Kudus teen Unam open premierliga

Andrew Poolman - Die drie wedstryde op die openingsnaweek van die Namibië Rugby-unie (NRU) se premierliga vir 2019 sal in vele opsigte insiggewend wees.Die huidige titelhouer, FNB Wanderers, het 'n afnaweek voordat hy aanstaande Saterdag sy eerste kans in 'n tuiswedstryd teen Kudus kry.Wanderers, steeds onder Vince Dreyer, en FNB Universiteit van Namibië, met Johan Diergaardt, is die enigste van die sewe premierligaklubs wat nie in die afseisoen hul hoofafrigters verander het nie.Straks die naweek se groot botsing sal in Narraville, Walvisbaai, geskied waar Kudus gereed lê om soos altyd sake vir enige besoeker vuurwarm te maak – in môre se geval Unam, wat altyd 'n gedugte aanslag bring.Afrigter Graham (Fanco) Swartz se Kudus het geen speler afgestaan aan die nasionale oefengroep nie, wat sedert Januarie geslyp word met die oog op die SuperSport-reeks en die toetsseisoen. Geen speler uit die oefengroep is die naweek vir klubrugby vrygestel nie. Klubs kan ook nie reken op enige spelers wat volgende week na die Barthes Afrika o.20-toernooi in Nairobi vertrek nie.Kudus se beroemde uitvoerproduk Chrysander Botha werk deesdae in Windhoek en het dus as speler by FNB Western Suburbs geregistreer, waar hy ook reeds by die afrigterspan betrek is. Botha is die land se rekorddriedrukker met 28 drieë in 56 toetse en in hierdie Wêreldbekerjaar word in elk geval nie verwag dat hy uitermate baie klubrugby gaan speel nie.Die Walvisbaaiers het nie tyd verspeel om Chess Lawrence in die beginspan te kies nie, ná sy terugkeer van Unam vir wie hy die afgelope seisoene dikwels blink spel gelewer het. Teen sy ou spanmaats sal Lawrence waarskynlik op min beweegruimte kan reken.Unam se afrigter, Johan Diergaardt, sê: “Dis 'n nuwe jaar en 'n nuwe groep. Met sewe spelers in die nasionale groep, nog vier by die o.20's en vier staatmakers wat uitgetree het, vervang ons byna 'n hele span van gehalte.“Nogtans sien ons uit na 'n seisoen vol nuwe uitdagings en vol potensiaal. Ek is opgewonde om te sien hoe die manne reageer.”Kudus: 15 Lloyd Jacobs, 14 Vernon McKay, 13 Chess Lawrence, 12 Mervin Kotzee, 11 Cameron Stevens, 10 Ulratio Lawrence, 9 Percy Nash (o.kapt), 8 Joshua Jacobs, 7 Lezario Vos, 6 Cosmos Magome, 5 Wardo Sitzer, 4 Codey Naholo, 3 Antonio Hoabeb, 2 Dario Benson (kapt), 1 Lorenzio CalazaReserwes: Bjorn Klaaste, Sydney Halupe, Elazio Jenneker, Irwin Demants, Virgill Bampton, Keeane Wellman, Rayton Paulse, Donavon Hummel.FNB Unam: 15 Lorenzo Louis, 14 Unomasa Kavita, 13 Clyde Besser, 12 Camlo Martin (kapt), 11 Sunday Haitembu, 10 Chad Plato, 9 Milaan van Wyk, 8 Berry Gande, 7 Simon Haitembu, 6 Kami Mieze, 5 Nic Kotze, 4 Thomas Kali, 3 Wobel Fourie, 2 Simon Kanime, 1 Graham April. Die reserwes sou gisteraand bevestig word. SUBURBS TEEN REHOBOTHIn Khomasdal skop Llewellyn Winkler sy termyn as hoofafrigter van FNB Western Suburbs af teen Rehoboth se Rooi Bulle – wat onder David Philander selwers met 'n onverwagse aanslag vorendag sal wil kom.Shaun Kaizemi, wat tot onlangs steeds die leisels by die groen truie sou hou, se vader het intussen gesterf en hy moes na Suid-Afrika verhuis om na die familie se besigheid in die boubedryf om te sien.'n Nuutjie wat by Suburbspark ingestel word, is die oorhandiging van 'n klein trofee en N$500 aan die speler van die wedstryd ná die eindfluitjie. Die klub en sy hoofborg FNB Namibia het met dié gedagte vorendag gekom om erkenning vir goeie vertonings te gee. In die voorafgaande reserweliga-stryd tussen die tweede spanne sal die bekroonde speler ook 'n trofee ontvang.Organiseerders het beklemtoon dat geen koelbokse of hubbly bubbly-waterpype deur die toegangshekke toegelaat sal word nie.FNB Western Suburbs: 15 Japhet Tjindjo, 14 Dumarcho Hartung, 13 Ricardo Swartz, 12 Mbimbo Mbai (kapt), 11 Daniel Hummel, 10 Justin Nel, 9 Biza Willemse, 8 Mogamat Emamdien, 7 Richard Mapewa, 6 Ryan Garoeb, 5 Fidel Micolleney, 4 Diamando Tjombe, 3 Andreas Shikonekeni, 2 Howard Gawachab, 1 Breyton Bostander.Reserwes: Amirow Uys, Elliot Lombardt, Nathan Kisting, Vakomboka Kamboo, AJ Kearns, Nazume Swartz. FALCON TEEN UNITEDDie verslane finalis van 2018, Trustco United, se nuwe afrigter wat by Jood Opperman oorneem, Robbie Dickson, moes gister erken dat hy tans bietjie in die knyp is sover dit diepte onder sy stutte betref.Chris Swanepoel en Gerhard Opperman, beide in hul tweede jaar as nasionale o.20-spelers, is onbeskikbaar en bestem om volgende week saam met die nasionale junior span na 'n toernooi in Kenia te vertrek.Intussen is Gerhard Lotter, die stewige geboude voormalige toetshaker van Wanderers, vanweë 'n besering nie gereed om sy ligadebuut vir die Filistyne te maak nie, terwyl Jason Benade in die senior nasionale oefengroep is wat nie vir die naweek vrygestel is nie.Dickson se agterlyn het ook 'n jeugdige voorkoms, ná die vertrek van Mbimbo Mbai (nou kaptein van Western Suburbs), Tuna Amutenya en Nandivatu Karuuombe (na Wanderers).Reho Falcon, afgerig deur die klub se legende Ronaldo Pedro, het in die afseisoen 'n paar spelers aan die suidedorp se twee ander klubs Rehoboth en St. Lou afgestaan en sal dus opnuut hul veldtog met 'n redelik onervare spelersgroep aanpak. Falcon se span is teen druktyd nie ontvang nie.Trustco United: 15 Darryl Vries, 14 Stefan Louw, 13 Jacques le Hanie, 12 Michael Hummel, 11 Herman Stroh, 10 Hanreco van Zyl, 9 Pieter van Vuuren, 8 Shaun van Rooi, 7 Morné Blom, 6 Dean Blom, 5 Jandré Lamprecht, 4 Winmar Rust, 3 Niël van Vuuren, 2 Gerhard Thirion, 1 Tommy Jarman.Reserwes: Michael Braga, Dawid Labuschagné, Erik Blom, Rudie Liebenberg, Wimpie van der Merwe, Henry Kandjou, Donovan van Wyk.

Kudus teen Unam open premierliga

Kommentaar

Republikein 2025-11-05

Meld asseblief aan om kommentaar te lewer

Kudus teen Unam open premierliga

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.