Kortnuus uit Afrika

Gambië kry hulpDie Afrika Ontwikkelingsbank het ’n skenking van $995 000 aan die klein Wes-Afrikaanse staat Gambië goedgekeur om hernieubare energie te ontwikkel.Die geld kom uit die bank se fonds vir volhoubare energie vir Afrika.Die geld sal gebruik word om private belegging in groen mini-kragnetwerke moontlik te maak deur die skep van ’n regulatoriese raamwerk en regstreekse steun vir projekontwikkeling en finansiering.Net 40% van die mense in Gambië het toegang tot elektrisiteit, en in die landelike gebiede is dit net 12%.Botswana-regsfirma sluit by ALN aanDie regsfirma Desai Law Group (DLG) van Botswana het aangesluit by die regsfirma-alliansie Africa Legal Network.DLG is deur Rizwan Desai begin, wat ’n vooraanstaande maatskappyprokureur in Botswana is.Die groep doen regswerk vir ’n wye reeks kliënte, van top maatskappye tot banke en ander plaaslike en internasionale instellings. Desai het drie vennote in die regspraktyk.Senegalese boere kry saadhulpKleinboere in Senegal spog met beter opbrengste vir sorghum, mielies, rys en babala (’n soort graan) danksy ’n projek van die saadmaatskappy Syngenta.Die verbetering in opbrengs strek van 11% vir rys onder besproeiing tot 101% vir mielies.Stygende kospryse is ’n belangrike kwessie in Senegal, en die VN se Wêreldkosprogram raam dat 50% van die bevolking geniet nie voedselsekerheid nie.Kleinboere in Senegal is onderhewig aan droogtes en vloede wat hul grond se prestasie verlaag. Syngenta het die saadprogram vroeg verlede jaar begin.Boeing kry kantore in Goudstad en Nairobi Die Amerikaanse vliegtuigvervaardiger Boeing gaan twee nuwe kantore in Afrika open – een in Johannesburg en een in Nairobi, Kenia.Dit is deel van die maatskappy se internasionale uitbreiding en die kantore val onder Boeing International, ’n sake-eenheid wat in 2001 gestig is om sy internasionale strategie en bedrywighede buite Amerika te bevorder.J. Miguel Santos, besturende direkteur vir Afrika suid van die Sahara vir Boeing Commercial Airplanes, sê Afrika is nie nuwe gebied vir Boeing nie, maar die lugvaartbedryf moet meer aandag gee aan Afrika omdat dit uitbreidingsmoontlikhede vir die bedryf bied.Boeing se onlangse skatting wys Afrika sal oor die volgende 20 jaar tot 1 150 nuwe vliegtuie benodig.Facebook in GhanaChris Cox, produkhoof van die sosialemediareus Facebook, was verlede week op ’n besoek aan Nigerië, Ghana en Senegal om te verstaan hoe ontwikkelaars, entrepreneurs en skeppende mense mobiele tegnologie gebruik om dienste, inhoud en sakeondernemings te skep wat aan plaaslike behoeftes voorsien.Hy was onder meer by die Meltwater Entrepreneurial School of Technology in Accra, Ghana, waar hy met Ghanese entrepreneurs ontmoet het.Padprojek tussen Ethiopië en Suid-Soedan Twee nuwe paaie wat Ethiopië met Suid-Soedan gaan verbind, gaan gebou word nadat ’n ooreenkoms tussen die twee lande gesluit is.Die leiers van albei lande het ingestem dat bouwerk onmiddellik begin kan word. Ethiopië het ingestem om die padbouprojek te finansier, en Suid-Soedan sal later terugbetaal sodra sy ekonomie herstel. Die verwagting is dat die handelsooreenkoms tussen die buurlande vrugte sal afwerp sodra die paaie voltooi is. Netwerk24/Saamgestel uit persverklarings, ESI Africa en Construction Review Online

Kortnuus uit Afrika

Kommentaar

Republikein 2025-09-19

Meld asseblief aan om kommentaar te lewer

Kortnuus uit Afrika

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie