Krieket Namibië belê in spelers
Die lede van die nasionale oefengroep het die kans vir opleiding aangegryp, asook om hul standpunte deur stories en video's oor te dra.
Tielman van Lill
Sedert die Namibiese Eagles verlede jaar April op glorieryke wyse internasionale eendagstatus verwerf het deur ’n kwalifiserende toernooi in Windhoek te wen, is die nasionale senior mansspan op ’n besonderse warrelwindrit wat krieketliefhebbers met trots vervul.
Kaptein Gerhard (Merwe) Erasmus en sy troepe het die Eagles-wapen met trots en respek gedra en het in Oktobermaand 2019 in Dubai uit 14 deelnemende lande een van die vier plekke vir die T20 Wêreldbeker opgeëis. Die Eagles se triomftog het nie ongesiens verbygegaan nie en die Internasionale Krieketraad (ICC) het die Eagles vroeër vandeesmaand vereer vir die beste prestasie van die seisoen deur ’n land met assosiaatstatus.
Die ongewenste Covid-19-besoek sedert Maart vanjaar het ongelukkig ’n demper op die Eagles se planne geplaas, wat sedertdien in verskeie toernooie sou deelneem wat noodgedwonge geskrap is.
Krieket Namibië het egter nie op hom laat wag nie en het besluit om sy nasionale spelers en personeel met beter vernuf vir toekomstige uitdagings toe te rus.
Volgende jaar behoort steeds ’n opwindende en bedrywige seisoen vir die Eagles te wees, met meer blootstelling in die internasionale arena en verskeie buitelandse bestemmings.
Veral met die internasionale media by die 2021 T20-Wêreldbekertoernooi in Indië in gedagte, is die Eagles verlede week in die hoofstad met spesiale vernuf deur die MiLLi* Trust se Media & Information Literacy Learning-inisiatief toegerus.
Mnr. Johan Muller, uitvoerende hoofbeampte van Krieket Namibië, is ’n gesoute leier wat glo dat elke individu in die sport tot sy volle potensiaal ontwikkel moet word. Muller het me. Lizette Feris, waarmende direkteur van MiLLi*, onlangs by die NBC tydens ’n onderhoud ontmoet en was beïndruk met dié entiteit se werk onder die jeug van die land.
Verlede Woensdag het die Eagles en beamptes by ’n hotel in Windhoek saamgetrek om die mediabul by die horings te pak. Op dag een met Power to Empower as tema, het sosiale media onder die soeklig gekom waar die span van die fynere punte onder die soeklig geplaas het om dié platform konstruktief te gebruik.
Fokus is geplaas op die geleenthede, magte asook gevare en risiko’s wat sosiale media inhou. Aan die einde van die dag is spelers gevra om stories en video’s te produseer rakende sake wat hulle as belangrik beskou.
Onderwerpe soos “Ontdek Namibië om toerisme te bevorder“, “Stop die grendelstatus in Walvisbaai”, die Fishrot-sage en die plaaslike visbedryf is van die temas wat die spelers gekies het. Dit het gewys dat die manne nie net briljante krieket kan speel nie, maar ook ’n gesonde belang en passievolle liefde vir hul land en sy bronne koester.
Feris het as aabieder van die opleiding gesê: “Ek het regtig die tyd geniet wat ek met ons sporthelde bestee het. Die manne was deurentyd volkome betrokke en belangstellend. Die meeste van die spelers het pret gehad en gesê hulle het baie geleer hoe om hul eie sosialemediabronne te bestuur. Ons is baie trots om die geleentheid te kon hê om met die nasionale krieketspan te kon werk.”
Muller was ingenome met die werk wat MiLLI* gedoen het.
“Dit was ’n opvoedkundige en prettige inisiatief en ons is bevoorreg dat die MiLLi*-span ingestem het om die Eagles touwys te maak. Ons sien uit daarna om in die toekoms weer met MiLLi* te werk,” het Muller gesê.
