Kraam buite kliniek - verpleegsters geskors
Die vrou wat noodgedwonge buite 'n kliniek in Windhoek geboorte geskenk het, is glo deur personeel opdrag gegee om eerder hospitaal toe te gaan.
Henriette Lamprecht – Twee verpleegsters wat ‘n hoogswanger vrou by die Okuryangava-kliniek glo weggewys het, is in opdrag van die minister van gesondheid en maatskaplike dienste met onmiddellike effek geskors.
‘n Video waarop die hoogswanger vrou noodgedwonge buite die kliniek se ingangshek moes kraam, is wyd op sosiale media versprei. Dr. Bernard Haufiku het ná ‘n persoonlike ondersoek na die voorval opdrag gegee dat dissiplinêre stappe onmiddellik teen die verpleegsters geneem word.
Voorts moet ‘n klag van wangedrag voor die verpleegstersraad se inhuldiging op 4 Oktober by die raad ingedien word.
Volgens ‘n voorlopige ondersoek het die 24-jarige swanger ma van twee seuns op 31 Augustus omstreeks 08:46 by die kliniek aangekom. Sy het aan die betrokke verpleegsters gesê sy is in kraam en dat haar water reeds in die taxi onderweg na die kliniek gebreek het. Volgens haar het sy gevoel “die baba gaan binne oomblikke gebore word.”
Volgens Haufiku het aanvanklike verklarings wat aan sy kantoor gestuur is, gelui die pasiënt is na ‘n “noodkamer” verwys.
“’n Ander een het weer gesê die pasiënt is opdrag gegee om na die waarnemingskamer te gaan,” het Haufiku gesê.
Volgens die pasiënt is sy egter opdrag gegee om hospitaal toe te gaan.
“Die verpleegsters het in hul geskrewe verklarings gesê kort nadat die pasiënt die kliniek verlaat het, het hulle gille gehoor en na buite gehardloop. Die pasiënt was in kraam en hulle het haar gehelp. Die pasiënt en haar baba is per ambulans na die Katutura-hospitaal geneem,” het Haufiku gesê.
Volgens hom is die vrou die volgende dag ontslaan en gaan dit goed met haar en die baba.
Haufiku het voorts gesê ‘n kliëntediensbeampte van die ministerie het die vrou en haar baba Vrydag tuis besoek. Die vrou se weergawe aan die beampte het egter van die verpleegsters se weergawe van die gebeure verskil.
“Dit was dié teenstrydighede en die weersprekende verklarings wat my genoop het om opdrag te gee dat die vrou en enige getuies my Maandag by die Okuryangava-kliniek ontmoet.”
Die vrou en haar baba is vergesel van ‘n vriendin wat by haar was toe sy in kraam einde Augustus by die kliniek opgedaag het.
Haufiku het hulle in die teenwoordigheid van onder meer die direkteur van gesondheid van die Khomasstreek, sowel as die twee betrokke verpleegsters ontmoet.
Die vrou het haar verhaal “sonder vrees en in die taal van haar keuse” vertel.
Volgens haar het sy die betrokke dag omstreeks 07:00 kraampyne gekry en ‘n vriend gevra om saam met haar na die kliniek te gaan. Haar water het in die taxi gebreek. By die kliniek het sy aan die verpleegsters gesê sy is in kraam en die baba gaan enige tyd gebore word.
‘n Verpleegster wou weet waar sy voorgeboortesorg ontvang. Op haar antwoord by die Windhoek Sentrale Hospitaal, is sy glo opdrag gegee om eerder soontoe te gaan.
“Dit sonder om haar te ondersoek of ‘n ambulans te laat kom.” Volgens die verpleegster was daar nie “kraamtoerusting” by die kliniek nie, wat volgens Haufiku onwaar is.
“In haar verslag sê die verpleegster egter sy het ‘n ‘kraampak’ na die pasiënt buite die kliniek geneem.”
