Krag skop Maandag af vir wanbetalers

Sestien dorpe, twee staatsinstellings en twee ministeries sal Maandag vir vier ure sonder elektrisiteit moet klaarkom indien hulle nie afbetalingsooreenkomste vir agterstallige skuld met die nasionale kragvoorsiener nakom nie.
NamPower het 31 Maart as sperdatum aangekondig.
Die lys bly egter grootliks onveranderd.
Die gedwonge “beurtkrag” sal op 12 April vanaf 11:00 tot 15:00 vir geraaktes afskop. Dit is week 1.
In week 2 – sonder dat betalings ontvang is – sal Dinsdae ook “duister” wees tydens dieselfde ure, gevolg deur die byvoeging van Woensdae (week 3), Donderdae (week 4), Vrydae (week 5), Saterdae (week 6) en Sondae (week 7).
Sou wanbetaling voortduur, sal krag volgens dieselfde skedule vir die weke daarna elke dag vir ses en agt ure afgeskakel word.
Op die lys:


Plaaslike owerhede:
Aranos
Berseba
Bethanie
Gibeon
Gobabis
Kalkrand
Karasburg
Koës
Kombat (Congo Namibia Trading)
Leonardville
Maltahöhe
Okahandja (Cenored)
Rehoboth
Stampriet
Tses
Witvlei


Ministeries:
Landbou, water en grondhervorming
Sport, jeug en nasionale diens


Staatsinstellings:
Agribusdev
Nida