Krag vir die wêreldwye web
Paratus Africa en die nasionale kragverskaffer span saam om die kragnetwerk vir toegang tot die internet aan te wend.
Augetto Graig - “Dit is groot, ’n geskiedkundige oomblik!”
Dít was Maandag die woorde van mnr. Barney Harmse, die Paratus Africa-groep se uitvoerende hoof, met die ondertekening van ’n ooreenkoms met die nasionale kragverskaffer NamPower.
Paratus is NamPower se eerste kliënt vir hul nuwe rugsteundiens vir internettoegang genaamd The Grid Online.
Dit behels dat die kragverskaffer se bestaande transmissielyne en veselnetwerk gebruik word om internettoegang te verbeter.
Die aanvanklike 12 maande-kontrak ter waarde van bykans N$3,5 miljoen sal as ’n toetslopie dien, het Harmse gesê.
Paratus het reeds meer as N$2 miljoen in die projek belê in infrastruktuur wat hul netwerk aan die NamPower-kragnetwerk koppel, het hy gesê.
Die onderneming het eers met die Van Eck-kragstasie gekoppel en toe met die ondersese West Africa Cable System (WACS) op Swakopmund, waar deeglike toetse onderneem is.
“Ons is baie tevrede. Dit is wêreldklas en ’n topdiens wat Paratus Africa nou in ’n ander liga plaas,” het hy gesê.
“Ek kan net dankie sê. Dit is 11 jaar sedert ons met NamPower hieroor begin onderhandel het. Ná so lank en ná al die betrokke partye se moeite voel ek geëerd om kommersieel toegang tot hierdie diens te hê,” het Harmse gesê.
Volgens hom laat The Grid Online Paratus toe om die Namibiese en Afrikamark surplus en verskeidenheid te bied.
“Dit is belangrik dat Namibië aanlyn bly,” het Harmse gesê.
“In die geval van die onderbreking van dienste weens bouwerk of iets wat breek, het ons nou surplus op die NamPower-roete, wat nie die dieselfde as die Paratus-roete is nie,” het hy gesê.
NamPower se kraglyne is reeds goedgekeur om terselfdertyd krag- en internetdienstedienste te kan ondersteun.
Volgens mnr. Kahenge Haulufo, NamPower se uitvoerende direkteur, maak The Grid Online van oorskot kapasiteit gebruik wat die kragverskaffer nou aan gelisensieerde internet- en telekommunikasiediensteverskaffers bied.
Die nuutste optiese vesel-tegnologie help om die staatsonderneming se oorskot kapasiteit te verbeter, het Haulufo gesê.
Hy het bygevoeg die regering ondersteun die deel van infrastruktuur, en dat die transaksie ’n voorbeeld van ekonomiese groei is deur dienste aan te bied wat die telekommunikasiediens (ICT)-sektor ondersteun, sê Haulufo.
“Vanjaar se nuwe tegnologie maak die geleentheid groter.
“Deur bandwydte te verskaf skep dié nasionale ‘ruggraat’ snelweë wat groot beleggings moontlik maak.
“Ons veselnetwerk is reeds gebou en ons moet dit soos nodig gebruik. Daar is ook nóg kapasiteit om te deel.
“Die Regulerende Owerheid vir Kommunikasie van Namibië (CRAN) wil dit sien gebeur. Ons het nou surplus ondersteuning by die Swakopmund-platform, en planne word reeds beraam om die verbinding tussen Walvisbaai en die Zambezi-substasie in die Caprivi te bou,” het hy gesê.
Volgens mnr. Helgo Muller, senior ingenieur van telekommunikasie en beheer by NamPower, beteken die deel van infrastruktuur kostebesparings.
“Die kapitaaluitleg val weg en die geld kan aangewend word om dienste te verbeter, wat die koste van telekommunikasie eindelik verminder. Ons hoop internet- en datakoste verlaag in die nabye toekoms,” het hy gesê.
[email protected]
Dít was Maandag die woorde van mnr. Barney Harmse, die Paratus Africa-groep se uitvoerende hoof, met die ondertekening van ’n ooreenkoms met die nasionale kragverskaffer NamPower.
Paratus is NamPower se eerste kliënt vir hul nuwe rugsteundiens vir internettoegang genaamd The Grid Online.
Dit behels dat die kragverskaffer se bestaande transmissielyne en veselnetwerk gebruik word om internettoegang te verbeter.
Die aanvanklike 12 maande-kontrak ter waarde van bykans N$3,5 miljoen sal as ’n toetslopie dien, het Harmse gesê.
Paratus het reeds meer as N$2 miljoen in die projek belê in infrastruktuur wat hul netwerk aan die NamPower-kragnetwerk koppel, het hy gesê.
Die onderneming het eers met die Van Eck-kragstasie gekoppel en toe met die ondersese West Africa Cable System (WACS) op Swakopmund, waar deeglike toetse onderneem is.
“Ons is baie tevrede. Dit is wêreldklas en ’n topdiens wat Paratus Africa nou in ’n ander liga plaas,” het hy gesê.
“Ek kan net dankie sê. Dit is 11 jaar sedert ons met NamPower hieroor begin onderhandel het. Ná so lank en ná al die betrokke partye se moeite voel ek geëerd om kommersieel toegang tot hierdie diens te hê,” het Harmse gesê.
Volgens hom laat The Grid Online Paratus toe om die Namibiese en Afrikamark surplus en verskeidenheid te bied.
“Dit is belangrik dat Namibië aanlyn bly,” het Harmse gesê.
“In die geval van die onderbreking van dienste weens bouwerk of iets wat breek, het ons nou surplus op die NamPower-roete, wat nie die dieselfde as die Paratus-roete is nie,” het hy gesê.
NamPower se kraglyne is reeds goedgekeur om terselfdertyd krag- en internetdienstedienste te kan ondersteun.
Volgens mnr. Kahenge Haulufo, NamPower se uitvoerende direkteur, maak The Grid Online van oorskot kapasiteit gebruik wat die kragverskaffer nou aan gelisensieerde internet- en telekommunikasiediensteverskaffers bied.
Die nuutste optiese vesel-tegnologie help om die staatsonderneming se oorskot kapasiteit te verbeter, het Haulufo gesê.
Hy het bygevoeg die regering ondersteun die deel van infrastruktuur, en dat die transaksie ’n voorbeeld van ekonomiese groei is deur dienste aan te bied wat die telekommunikasiediens (ICT)-sektor ondersteun, sê Haulufo.
“Vanjaar se nuwe tegnologie maak die geleentheid groter.
“Deur bandwydte te verskaf skep dié nasionale ‘ruggraat’ snelweë wat groot beleggings moontlik maak.
“Ons veselnetwerk is reeds gebou en ons moet dit soos nodig gebruik. Daar is ook nóg kapasiteit om te deel.
“Die Regulerende Owerheid vir Kommunikasie van Namibië (CRAN) wil dit sien gebeur. Ons het nou surplus ondersteuning by die Swakopmund-platform, en planne word reeds beraam om die verbinding tussen Walvisbaai en die Zambezi-substasie in die Caprivi te bou,” het hy gesê.
Volgens mnr. Helgo Muller, senior ingenieur van telekommunikasie en beheer by NamPower, beteken die deel van infrastruktuur kostebesparings.
“Die kapitaaluitleg val weg en die geld kan aangewend word om dienste te verbeter, wat die koste van telekommunikasie eindelik verminder. Ons hoop internet- en datakoste verlaag in die nabye toekoms,” het hy gesê.
[email protected]
Kommentaar
Republikein
Geen kommentaar is op hierdie artikel gelaat nie