Kragvermoëns verstom
Hondeklub
Die hondeklub NamShowPits het onlangs weer 'n suksesvolle skou in Windhoek aangebied. Amerikaanse veghonde van Walvisbaai, Otjiwarongo, Rehoboth en Windhoek het aan die skou deelgeneem.
NSP word deur Shervin Paulse bestuur, wat vasberade is om die mite in die kiem te smoor dat sulke honde vir gevegte geteel of gebruik word.
Die honde kompeteer met hul krag in wêrelderkende items soos hoogspring, “lang hang”, gewigtrek en “conformation” (skouhonde). In laasgenoemde word die hond se fisieke eienskappe soos voorkoms, spierbou, gebit en beweging beoordeel.
Vier honde van Walvisbaai het veral sterk meegeding. QQ's Enforcer Achilles was 'n yster wat 'n nuwe kompetisierekord opgestel het deur 22 minute en 34 sekondes in die lug te hang toe hy eers met sy bek sy greep gesluit het. Hy het boonop die hoogspring op 'n hoogte van 1.75 meter gewen. Dit het hom die beste reunskouhond van die dag gemaak.
PPK's Paris was die beste teefskouhond vir die dag met oorwinnings in die “lang hang”, hoogspring (2 meter) en skoukompetisie.
Die kragtigste hond in die gewigtrek was PPK's Hitler wat 'n indrukwekkende 720 kilogram getrek het. Maximus, 'n hond van Kyle Husselman (Reho Pit Club), was kop aan kop met Shervin Paulse se Hitler en is net tweede geplaas deurdat laasgenoemde 'n vinniger tyd opgestel het.
Ceasar en Maximus (van Henry Olifant) se kondisie was baie goed. Twee nuwe deelnemers in die gewigtrekkompetisie was Beast (van Shain Majiedt) en Max. Nessa van Lizle Barnard het ook heel goed gevaar.
NamShowPits laat beide geregistreerde en ongeregistreerde honde aan sy kompetisies deelneem. Hul volgende skou is vir 6 Mei op Otjiwarongo bespreek, waar honde uit Suid-Afrika ook vir die kompetisie verwag word. Die publiek word aangemoedig om die skou by te woon en te beleef wat dié liefdevolle honde kan doen. Die NSP deel ook graag inligting oor hierdie honderasse.
Borge wie se bydrae die kompetisies help moontlik maak, is Summit Sales, Officeconomix, die Namibië Brouerye, Namibia Diaries, Renier en Elaine la Cock, Joel, Jacques Swart, Mentor Traders en Ustine Simons.
• Navrae kan aan Shervin Paulse by sel. 081 647 9780 gerig word.
NSP word deur Shervin Paulse bestuur, wat vasberade is om die mite in die kiem te smoor dat sulke honde vir gevegte geteel of gebruik word.
Die honde kompeteer met hul krag in wêrelderkende items soos hoogspring, “lang hang”, gewigtrek en “conformation” (skouhonde). In laasgenoemde word die hond se fisieke eienskappe soos voorkoms, spierbou, gebit en beweging beoordeel.
Vier honde van Walvisbaai het veral sterk meegeding. QQ's Enforcer Achilles was 'n yster wat 'n nuwe kompetisierekord opgestel het deur 22 minute en 34 sekondes in die lug te hang toe hy eers met sy bek sy greep gesluit het. Hy het boonop die hoogspring op 'n hoogte van 1.75 meter gewen. Dit het hom die beste reunskouhond van die dag gemaak.
PPK's Paris was die beste teefskouhond vir die dag met oorwinnings in die “lang hang”, hoogspring (2 meter) en skoukompetisie.
Die kragtigste hond in die gewigtrek was PPK's Hitler wat 'n indrukwekkende 720 kilogram getrek het. Maximus, 'n hond van Kyle Husselman (Reho Pit Club), was kop aan kop met Shervin Paulse se Hitler en is net tweede geplaas deurdat laasgenoemde 'n vinniger tyd opgestel het.
Ceasar en Maximus (van Henry Olifant) se kondisie was baie goed. Twee nuwe deelnemers in die gewigtrekkompetisie was Beast (van Shain Majiedt) en Max. Nessa van Lizle Barnard het ook heel goed gevaar.
NamShowPits laat beide geregistreerde en ongeregistreerde honde aan sy kompetisies deelneem. Hul volgende skou is vir 6 Mei op Otjiwarongo bespreek, waar honde uit Suid-Afrika ook vir die kompetisie verwag word. Die publiek word aangemoedig om die skou by te woon en te beleef wat dié liefdevolle honde kan doen. Die NSP deel ook graag inligting oor hierdie honderasse.
Borge wie se bydrae die kompetisies help moontlik maak, is Summit Sales, Officeconomix, die Namibië Brouerye, Namibia Diaries, Renier en Elaine la Cock, Joel, Jacques Swart, Mentor Traders en Ustine Simons.
• Navrae kan aan Shervin Paulse by sel. 081 647 9780 gerig word.
Kommentaar
Republikein
Geen kommentaar is op hierdie artikel gelaat nie