Kuier saam met Eden
Eden het hulself gevestig as Suid- Afrika se gewildste en mees suksesvolle “boy band”. Die kombinasie van hul stemme en hul energieryke konserte asook hul oorspronklike treffers, het gesorg dat hul albums keer op keer platinumstatus in Suid-Afrika bereik. Die goeie nuus is dat die manne van Eden weer in Windhoek te sien is! Eden bestaan uit Jay, Johan Vorster en Paulo Azevedo.
Saam het hulle reeds verskeie benoemings en toekennings ontvang en bly hulle voortdurend besig om nuwe materiaal te skryf. Jay het sy professionele loopbaan as kunstenaar in 1996 in teater begin en vir homself ‘n FNB Vitabenoeming ingepalm vir sy laaste opvoering voordat hy begin musiek maak het.
Intussen het hy drie albums opgeneem en is hy benoem vir sewe toekennings, waarvan hy een gewen het vir beste pop-album. Hy het die verhoog reeds met verskeie internasionale kunstenaars gedeel, onder andere The Corrs, Bono, Ronan Keating en Westlife. Jay is ook pas benoem as een van Suid-Afrika se mees aantreklike mans. Johan het met musiek grootgeword en reeds van kleintyd die kitaar en klavier gespeel.
Hy het musiek gestudeer aan die Universiteit van Potchefstroom voordat hy in 2000 by Eden aangesluit het. Hy het gesorg vir Eden se musiek op hul jongste opnames. Hy is deesdae ook ‘n vennoot by Mozi Records en was deel van die span betrokke by die Bok van Blerk-treffer, “De La Rey”. Paulo is in Kaapstad gebore, maar woon vandag in Pretoria. Hy het begin sing toe hy maar tien jaar oud was.
Hy is ‘n tegniese kenner in klank- en verhoogproduksie en het reeds met verskeie kunstenaars getoer. Hy is veral lief vir die klavier, saxofoon en kitaar. Eden is onlangs benoem vir die People/Mense Crystal toekennings in die kategorie vir die Beste SA Groep. Eden is in Windhoek op uitnodiging van Cater Hire en Trendline @ 2 Hair Studio. Hulle tree Saterdag om 20:00 by die SKW in Olympia op.
Gewone kaartjies kos N$100, Goue Sirkel kaartjies (wat ‘n ete insluit) kos N$300 en die Platinum-kaartjies kos N$500, wat ‘n ete en toegang tot ‘n private partytjie saam met Eden na afloop van die konsert insluit. Vir meer inligting en om kaartjies te bekom, skakel 061 266 201.
Saam het hulle reeds verskeie benoemings en toekennings ontvang en bly hulle voortdurend besig om nuwe materiaal te skryf. Jay het sy professionele loopbaan as kunstenaar in 1996 in teater begin en vir homself ‘n FNB Vitabenoeming ingepalm vir sy laaste opvoering voordat hy begin musiek maak het.
Intussen het hy drie albums opgeneem en is hy benoem vir sewe toekennings, waarvan hy een gewen het vir beste pop-album. Hy het die verhoog reeds met verskeie internasionale kunstenaars gedeel, onder andere The Corrs, Bono, Ronan Keating en Westlife. Jay is ook pas benoem as een van Suid-Afrika se mees aantreklike mans. Johan het met musiek grootgeword en reeds van kleintyd die kitaar en klavier gespeel.
Hy het musiek gestudeer aan die Universiteit van Potchefstroom voordat hy in 2000 by Eden aangesluit het. Hy het gesorg vir Eden se musiek op hul jongste opnames. Hy is deesdae ook ‘n vennoot by Mozi Records en was deel van die span betrokke by die Bok van Blerk-treffer, “De La Rey”. Paulo is in Kaapstad gebore, maar woon vandag in Pretoria. Hy het begin sing toe hy maar tien jaar oud was.
Hy is ‘n tegniese kenner in klank- en verhoogproduksie en het reeds met verskeie kunstenaars getoer. Hy is veral lief vir die klavier, saxofoon en kitaar. Eden is onlangs benoem vir die People/Mense Crystal toekennings in die kategorie vir die Beste SA Groep. Eden is in Windhoek op uitnodiging van Cater Hire en Trendline @ 2 Hair Studio. Hulle tree Saterdag om 20:00 by die SKW in Olympia op.
Gewone kaartjies kos N$100, Goue Sirkel kaartjies (wat ‘n ete insluit) kos N$300 en die Platinum-kaartjies kos N$500, wat ‘n ete en toegang tot ‘n private partytjie saam met Eden na afloop van die konsert insluit. Vir meer inligting en om kaartjies te bekom, skakel 061 266 201.
Kommentaar
Republikein
Geen kommentaar is op hierdie artikel gelaat nie