Kusvrou maande later steeds soek
Die polisie krap steeds kop oor wat van 'n 21-jarige vrou van Walvisbaai geword het wat in April vanjaar spoorloos verdwyn het.
Denver Kisting
Die polisie bied 'n beloning van N$50 000 aan vir enigiemand wat kan help met die opsporing van 'n jong ma, me. Shannon Darlikie Wasserfal (21).
Sy het op 10 April vanjaar spoorloos uit Walvisbaai verdwyn.
Tot dusver het die polisieondersoek nog niks opgelewer nie.
Adj.komm. Kauna Shikwambi, die nasionale polisiewoordvoerder, sê Wasserfal het op dié dag die huis in Kuisebmond, verlaat wat sy met haar kêrel deel.
Sy het glo hul 18 maande oue kind by 'n vriendin gaan los “en nie sedertdien teruggekeer nie”.
Wasserfal was glo tot omstreeks 16:00 in dié vriendin se geselskap, sê Shikwambi.
Sy sou glo aan haar vriendin gesê het sy gaan by 'n ander vriend kuier, “maar sy het nie onthul wie dié vriend is nie” wat na bewering ook op Walvisbaai woon.
Shikwambi sê die polisie het reeds verskeie onderhoude met Wasserfal se kêrel gevoer en 'n beëdigde verklaring by hom afgeneem.
FOONREKORDS SE LEIDRAAD
Die jong vrou is skraal gebou, 1,58 meter lank en vlot in Khoekhoegowab en Afrikaans.
Sy is laaste in 'n wit kortbroek opgemerk.
Shikwambi het gister gesê Wasserfal se selfoon is volgens rekords omstreeks 16:45 op die dag van haar verdwyning afgeskakel.
Dié foonrekords dui aan die toestel was in daardie stadium in die omgewing van Myl 4 op Swakopmund.
Geeneen van haar vriende in Windhoek, op Otjiwarongo en langs die kus het haar die afgelope meer as drie maande opgemerk nie, sê die woordvoerder.
Shikwambi sê Wasserfal is eers vier dae later – op 14 April vanjaar – by die polisie as vermis aangemeld.
Enigiemand met inligting oor waar Wasserfal haar bevind, kan met die Erongostreek se koördineerder van misdaadondersoeke, adj.komm. Erastus Iikuyu by 081 246 4757 in verbinding tree.
- [email protected]
Die polisie bied 'n beloning van N$50 000 aan vir enigiemand wat kan help met die opsporing van 'n jong ma, me. Shannon Darlikie Wasserfal (21).
Sy het op 10 April vanjaar spoorloos uit Walvisbaai verdwyn.
Tot dusver het die polisieondersoek nog niks opgelewer nie.
Adj.komm. Kauna Shikwambi, die nasionale polisiewoordvoerder, sê Wasserfal het op dié dag die huis in Kuisebmond, verlaat wat sy met haar kêrel deel.
Sy het glo hul 18 maande oue kind by 'n vriendin gaan los “en nie sedertdien teruggekeer nie”.
Wasserfal was glo tot omstreeks 16:00 in dié vriendin se geselskap, sê Shikwambi.
Sy sou glo aan haar vriendin gesê het sy gaan by 'n ander vriend kuier, “maar sy het nie onthul wie dié vriend is nie” wat na bewering ook op Walvisbaai woon.
Shikwambi sê die polisie het reeds verskeie onderhoude met Wasserfal se kêrel gevoer en 'n beëdigde verklaring by hom afgeneem.
FOONREKORDS SE LEIDRAAD
Die jong vrou is skraal gebou, 1,58 meter lank en vlot in Khoekhoegowab en Afrikaans.
Sy is laaste in 'n wit kortbroek opgemerk.
Shikwambi het gister gesê Wasserfal se selfoon is volgens rekords omstreeks 16:45 op die dag van haar verdwyning afgeskakel.
Dié foonrekords dui aan die toestel was in daardie stadium in die omgewing van Myl 4 op Swakopmund.
Geeneen van haar vriende in Windhoek, op Otjiwarongo en langs die kus het haar die afgelope meer as drie maande opgemerk nie, sê die woordvoerder.
Shikwambi sê Wasserfal is eers vier dae later – op 14 April vanjaar – by die polisie as vermis aangemeld.
Enigiemand met inligting oor waar Wasserfal haar bevind, kan met die Erongostreek se koördineerder van misdaadondersoeke, adj.komm. Erastus Iikuyu by 081 246 4757 in verbinding tree.
- [email protected]
Kommentaar
Republikein
Geen kommentaar is op hierdie artikel gelaat nie