- [email protected]
Sedert die Namibiese Eagles verlede jaar April op glorieryke wyse internasionale eendagstatus verwerf het deur ’n kwalifiserende toernooi in Windhoek te wen, is die nasionale senior mansspan op ’n besonderse warrelwindrit wat krieketliefhebbers met trots vervul.
Kaptein Gerhard (Merwe) Erasmus en sy troepe het die Eagles-wapen met trots en respek gedra en het in Oktobermaand 2019 in Dubai uit 14 deelnemende lande een van die vier plekke vir die T20 Wêreldbeker opgeëis. Die Eagles se triomftog het nie ongesiens verbygegaan nie en die Internasionale Krieketraad (ICC) het die Eagles vroeër vandeesmaand vereer vir die beste prestasie van die seisoen deur ’n land met assosiaatstatus.
Die ongewenste Covid-19-besoek sedert Maart vanjaar het ongelukkig ’n demper op die Eagles se planne geplaas, wat sedertdien in verskeie toernooie sou deelneem wat noodgedwonge geskrap is.
Krieket Namibië het egter nie op hom laat wag nie en het besluit om sy nasionale spelers en personeel met beter vernuf vir toekomstige uitdagings toe te rus.
Volgende jaar behoort steeds ’n opwindende en bedrywige seisoen vir die Eagles te wees, met meer blootstelling in die internasionale arena en verskeie buitelandse bestemmings.
Veral met die internasionale media by die 2021 T20-Wêreldbekertoernooi in Indië in gedagte, is die Eagles verlede week in die hoofstad met spesiale vernuf deur die MiLLi* Trust se Media & Information Literacy Learning-inisiatief toegerus.
Mnr. Johan Muller, uitvoerende hoofbeampte van Krieket Namibië, is ’n gesoute leier wat glo dat elke individu in die sport tot sy volle potensiaal ontwikkel moet word. Muller het me. Lizette Feris, waarmende direkteur van MiLLi*, onlangs by die NBC tydens ’n onderhoud ontmoet en was beïndruk met dié entiteit se werk onder die jeug van die land.
Verlede Woensdag het die Eagles en beamptes by ’n hotel in Windhoek saamgetrek om die mediabul by die horings te pak. Op dag een met Power to Empower as tema, het sosiale media onder die soeklig gekom waar die span van die fynere punte onder die soeklig geplaas het om dié platform konstruktief te gebruik.
Fokus is geplaas op die geleenthede, magte asook gevare en risiko’s wat sosiale media inhou. Aan die einde van die dag is spelers gevra om stories en video’s te produseer rakende sake wat hulle as belangrik beskou.
Onderwerpe soos “Ontdek Namibië om toerisme te bevorder“, “Stop die grendelstatus in Walvisbaai”, die Fishrot-sage en die plaaslike visbedryf is van die temas wat die spelers gekies het. Dit het gewys dat die manne nie net briljante krieket kan speel nie, maar ook ’n gesonde belang en passievolle liefde vir hul land en sy bronne koester.
Feris het as aabieder van die opleiding gesê: “Ek het regtig die tyd geniet wat ek met ons sporthelde bestee het. Die manne was deurentyd volkome betrokke en belangstellend. Die meeste van die spelers het pret gehad en gesê hulle het baie geleer hoe om hul eie sosialemediabronne te bestuur. Ons is baie trots om die geleentheid te kon hê om met die nasionale krieketspan te kon werk.”
Muller was ingenome met die werk wat MiLLI* gedoen het.
“Dit was ’n opvoedkundige en prettige inisiatief en ons is bevoorreg dat die MiLLi*-span ingestem het om die Eagles touwys te maak. Ons sien uit daarna om in die toekoms weer met MiLLi* te werk,” het Muller gesê.
- [email protected]
Kommentaar
Republikein
Geen kommentaar is op hierdie artikel gelaat nie