Kriteria vir hervestiging
Die hersiening van kriteria vir hervestiging is een van die sleuteltake ná vanjaar se grondkonferensie.
Een teenstrydigheid in huidige maatstawwe is dat mense behoeftig moet wees, maar terselfdertyd oor die vermoë moet beskik om produktief te boer.
Die toepassing van vereistes mag nie weer deur politieke en ander motiewe gekaap word soos beslis al sedert 1990 gebeur het nie.
'n Oënskynlike teken hiervan is hoe 'n wild- en toerismeplaas aan 'n beslote korporasie toegeken is, wat 'n voormalige burgemeester en voormalige adjunkburgemeester onder sy lede tel.
En dit is 'n baie onlangse voorbeeld. Opsigself is dit aanvegbaar om hervestigingsgrond aan besighede eerder as individue toe te ken.
Die ombudsman se kantoor is besig met verdere ondersoeke na die data wat die ministerie van grondhervorming in twee verskillende hervestigingslyste beskikbaar gestel het. Sekere partye betwis die egtheid van die lyste.
Die minstens 50 vooraanstaande hervestigdes wat Republikein voorlopig vir opvolgwerk geïdentifiseer het, kan volgens die pessimiste dus baie meer wees.Allereers moet ons weet die lys is korrek en volledig. Op plekke ontbreek plaasgroottes steeds.
'n Groot klomp ouditwerk is dus nog nodig. Ook na wetlik voorgeskrewe huurkontrakte met hervestigdes, wat glo in die meeste gevalle glad nie bestaan nie.
Dié huurgeld moes juis ingespan word om hervestigdes te ondersteun.
Aktiewe inspraak sal steeds nodig wees by die nuwe kriteria.
So sê ander
22 Oktober 2018
Beeld, Die Burger en Volksblad sê
Die Britse premier, Theresa May, se politieke lewe hang aan 'n baie dun draadjie oor die chaos rakende haar land se uittrede uit die Europese Unie (EU).
Dalk pluk sy nog 'n haas uit die hoed, maar dis baie moeilik om te sien hoe sy kan oorleef.
Die taai tameletjie tussen Brittanje en die ander 27 lidlande van die EU is die netelige kwessie van Noord-Ierland.
Die verskille by sowel die Tories as die Arbeiders onderling oor Brexit is só groot dat waarnemers al begin gis dat álbei partye kan skeur.
Dit kan 'n situasie skep waarin die Arbeiders se regtervleuel en die Tory-linkervleuel (desnoods saam met die Liberaal-Demokrate) mekaar kan vind en 'n nuwe groepering tot stand bring. Dié nuwe groep sou denkbaar sterk genoeg kon wees om die regering oor te neem. Dan kom die hele Brexit in die gedrang.
Die chaos is nog lank nie verby nie.
• NETWERK24
Een teenstrydigheid in huidige maatstawwe is dat mense behoeftig moet wees, maar terselfdertyd oor die vermoë moet beskik om produktief te boer.
Die toepassing van vereistes mag nie weer deur politieke en ander motiewe gekaap word soos beslis al sedert 1990 gebeur het nie.
'n Oënskynlike teken hiervan is hoe 'n wild- en toerismeplaas aan 'n beslote korporasie toegeken is, wat 'n voormalige burgemeester en voormalige adjunkburgemeester onder sy lede tel.
En dit is 'n baie onlangse voorbeeld. Opsigself is dit aanvegbaar om hervestigingsgrond aan besighede eerder as individue toe te ken.
Die ombudsman se kantoor is besig met verdere ondersoeke na die data wat die ministerie van grondhervorming in twee verskillende hervestigingslyste beskikbaar gestel het. Sekere partye betwis die egtheid van die lyste.
Die minstens 50 vooraanstaande hervestigdes wat Republikein voorlopig vir opvolgwerk geïdentifiseer het, kan volgens die pessimiste dus baie meer wees.Allereers moet ons weet die lys is korrek en volledig. Op plekke ontbreek plaasgroottes steeds.
'n Groot klomp ouditwerk is dus nog nodig. Ook na wetlik voorgeskrewe huurkontrakte met hervestigdes, wat glo in die meeste gevalle glad nie bestaan nie.
Dié huurgeld moes juis ingespan word om hervestigdes te ondersteun.
Aktiewe inspraak sal steeds nodig wees by die nuwe kriteria.
So sê ander
22 Oktober 2018
Beeld, Die Burger en Volksblad sê
Die Britse premier, Theresa May, se politieke lewe hang aan 'n baie dun draadjie oor die chaos rakende haar land se uittrede uit die Europese Unie (EU).
Dalk pluk sy nog 'n haas uit die hoed, maar dis baie moeilik om te sien hoe sy kan oorleef.
Die taai tameletjie tussen Brittanje en die ander 27 lidlande van die EU is die netelige kwessie van Noord-Ierland.
Die verskille by sowel die Tories as die Arbeiders onderling oor Brexit is só groot dat waarnemers al begin gis dat álbei partye kan skeur.
Dit kan 'n situasie skep waarin die Arbeiders se regtervleuel en die Tory-linkervleuel (desnoods saam met die Liberaal-Demokrate) mekaar kan vind en 'n nuwe groepering tot stand bring. Dié nuwe groep sou denkbaar sterk genoeg kon wees om die regering oor te neem. Dan kom die hele Brexit in die gedrang.
Die chaos is nog lank nie verby nie.
• NETWERK24
Kommentaar
Republikein
Geen kommentaar is op hierdie artikel gelaat nie