Kry liggaam, siel en gees reg

Cobie Bok- Bid en waak! het die broese altyd gesê.Ek dink terug aan die dae wat ons so ge-travel het met die Evangelie. . . Ja, ek het so ’n bietjie sendingwerk gedoen om ’n paar siele vir die Here te wen; ek vertrou en glo ek het darem ’n siel of twee gewen. Ja, ons verwag altyd baie van die Here: ’n nuwe werk, ’n mooi vrou en ’n gesonde lewe, maar wat is ons bereid om op die tafel te sit? Wat doen ons vir Hom, behalwe om te bid, kerk toe te gaan en ’n goeie lewe te leef?Ek staar my blind aan die vroumense, watter mooi wesens het die Here gemaak!Ja, ek was sag! Ek raak sommer verlief die eerste keer as ek jou sien. Hulle noem dit love at first sight. Ja, God ís liefde, moet dit nie verkeerd verstaan nie.Jy moet God in jou lewe hê om lief te kan wees.Moenie sit in die kring van die spotters, of ’n grapjas wees wat grappe maak oor die Here nie. Jy sal geblitz word, het ons altyd op laerskool gesê. Ja, dit beteken nie omdat jy heilig probeer wees jy mag nie kuier en gesellig verkeer nie – jy moet net weet met watter bedoelings jy daar is.Die oë van die siel is al weer rooi! Ek het oogdruppels nodig. Too late. Cobie, hoekom is jou oë so rooi? Cobie sê “ek het rooikoors”, en vra sommer hoekom is die ou se lippe so droog. Pas jou liggaam op, eet jou groente, oefen en gaan sê sommer net “hallo” vir die dokter, dis nou Dokter Jesus.Laat Hom net toe om jou lewe aan te raak, en jy sal nooit weer dieselfde wees nie. En as Hy jou getouch het met talente en gawes, sal jy moet werk daarmee om sy mense te red. Ons almal is Sy mense, wetend of onwetend. Die boodskap is “die Here is op pad”.Hoe staan jou saak met die Here? Nie met jou kerk, jou pa, ma of wederhelfte nie. Steek jou hand in eie boesem en haal daai balk uit jou eie oog uit. Die regte keuses begin altyd by jouself, ondersoek jouself. Die Skrif sê daar sal tekens wees, en Hy wag tot al die nasies op aarde weet van Sy woord, dan kom haal Hy Sy kinders. Maar ons weet nie regtig hoe dit sal gebeur of werk of wanneer dit sal gebeur nie.Daarom moet ons elke dag leef of dit ons laaste dag is.Dalk het jy ’n lekker Vrydag om die draai, of ’n lekker bewolkte Saterdag met ’n motreëntjie om te geniet, maar jy moet elke dag probeer om gereed te wees – al is dit op ’n Maandag. Hou jou lyn na Jesus oop, ja, kommunikasie is die sleutel, maar ook stilte.Which means jy moet met die Here in jou binnekamer praat.Mag julle Sy seën ontvang en in vrede bly tot Hy ons eendag op die wolke kom haal, en ons almal sê “amen”!

Kry liggaam, siel en gees reg

Kommentaar

Republikein 2026-06-25

Meld asseblief aan om kommentaar te lewer

Kry liggaam, siel en gees reg

Kommentaar

Republikein 2026-06-25

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.