Kriptogeld het tog potensiaal – BlackRock
Ondanks heelwat vrae oor die betroubaarheid van kriptogeld soos Bitcoin, is Richard Turnill, 'n beleggingstrateeg optimisties.
Die beleggingsbestuursfirma BlackRock voorspel dat kriptogeldeenhede soos bitcoin eendag ’n meer omvattende rol in die ekonomie gaan speel, maar nie alvorens dit bepaalde struikelblokke oorkom nie.
Dié positiewe, maar tog omsigtige mening is Maandag deur die maatskappy se hoofbeleggingstrateeg, Richard Turnill, gelug in BlackRock se weeklikse omsendbrief.
Volgens Turnill is kriptogeld nog ’n netelige bateklas vir beleggers weens wisselvallige pryse, swak regulering en beduidende sekuriteitsprobleme.
“Maar ons voorspel dat kriptogeld deur meer mense gebruik gaan word namate die mark ontwikkel,” sê hy. Hy waarsku egter dat mense vir eers net daarin moet belê indien hulle bereid is om “totale verliese” te ervaar.
Hoewel digitale geldeenhede, en veral die onderliggende blokkettingtegnologie, belofte toon, is dit nog te wisselvallig, meen Turnill.
Nietemin kan beleggers nie help om aandag daaraan te skenk nie, erken hy. Die totale markwaarde van kriptogeld het al byna $500 miljard bereik danksy ’n skerp styging in die prys van bitcoin in 2017.
“Maar ons verwag nie dat bitcoin binnekort deel gaan word van hoofstroom-beleggingsportefeuljes nie.”
Volgens hom laat die wisselvalligheid in die prys van die drie grootste kriptogeldeenhede – bitcoin, ethereum en ripple – die onstuimigheid in die Amerikaanse ekwiteitsmark tydens die globale finansiële krisis soos ’n piekniek lyk.
Nietemin sê Turnill dat blokkettingtegnologie die potensiaal het om hoogs ontwrigtend in verskeie bedrywe te word. Weens die gedesentraliseerde aard daarvan gaan almal – van logistiek en farmaseutiese dienste tot finansiële dienste – daardeur geraak word, sê hy.
“Neem byvoorbeeld die finansiële bedryf. ’n Blokketting-gegronde, enkele databasis wat gedeel word kan menslike ondoeltreffendheid en risiko’s uit die weg ruim.”
Maar sentrale banke en reguleerders sal tog ten nouste by dié prosesse betrokke moet wees ten einde die tegnologie effektief te maak, sê hy.
Hierdie is nie die eerste keer dat Turnill of BlackRock hulle uitlaat oor die toekoms van kriptogeld nie.
Die strateeg het voorheen die mark vir kriptogeld “vreesaanjaend” genoem en dit beskryf as ’n borrel wat gereed is om te bars. Sy argument was dat daar geen manier is om ’n “billike waarde” aan bitcoin of enige ander digitale geldeenheid te heg nie.
Nou neem die firma ’n ietwat meer neutrale inslag en erken dié ontluikende mark toon tog potensiaal op lang termyn.
“Die mark is besig om te verander,” erken Turnill. - Netwerk24
Dié positiewe, maar tog omsigtige mening is Maandag deur die maatskappy se hoofbeleggingstrateeg, Richard Turnill, gelug in BlackRock se weeklikse omsendbrief.
Volgens Turnill is kriptogeld nog ’n netelige bateklas vir beleggers weens wisselvallige pryse, swak regulering en beduidende sekuriteitsprobleme.
“Maar ons voorspel dat kriptogeld deur meer mense gebruik gaan word namate die mark ontwikkel,” sê hy. Hy waarsku egter dat mense vir eers net daarin moet belê indien hulle bereid is om “totale verliese” te ervaar.
Hoewel digitale geldeenhede, en veral die onderliggende blokkettingtegnologie, belofte toon, is dit nog te wisselvallig, meen Turnill.
Nietemin kan beleggers nie help om aandag daaraan te skenk nie, erken hy. Die totale markwaarde van kriptogeld het al byna $500 miljard bereik danksy ’n skerp styging in die prys van bitcoin in 2017.
“Maar ons verwag nie dat bitcoin binnekort deel gaan word van hoofstroom-beleggingsportefeuljes nie.”
Volgens hom laat die wisselvalligheid in die prys van die drie grootste kriptogeldeenhede – bitcoin, ethereum en ripple – die onstuimigheid in die Amerikaanse ekwiteitsmark tydens die globale finansiële krisis soos ’n piekniek lyk.
Nietemin sê Turnill dat blokkettingtegnologie die potensiaal het om hoogs ontwrigtend in verskeie bedrywe te word. Weens die gedesentraliseerde aard daarvan gaan almal – van logistiek en farmaseutiese dienste tot finansiële dienste – daardeur geraak word, sê hy.
“Neem byvoorbeeld die finansiële bedryf. ’n Blokketting-gegronde, enkele databasis wat gedeel word kan menslike ondoeltreffendheid en risiko’s uit die weg ruim.”
Maar sentrale banke en reguleerders sal tog ten nouste by dié prosesse betrokke moet wees ten einde die tegnologie effektief te maak, sê hy.
Hierdie is nie die eerste keer dat Turnill of BlackRock hulle uitlaat oor die toekoms van kriptogeld nie.
Die strateeg het voorheen die mark vir kriptogeld “vreesaanjaend” genoem en dit beskryf as ’n borrel wat gereed is om te bars. Sy argument was dat daar geen manier is om ’n “billike waarde” aan bitcoin of enige ander digitale geldeenheid te heg nie.
Nou neem die firma ’n ietwat meer neutrale inslag en erken dié ontluikende mark toon tog potensiaal op lang termyn.
“Die mark is besig om te verander,” erken Turnill. - Netwerk24
Kommentaar
Republikein
Geen kommentaar is op hierdie artikel gelaat nie