ook hier sal die maatskappy help met die finansiering van plaaslike vennote se belang in dié projek.

Me. Sara Mezui-Engo van die staatsdienspensioenfonds (GIPF) het gesê die finansiering van projekte soos Ejuva stel die GIPF in staat om Namibiese aandeelhouers te bemagtig.

Sodoende is hulle op gelyke voet met internasionale beleggers.

Geld wat in die lang termyn uit die energiesektor vloei, bly in die land, het sy gesê.

Soortgelyk

 

Bank en depot sal nie sluit nie, sê Peya

27th of May 10:43 | Regering

Denver Kisting – Die minister van inligting en kommunikasietegnologie, dr. Peya Mushelenga (foto, Nampa), sê mnr. Knowledge Ipinge, raadslid van die Walvisbaai- stedelike kiesafdeling, het...

Namibië het nou 22 bevestigde Covid-19-gevalle

27th of May 10:35 | Gesondheid

Namibië se jongste bevestigde geval van Covid-19, geval nr. 22, is in 'n kritieke toestand en gekoppel aan 'n ventilator in 'n intensiewesorgeenheid aan die...

B-dag: Maak of breek

10 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

10 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

10 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

10 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

10 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

10 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

10 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...