Kudus verwelkom Chrysander terug

Andrew Poolman - Chrysander Botha, moontlik die heel bekendste rugbyspeler wat nóg Kudus se blou rugbytrui oor die kop getrek het, draf môre vir die eerste keer in vyf jaar vir die klub van Narraville op die veld.Teen die sukkelende buurspan Walvisbaai-rugbyklub sal Botha sonder twyfel een van die trekpleisters wees. Kudus (sewende op die puntelys) is net een posisie hoër as Walvisbaai, maar 25 ligapunte teen 12 spreek van die gaping – asook vyf oorwinnings hierdie seisoen teenoor net twee.Die Namibiese heelagter se kontrak met die Engelse premierligaklub Exeter Chiefs het onlangs verstryk en Botha het dus na sy geboortedorp teruggekeer. Voor sy twee seisoene in Engeland, waarin beserings waarskynlik ’n groot rol gespeel het om te verhinder dat hy ’n groter merk kon maak, het die lenige speler ook Superrugby vir die Goue Leeus gespeel.Botha se 16 drieë in 38 toetse is die meeste van enige aktiewe Namibiese speler – met flank Rohan Kitshoff op elf drieë in 28 toetse wat vreemd genoeg selfs ’n dodeliker treftempo handhaaf. Die nasionale rekord van Gerhard Mans (27 in 27 toetse) sal egter nog vir jare bly staan.Kudus se span: 15 Chrysander Botha, 14 Nicasio Schoombe, 13 Elmo van der Byl, 12 Allister Miller, 11 Michael Hummel, 10 Ulriato Lawrence, 9 Percy Nash, 8 Ngumee Nguaiko, 7 Ernesto Bampton, 6 Ricardo Kubas, 5 Joshua Jacobs, 4 Enzio Kotzee, 3 Andries Rousseau, 2 Bjorn Block, 1 Markie Nangoro.Reserwes: Valdio de Waal, Lorenco Calaza, Lu-Uwardo Sitzer, Anthony Jevu, Reyton Paulse, Mervin Kotzee, Irvin Damants.• Nog ’n wedstryd by die kus is Jood Opperman se Trustco United-span wat by Dolphin op Swakopmund besoek aflê.Die Swakopmunders is onderaan die nege spanne in die premierliga.“Ons wil graag ritme bou en wil nie vir Dolphin onderskat nie. Ons los maar so ’n paar manne wat beserings en werksverpligtinge het sodat hulle kan goeie rehabilitasie vir ons volgende wedstryd teen Suburbs kry,” sê Opperman.Trustco United: 15 Jamie Joseph, 14 Stefan Louw, 13 Martin Cronjé, 12 Danjemin de Bruin, 11 Nandivatu Karuuombe, 10 Robbie Dickson, 9 Morenzel Strauss, 8 Greyling Koopman, 7 Winmar Rust (kapt), 6 Niël van Vuuren, 5 Jandré Lamprecht, 4 Lionel Nantes, 3 Ignus Tripodi, 2 Clinton de Klerk, 1 Arno von Wielligh.Reserwes: Johan Jurgens, Kama Ujaha, Jaco Bonthuys, Tony Shihepo, TW Koortz, Felix Humphries, Kevin Kadhila.• Die naweek se wedstrydprogram begin vanaand by die Unam-stadion waar die verdedigende kampioene FNB Unam nie die aanslag van Reho Falcon (vyfde) se onlangse momentum sal miskyk nie.Unam, tweede op die puntelys, het selwers ’n goeie string van agt onafgebroke oorwinnings behaal en behoort voor hul geesdriftige tuisskare nie teleur te stel nie. Agtsteman Bradley Klazen se manne het selfvertroue dat hul fiksheid in die laaste 20 minute die knoop teen die taaiste opponent kan deurhaak wanneer hulle krane oopdraai.• Nog ’n kompeterende wedstryd tussen van die hoër gerekende spanne is môre se botsing tussen die voorloper FNB Wanderers en FNB Western Suburbs (derde). Op Suburbspark, voor goeie getalle ondersteuners, gee die Khomasdallers onder afrigterskap van Sergio de la Harpe en Rudolf Witbooi immers nie moed op voordat die eindfluitjie blaas nie.VANAAND21:00 Unam I tn Reho Falcon I by Unam (premierliga)19:30 Unam II tn Reho Falcon II by Unam (reserweliga)MôRE15:15 FNB Western Suburbs I tn FNB Wanderers I by Suburbspark (premierliga)15:15 Dolphins I tn Trustco United I by Dolphins (premierliga)15:15 Kudus I tn Walvisbaai I by Kudus-stadion (premierliga)13:30 Western Suburbs II tn Wanderers II by Suburbspark (reserweliga)13:30 Dolphins II tn United II by Dolphins (reserweliga)13:30 Kudus II tn West Coast Sharks I by Kudus-stadion (reserweliga)15:00 Erongo Rugby-akademie I tn Dragons I op Walvisbaai (eerste liga)TISAN OP SEWESTOERTisan se sewesrugbyspan is ook bekend gemaak wat op 3 Julie na Wallis vertrek om in ’n wêreldstudentetoernooi vir sewesrugby uit te draf.Die span bevat verskeie van die Universiteit van Namibië se sterspelers wat verlede jaar die Namibië Rugby-unie se premierliga gewen het.Die spelersgroep is Mbimbo Mbai, Lorenzo Louis, Zikamee Kaura, Chessborough Lawrence, Muharua (Max) Katjijeko, Unomasa Kavita, Helarius Kisting, Simon Haitembu (almal by Unam ingeskryf), Henry Kandjou, Sunday Haitembu en Lesley Klim (NUST) en Daniel Bok (Universiteit van die Wes-Kaap).Afrigter Les Bougard se span word vergesel deur Werner Jeffery junior (krag en kondisionering), Donata Ngunovandu (mediese beampte), Seti Evaistus (bestuurder) en Werner Jeffery (missiehoof).

Kudus verwelkom Chrysander terug

Kommentaar

Republikein 2025-12-19

Meld asseblief aan om kommentaar te lewer

Kudus verwelkom Chrysander terug

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.