Kraglyne word versterk

Augetto Graig - NamPower het gisteroggend begin met die aanskakel van die nuwe transmissielyn wat onlangs tussen die Gerus-substasie buite Otjiwarongo en die Otjikoto-substasie buite Tsumeb opgerig is. Volgens NamPower se woordvoerder, me. Tangeni Kambangula, verloop die prokek vlot en sal die werk na verwagting môre voltooi wees.Die nuwe lyn kan tot tot 400 kV elektrisiteit gelei, maar sal aanvanklik net teen 220 kV gebruik word. Dit vorm deel van NamPower se transmissiemeesterplan, wat ten doel het om die netwerk uit te brei en te versterk om betroubare krag te verskaf, asook om dit vir die toekomstige ontwikkeling en integrasie met die wyer netwerk in die Suider-Afrikaanse Ontwikkelingsgemeenskap (SADC) gereed te kry. “NamPower het alles wat nodig is, gedoen om die verskaffing van krag aan kliënte in die Otjozondjupa-, Oshana-, Otjikoto- en Kavangostreek gedurende die geskeduleerde aanskakeling te verseker,” het sy gesê. Die nuwe lyn is deel van ’n toekomstige 400 kV-ruggraat en sal voorsiening versterk vir die gebiede wat deur die Otjikoto-substasie voorsien word. Die Gerus-Otjikoto 400kV-lyn is een van vier oordragprojekte wat óf reeds goedgekeur is, óf reeds in die implementeringsfase is. Die ander sluit ook die Kunene-Omatando-ontwikkeling, die Rundu-Cuito-ontwikkeling en Weskus-versterking in. Die Kunene-Omatando-ontwikkeling word suid van die bestaande Ruacana-kragstasie beplan. Dit sal die kragtoevoerkapasiteit na Oshakati, Ondangwa en omliggende gebiede aansienlik verhoog en sal deel van ’n groter noordelike 400 kV-kring vorm. Die Rundu-Cuito-ontwikkeling is ’n opgradering van die bestaande 66 kV- na ’n 132 kV-stelsel om kapasiteit in die Kavangostreek te verhoog. Die kusversterkingsprojek behels ’n verdubbeling van die bestaande 220 kV-kring vanaf die Omburu-substasie na die Kuiseb-substasie. Lithops, ’n nuwe substasie, sal deel van dié kring vorm en as die integrasiepunt vir die nuwe 132 kV-lyn vanaf die Husab-mynontwikkeling dien. Die versterking maak ook vir ’n toename in die kragverskaffing na Walvisbaai voorsiening.

Kraglyne word versterk

Kommentaar

Republikein 2026-02-03

Meld asseblief aan om kommentaar te lewer

Kraglyne word versterk

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.