Koue weer laat warm motors brul
Motorsport
Tielman van Lill - Die byeenkoms van Windhoek Motorklub (WMK) asook die ekspo wat verlede Vrydag en Saterdag by die Tony Rustrenbaan buite Windhoek aangebied was, is deur Richard Slamet, voorsitter van WMK, as ’n reuse-sukses bestempel.
“Ná maande se harde werk en beplanning kon ons uiteindelik die afgelope naweek die eerste Motor-ekspo van sy soort in Namibië aanbied. Ons het met die ouens van Big Boy Racing kragte saamgespan om ’n vol program aan motorsport-entoesiaste te bied en die 1/8ste myl sleeprenne was opwindend!
“Ons het Vrydagmiddag twaalfuur die hekke vir besoekers oopgemaak en daar is vir die eerste keer vyf verskillende jaagdissiplines aangebied. Daar is met sleeprenne (drags) meegeding, terwyl ander jaers verkies het om met tollende bande (spinning) die toeskouers te vermaak en dryfjaag (drifting) was Saterdagaand ’n verdere hoogtepunt.
“Die gimkana was ook uiters gewild en die manne op die motorfietse het met waaghalsige hangspronge die skare vermaak,” het Slamet entoesiasties vertel.
Die naweek se eregaste vanaf Brakpan, Team F-Rix, het verlede week in die hoofstad aangekom en was hier om hul gate uit te geniet. Die jaers het met spesiaal vervaardigde karre aan die tolkompetisie, dryfjaaguitdaging en gimkana deelgeneem.
WMK se eie lede het nie gras onder hul motorbande laat groei nie en het ewe gretig in die naweek se pret met hul eie resieskarre en renstelle gekompeteer. Veertig inskrywings is vir die drie-uurlange sleepren-program ontvang waar die enjins Vrydagaand ná sononder laat brul is.
“Interessante monsters soos Gerhard Visagie se Dragonfly V8-Promod, Royoiso Abrahams se V8-Mercedes 427Ci-turbo en Werner Bezuidenhoudt se blitsige Mazda RX7 en vele ander was op die spyskaart vir besoekers. Sleeprenjaers en toeskouers het die agtste-myl sleeprenne terdeë geniet en dit wil voorkom of dit die pad vorentoe vir WMK met sy eie sleepkompetisies gaan wees.
“Dit is veiliger, want die karre behaal nie hoë snelhede nie en die ren is gouer verby. Windhoek Motorklub gaan beslis in die toekoms weer so ’n byeenkoms aanbied. Ons kan net voortbou op die sukses wat die afgelope naweek behaal is,” het Slamet gesê.
Die voorsitter het vele rolspelers vir hul insae en hulp oor die naweek bedank en die uitstallers vir hul bydrae geloof.
”Baie dankie aan al die verskillende uitstallers van die verskillende motorsportkodes in Namibië wat die tyd gemaak het om jul voertuie en ysters ten toon te stel. Aan die publiek wat die skielike koue weer getrotseer het om ons te ondersteun, ’n baie groot dankie.
“Ek wil graag al die beamptes, baanopsigters en veiligheidsmense bedank wat die naweek veilig en seepglad laat verloop het. Aan die komitee van WMK, ons het waardering vir jul tyd en spanpoging wat die naweek ’n sukses gemaak het.
“Dankie aan die manne van Big Boy Racing vir jul bydrae en insae in die byeenkoms, asook Pierre en Pieter Grobler wat die kommentaar behartig het. Deon Diergaardt, namens WMK en die Ekspo-span waardeer ons jou toewyding, tyd en hope harde werk wat dié geleentheid ’n reuse-sukses gemaak het. Ek hoop om almal in 2019 weer by die Tony Rust-renbaan se volgende ekspo te sien,” het die voorsitter afgesluit.
Die organiseerders bedank Pupkewitz Toyota, Namibia Lubricants, Autoboss Panelbeaters, Retief Sales Promotions, NamAuto, Ceiling Centre, Revo Dub Tuning, Africa Aluminium Structural Systems, Ster Kinekor, Bank Windhoek, Sanitech, Tyre Rack, Karnic Distributors, Atlas CopCo, Redbull, Industrial Building Supplies, Itaka en Galaxy Productions wat die naweek as borge ondersteun het.
Die uitslae van die 1/8-sleeprenne:
Motorfietse: Nadeem Husselmann 6.758 sekondes. McAllen Husselmann 6.769 s. Clifford Steyn 7.022 s.