Volgens Haufiku deel die twee verpleegsters ervaring van sowat 40 jaar in die betrokke beroep.
Albei het se antwoorde was “nee” op die vraag of die pasiënt ondersoek is en of sy gemaklik gemaak is.
‘n Video waarop die hoogswanger vrou noodgedwonge buite die kliniek se ingangshek moes kraam, is wyd op sosiale media versprei. Dr. Bernard Haufiku het ná ‘n persoonlike ondersoek na die voorval opdrag gegee dat dissiplinêre stappe onmiddellik teen die verpleegsters geneem word.
Voorts moet ‘n klag van wangedrag voor die verpleegstersraad se inhuldiging op 4 Oktober by die raad ingedien word.
Volgens ‘n voorlopige ondersoek het die 24-jarige swanger ma van twee seuns op 31 Augustus omstreeks 08:46 by die kliniek aangekom. Sy het aan die betrokke verpleegsters gesê sy is in kraam en dat haar water reeds in die taxi onderweg na die kliniek gebreek het. Volgens haar het sy gevoel “die baba gaan binne oomblikke gebore word.”
Volgens Haufiku het aanvanklike verklarings wat aan sy kantoor gestuur is, gelui die pasiënt is na ‘n “noodkamer” verwys.
“’n Ander een het weer gesê die pasiënt is opdrag gegee om na die waarnemingskamer te gaan,” het Haufiku gesê.
Volgens die pasiënt is sy egter opdrag gegee om hospitaal toe te gaan.
“Die verpleegsters het in hul geskrewe verklarings gesê kort nadat die pasiënt die kliniek verlaat het, het hulle gille gehoor en na buite gehardloop. Die pasiënt was in kraam en hulle het haar gehelp. Die pasiënt en haar baba is per ambulans na die Katutura-hospitaal geneem,” het Haufiku gesê.
Volgens hom is die vrou die volgende dag ontslaan en gaan dit goed met haar en die baba.
Haufiku het voorts gesê ‘n kliëntediensbeampte van die ministerie het die vrou en haar baba Vrydag tuis besoek. Die vrou se weergawe aan die beampte het egter van die verpleegsters se weergawe van die gebeure verskil.
“Dit was dié teenstrydighede en die weersprekende verklarings wat my genoop het om opdrag te gee dat die vrou en enige getuies my Maandag by die Okuryangava-kliniek ontmoet.”
Die vrou en haar baba is vergesel van ‘n vriendin wat by haar was toe sy in kraam einde Augustus by die kliniek opgedaag het.
Haufiku het hulle in die teenwoordigheid van onder meer die direkteur van gesondheid van die Khomasstreek, sowel as die twee betrokke verpleegsters ontmoet.
Die vrou het haar verhaal “sonder vrees en in die taal van haar keuse” vertel.
Volgens haar het sy die betrokke dag omstreeks 07:00 kraampyne gekry en ‘n vriend gevra om saam met haar na die kliniek te gaan. Haar water het in die taxi gebreek. By die kliniek het sy aan die verpleegsters gesê sy is in kraam en die baba gaan enige tyd gebore word.
‘n Verpleegster wou weet waar sy voorgeboortesorg ontvang. Op haar antwoord by die Windhoek Sentrale Hospitaal, is sy glo opdrag gegee om eerder soontoe te gaan.
“Dit sonder om haar te ondersoek of ‘n ambulans te laat kom.” Volgens die verpleegster was daar nie “kraamtoerusting” by die kliniek nie, wat volgens Haufiku onwaar is.
“In haar verslag sê die verpleegster egter sy het ‘n ‘kraampak’ na die pasiënt buite die kliniek geneem.”
Volgens Haufiku deel die twee verpleegsters ervaring van sowat 40 jaar in die betrokke beroep.
Albei het se antwoorde was “nee” op die vraag of die pasiënt ondersoek is en of sy gemaklik gemaak is.
Kommentaar
Republikein
Geen kommentaar is op hierdie artikel gelaat nie