Kriptogeld kry nuwe glans
Daar is 'n nuwe bitcoin-telg in die stal van kriptogeldeenhede.
Hanlie Stadler en Bloomberg
Die verhandelingsplatform Coindesk berig dat die tweede groot vurk in bitcoin se blokketting pas gerealiseer het. Dit staan as bitcoin gold bekend.
In Julie het bitcoin ook geskeur om bitcoin en bitcoin cash te skep.
Die skeuring van die bitcoin-blokketting het te make met verskille tussen ontwikkelaars oor hoe die sagteware aangepas moet word om transaksies vinniger te verwerk.
Bitcoin gold sal van 1 November af te koop wees.
Volgens Coindesk is bitcoin gold op blok 491 407 van die oorspronklike blokketting geskep.
Bitcoin gold vervang bitcoin se myn-algoritme met een wat deur eenvoudiger (en dus goedkoper) rekenaars gemyn sal kan word. Dit verminder die beheer van die groot mynmaatskappye omdat dit die proses binne meer mense se vermoë plaas, volgens Coindesk.
Dié nuus kom net dae nadat bitcoin verlede Saterdag vir die eerste keer nóg tot meer as US$6 000 gestyg het, volgens Coindesk.
Intussen het een van die handjievol ontwikkelaars wat die blokketting-sagteware ontwikkel het wat kriptogeld soos bitcoin moontlik maak, ook sy nuwe idee bekend gestel.
Jeff Garzik het 'n nuwe geldeenheid geskep wat hy metronome noem. Hy beweer dit is die eerste een wat tussen verskillende blokkettings kan spring en dus die probleem oplos van geldeenhede wat “skeur”.
Daar is tans meer as 1 100 verskillende kriptogeldeenhede of kriptogeldbewyse (tokens) wêreldwyd.
Garzik sê as jy byvoorbeeld ethereum-“munte” het, sal jy kan skuif na ethereum classic voordat jy na qtum of rootstock spring; laasgenoemde verbind weer met die bitcoin-blokketting.
Dié mobiliteit beteken as een blokketting uitsterf, hetsy omdat ontwikkelaars stry kry of omdat dit net nie onder gebruikers posvat nie, kan metronoom-eienaars hul “geld” elders neem. Die munte sal na regte hul waarde behou.
Garzik, medestigter van die onderneming Bloq, wat die metronome gebou het, sou dit Dinsdag op die Money 20/20-konferensie in Las Vegas onthul het.
Matthew Roszak, die ander medestigter van Bloq en voorsitter van die bedryfsliggaam Chamber of Digital Commerce, sê hulle het 'n kriptogeldeenheid gebou vir “1 000 jaar, iets wat gebou is om te hou”.
Binnegevegte en die stadige pas waarmee bitcoin se blokketting verbeter word, het die gebruik van kriptogeld tot dusver aan bande gelê. Bitcoin en sy grootste mededinger, ethereum, het albei reeds verskeie kere “geskeur”.
Nuwe blokkettings word byna daagliks bekend gestel, wat groot onsekerheid skep onder mense wat kriptogeld as 'n belegging beskou. Dit het ook die prys daarvan wild laat skommel.
Bitcoin se prys het vanjaar al sesvoudig gestyg. Bitcoin cash, 'n vurk wat in Julie ontstaan het, het egter sedertdien 23% van sy waarde verloor, volgens CoinMarketCap.
Daar is nagenoeg 35 miljoen mense wat bitcoin elke maand aktief verhandel.
Metronome sal aanvanklik versoenbaar wees met ethereum, waarna dit mettertyd na ander kriptogeldeenhede uitgebrei sal word.
Die sagteware agter metronome sal nie deur enigeen beheer word nie en sal nie verander kan word nie. Die res van die projek sal oopbron wees, so enigeen sal apps kan bou met metronome in gedagte.
In Desember sal 8 miljoen metronome-munte opgeveil word, en Bloq self sal 2 miljoen hou. Daarna sal daar elke 24 uur 2 880 nuwe munte by die voorraad gevoeg word.
Metronome beteken as jy ethereum besit, sal jy dit nie meer op 'n verhandelingsplatform hoef te verkoop om 'n ander kriptogeldeendheid te koop nie – met gepaardgaande verhandelingsgelde en die risiko dat jy die opbrengs van die oorspronklike geldeenheid sal misloop.
Metronoom-eienaars sal 'n digitale kwitansie ontvang as hulle hul munte van een blokketting na 'n ander verskuif.