Karre: René Bezuidenhoudt VW Golf R7 7.793 s. Deon Diergaardt Toyota Corolla 1.6 Twincam 7.984 s. Gerhard Visagie V8-Dragonfly Promod 8.047 s.
“Ná maande se harde werk en beplanning kon ons uiteindelik die afgelope naweek die eerste Motor-ekspo van sy soort in Namibië aanbied. Ons het met die ouens van Big Boy Racing kragte saamgespan om ’n vol program aan motorsport-entoesiaste te bied en die 1/8ste myl sleeprenne was opwindend!
“Ons het Vrydagmiddag twaalfuur die hekke vir besoekers oopgemaak en daar is vir die eerste keer vyf verskillende jaagdissiplines aangebied. Daar is met sleeprenne (drags) meegeding, terwyl ander jaers verkies het om met tollende bande (spinning) die toeskouers te vermaak en dryfjaag (drifting) was Saterdagaand ’n verdere hoogtepunt.
“Die gimkana was ook uiters gewild en die manne op die motorfietse het met waaghalsige hangspronge die skare vermaak,” het Slamet entoesiasties vertel.
Die naweek se eregaste vanaf Brakpan, Team F-Rix, het verlede week in die hoofstad aangekom en was hier om hul gate uit te geniet. Die jaers het met spesiaal vervaardigde karre aan die tolkompetisie, dryfjaaguitdaging en gimkana deelgeneem.
WMK se eie lede het nie gras onder hul motorbande laat groei nie en het ewe gretig in die naweek se pret met hul eie resieskarre en renstelle gekompeteer. Veertig inskrywings is vir die drie-uurlange sleepren-program ontvang waar die enjins Vrydagaand ná sononder laat brul is.
“Interessante monsters soos Gerhard Visagie se Dragonfly V8-Promod, Royoiso Abrahams se V8-Mercedes 427Ci-turbo en Werner Bezuidenhoudt se blitsige Mazda RX7 en vele ander was op die spyskaart vir besoekers. Sleeprenjaers en toeskouers het die agtste-myl sleeprenne terdeë geniet en dit wil voorkom of dit die pad vorentoe vir WMK met sy eie sleepkompetisies gaan wees.
“Dit is veiliger, want die karre behaal nie hoë snelhede nie en die ren is gouer verby. Windhoek Motorklub gaan beslis in die toekoms weer so ’n byeenkoms aanbied. Ons kan net voortbou op die sukses wat die afgelope naweek behaal is,” het Slamet gesê.
Die voorsitter het vele rolspelers vir hul insae en hulp oor die naweek bedank en die uitstallers vir hul bydrae geloof.
”Baie dankie aan al die verskillende uitstallers van die verskillende motorsportkodes in Namibië wat die tyd gemaak het om jul voertuie en ysters ten toon te stel. Aan die publiek wat die skielike koue weer getrotseer het om ons te ondersteun, ’n baie groot dankie.
“Ek wil graag al die beamptes, baanopsigters en veiligheidsmense bedank wat die naweek veilig en seepglad laat verloop het. Aan die komitee van WMK, ons het waardering vir jul tyd en spanpoging wat die naweek ’n sukses gemaak het.
“Dankie aan die manne van Big Boy Racing vir jul bydrae en insae in die byeenkoms, asook Pierre en Pieter Grobler wat die kommentaar behartig het. Deon Diergaardt, namens WMK en die Ekspo-span waardeer ons jou toewyding, tyd en hope harde werk wat dié geleentheid ’n reuse-sukses gemaak het. Ek hoop om almal in 2019 weer by die Tony Rust-renbaan se volgende ekspo te sien,” het die voorsitter afgesluit.
Die organiseerders bedank Pupkewitz Toyota, Namibia Lubricants, Autoboss Panelbeaters, Retief Sales Promotions, NamAuto, Ceiling Centre, Revo Dub Tuning, Africa Aluminium Structural Systems, Ster Kinekor, Bank Windhoek, Sanitech, Tyre Rack, Karnic Distributors, Atlas CopCo, Redbull, Industrial Building Supplies, Itaka en Galaxy Productions wat die naweek as borge ondersteun het.
Die uitslae van die 1/8-sleeprenne:
Motorfietse: Nadeem Husselmann 6.758 sekondes. McAllen Husselmann 6.769 s. Clifford Steyn 7.022 s.
Karre: René Bezuidenhoudt VW Golf R7 7.793 s. Deon Diergaardt Toyota Corolla 1.6 Twincam 7.984 s. Gerhard Visagie V8-Dragonfly Promod 8.047 s.
Kommentaar
Republikein
Geen kommentaar is op hierdie artikel gelaat nie