Kul jou hier, kul jou daar
Wian van den Berg is ‘n jong, opkomende kunstenaar wat al wêreldwyd naam gemaak het. Dié 22-jarige kulkunstenaar tree nie net in Suid-Afrika op nie, maar ook in stede soos Los Angeles, Las Vegas, Londen en Dubai waar maatskappye soos (onder meer) Coca Cola, BMW en Mercedes sy kliënte is. TV-kykers het Wian al op Kwêla beleef, en hy was ‘n South Africa’s got talent-finalis. Boonop doen hy sy toertjies in Afrikaans!
Wian, wanneer het jy vir die eerste keer besef jy het die talent om te kul?
Ek was 15 jaar oud toe ek 'n kulkunstenaar op TV gesien het en begin oefen het.
Waar het jy jou kunsies geleer?
Mense vind dit verskriklik interessant wanneer ek hulle vertel dat ek aanvanklik myself geleer het. Later het ek ander kunstenaars bestudeer en hul toertjies “uitgefigure” en selfs gekoop.
Jy sê jy het op 15 met jou toertjies begin? En wat het jou skoolpelle en die onnies met jou gemaak as jy so kul?
Die kinders het elke vrye periode en pouse in groepe gestaan om die toertjies te sien. Die onderwysers stap nou nog verby my en sê “Jy ken ons mos nie omdat jy nou famous is”, en dan voel ek baie geëerd! Toe ek die toertjies die eerste keer vir my onderwysers wys, het iets unieks gebeur, ‘n eerste vir my: Ek het vir die eerste keer 'n paar vloekwoorde uit hul monde gehoor.
Wie het jou verder gehelp om jou vaardighede te slyp?
Ek het 'n paar wêreldklas kulkunstenaars leer ken wat my goeie raad gegee het en wie se toertjies ek bestudeer het.
Is jou kullery ‘n talent of is dit aangeleer?
Ek voel dit is iéts vir my, en ek voel nie dat enigiemand dit sommer kan aanleer nie. Jy moet die visie hê en verstaan watter truuks mense wil sien. Wat jy doen, moet ook by jou persoonlikheid pas - by hoe mense jou sien. En jy moet iemand wees wat bereid is om deur jou skooljare heen heeldag met 'n pak kaarte te speel.
Wat geniet jy die meeste van dit wat jy doen?
Die feit dat ek na enige mens in die wêreld kan stap wat ek nog nie ontmoet het nie, en hom kan laat lag, skree en dink dat ek iets kan doen wat hy geglo het onmoontlik is. Sing, dans en ander vermaak is goed, maar my truuks laat iemand iets ervaar wat hy gedink het nie kán nie, in ‘n stadium wat hy geglo het hy weet presies wat moontlik en onmoontlik is. Dit is iets wat iemand vir ewig onthou.
Hoe was jou afgelope jaar in die bedryf?
Dit was ongelooflik. Ek het TV-optredes gehad en ek het soveel mense ontmoet wat sulke interessante lewens het. Ek het op meer as een vasteland opgetree, en het kunstenaars soos Ray Dylan, Andries Vermeulen en Therese Benade ontmoet. Hul goeie gesindheid teenoor my hou my aan die gang.
Wat is volgende vir jou, Wian?
Behalwe nóg optredes oraloor die wêreld wil ek graag my Facebook-blad uitbrei sodat kinders en grootmense kan weet wat ek doen. Ek is bevoorreg om oor 'n miljoen views op YouTube te hê en wil nóg groter gaan.
Boereverneukery is op 1 Augustus by die Swakopmund-hotel en op 2 en 3 Augustus by De Kayak in Windhoek te sien. Kaartjies is by today.com.na beskikbaar.
Wian, wanneer het jy vir die eerste keer besef jy het die talent om te kul?
Ek was 15 jaar oud toe ek 'n kulkunstenaar op TV gesien het en begin oefen het.
Waar het jy jou kunsies geleer?
Mense vind dit verskriklik interessant wanneer ek hulle vertel dat ek aanvanklik myself geleer het. Later het ek ander kunstenaars bestudeer en hul toertjies “uitgefigure” en selfs gekoop.
Jy sê jy het op 15 met jou toertjies begin? En wat het jou skoolpelle en die onnies met jou gemaak as jy so kul?
Die kinders het elke vrye periode en pouse in groepe gestaan om die toertjies te sien. Die onderwysers stap nou nog verby my en sê “Jy ken ons mos nie omdat jy nou famous is”, en dan voel ek baie geëerd! Toe ek die toertjies die eerste keer vir my onderwysers wys, het iets unieks gebeur, ‘n eerste vir my: Ek het vir die eerste keer 'n paar vloekwoorde uit hul monde gehoor.
Wie het jou verder gehelp om jou vaardighede te slyp?
Ek het 'n paar wêreldklas kulkunstenaars leer ken wat my goeie raad gegee het en wie se toertjies ek bestudeer het.
Is jou kullery ‘n talent of is dit aangeleer?
Ek voel dit is iéts vir my, en ek voel nie dat enigiemand dit sommer kan aanleer nie. Jy moet die visie hê en verstaan watter truuks mense wil sien. Wat jy doen, moet ook by jou persoonlikheid pas - by hoe mense jou sien. En jy moet iemand wees wat bereid is om deur jou skooljare heen heeldag met 'n pak kaarte te speel.
Wat geniet jy die meeste van dit wat jy doen?
Die feit dat ek na enige mens in die wêreld kan stap wat ek nog nie ontmoet het nie, en hom kan laat lag, skree en dink dat ek iets kan doen wat hy geglo het onmoontlik is. Sing, dans en ander vermaak is goed, maar my truuks laat iemand iets ervaar wat hy gedink het nie kán nie, in ‘n stadium wat hy geglo het hy weet presies wat moontlik en onmoontlik is. Dit is iets wat iemand vir ewig onthou.
Hoe was jou afgelope jaar in die bedryf?
Dit was ongelooflik. Ek het TV-optredes gehad en ek het soveel mense ontmoet wat sulke interessante lewens het. Ek het op meer as een vasteland opgetree, en het kunstenaars soos Ray Dylan, Andries Vermeulen en Therese Benade ontmoet. Hul goeie gesindheid teenoor my hou my aan die gang.
Wat is volgende vir jou, Wian?
Behalwe nóg optredes oraloor die wêreld wil ek graag my Facebook-blad uitbrei sodat kinders en grootmense kan weet wat ek doen. Ek is bevoorreg om oor 'n miljoen views op YouTube te hê en wil nóg groter gaan.
Boereverneukery is op 1 Augustus by die Swakopmund-hotel en op 2 en 3 Augustus by De Kayak in Windhoek te sien. Kaartjies is by today.com.na beskikbaar.
Kommentaar
Republikein
Geen kommentaar is op hierdie artikel gelaat nie