– Netwerk24
Die verhandelingsplatform Coindesk berig dat die tweede groot vurk in bitcoin se blokketting pas gerealiseer het. Dit staan as bitcoin gold bekend.
In Julie het bitcoin ook geskeur om bitcoin en bitcoin cash te skep.
Die skeuring van die bitcoin-blokketting het te make met verskille tussen ontwikkelaars oor hoe die sagteware aangepas moet word om transaksies vinniger te verwerk.
Bitcoin gold sal van 1 November af te koop wees.
Volgens Coindesk is bitcoin gold op blok 491 407 van die oorspronklike blokketting geskep.
Bitcoin gold vervang bitcoin se myn-algoritme met een wat deur eenvoudiger (en dus goedkoper) rekenaars gemyn sal kan word. Dit verminder die beheer van die groot mynmaatskappye omdat dit die proses binne meer mense se vermoë plaas, volgens Coindesk.
Dié nuus kom net dae nadat bitcoin verlede Saterdag vir die eerste keer nóg tot meer as US$6 000 gestyg het, volgens Coindesk.
Intussen het een van die handjievol ontwikkelaars wat die blokketting-sagteware ontwikkel het wat kriptogeld soos bitcoin moontlik maak, ook sy nuwe idee bekend gestel.
Jeff Garzik het 'n nuwe geldeenheid geskep wat hy metronome noem. Hy beweer dit is die eerste een wat tussen verskillende blokkettings kan spring en dus die probleem oplos van geldeenhede wat “skeur”.
Daar is tans meer as 1 100 verskillende kriptogeldeenhede of kriptogeldbewyse (tokens) wêreldwyd.
Garzik sê as jy byvoorbeeld ethereum-“munte” het, sal jy kan skuif na ethereum classic voordat jy na qtum of rootstock spring; laasgenoemde verbind weer met die bitcoin-blokketting.
Dié mobiliteit beteken as een blokketting uitsterf, hetsy omdat ontwikkelaars stry kry of omdat dit net nie onder gebruikers posvat nie, kan metronoom-eienaars hul “geld” elders neem. Die munte sal na regte hul waarde behou.
Garzik, medestigter van die onderneming Bloq, wat die metronome gebou het, sou dit Dinsdag op die Money 20/20-konferensie in Las Vegas onthul het.
Matthew Roszak, die ander medestigter van Bloq en voorsitter van die bedryfsliggaam Chamber of Digital Commerce, sê hulle het 'n kriptogeldeenheid gebou vir “1 000 jaar, iets wat gebou is om te hou”.
Binnegevegte en die stadige pas waarmee bitcoin se blokketting verbeter word, het die gebruik van kriptogeld tot dusver aan bande gelê. Bitcoin en sy grootste mededinger, ethereum, het albei reeds verskeie kere “geskeur”.
Nuwe blokkettings word byna daagliks bekend gestel, wat groot onsekerheid skep onder mense wat kriptogeld as 'n belegging beskou. Dit het ook die prys daarvan wild laat skommel.
Bitcoin se prys het vanjaar al sesvoudig gestyg. Bitcoin cash, 'n vurk wat in Julie ontstaan het, het egter sedertdien 23% van sy waarde verloor, volgens CoinMarketCap.
Daar is nagenoeg 35 miljoen mense wat bitcoin elke maand aktief verhandel.
Metronome sal aanvanklik versoenbaar wees met ethereum, waarna dit mettertyd na ander kriptogeldeenhede uitgebrei sal word.
Die sagteware agter metronome sal nie deur enigeen beheer word nie en sal nie verander kan word nie. Die res van die projek sal oopbron wees, so enigeen sal apps kan bou met metronome in gedagte.
In Desember sal 8 miljoen metronome-munte opgeveil word, en Bloq self sal 2 miljoen hou. Daarna sal daar elke 24 uur 2 880 nuwe munte by die voorraad gevoeg word.
Metronome beteken as jy ethereum besit, sal jy dit nie meer op 'n verhandelingsplatform hoef te verkoop om 'n ander kriptogeldeendheid te koop nie – met gepaardgaande verhandelingsgelde en die risiko dat jy die opbrengs van die oorspronklike geldeenheid sal misloop.
Metronoom-eienaars sal 'n digitale kwitansie ontvang as hulle hul munte van een blokketting na 'n ander verskuif.
– Netwerk24
Kommentaar
Republikein
Geen kommentaar is op hierdie artikel gelaat nie