Kortnuus 30 September 2021

Opuwo: Paaie geteer vir Baynes Die Paaie-owerheid (RA) het Maandag op Opuwo 'n eerste openbare vergadering gehou oor die beplande teer van grondpaaie hiervandaan na Okangwati en die beplande Baynes-hidrokragsentrale.Die twee roetes sal onderskeidelik 110 km en hetsy 75 km of 108 km lank wees. Een moontlike roete na Baynes sal via Epupa loop.Mnr. Rianus !Gonteb het gesê teerpaaie sal ook dienslewering en toerisme in die gebied bevorder. – Nampa Windhoek: Tien nuwe ICU's Tien intensiewesorgeenhede sal deur die staat in die land opgerig word om beter behandeling vir kritieke pasiënte te verseker.Volgens mnr. Ben Nangombe, uitvoerende direkteur van gesondheid en maatskaplike dienste, sal dit verhoed dat mense soos tans per ambulans of vliegtuig afgevoer moet word na die hoofstad, die kus, Oshakati of Onandjokwe.'n Opname weens Covid-19 het die gebrek geboekstaaf.Bouwerk het reeds begin op Keetmanshoop en die ander nege geïdentifiseerde hospitale is op Opuwo, Outapi, Engela, Nkurenkuru, Rundu, Otjiwarongo, Gobabis en Mariental.Die ministerie wag ook op kwotasies vir die opknapping van staatslykhuise wat in onbruik verval het. – Nampa Walvisbaai: Rooikop het eerste plofaanleg Boor- en skietwerk sal volgens eienaars van 'n nuwe amoniumnitraatemulsie-aanleg 25 km buite Walvisbaai, nou sonder vertragings of die afhanklikheid van invoere in Namibië kan geskied.Volgens mnr. Zak Kotze van Orica sal beter veiligheidstandaarde 'n ander byvoordeel wees. Sy kollega Pontsho Maja het tydens die opening van die plofmiddelaanleg gesê die impak op die plaaslike omgewing sal minimaal wees. – Nampa Keetmanshoop: Verpleërs kry duime op Gesondheidswerkers in Namibië het volgens goewerneur Aletha Frederick van die //Kharasstreek baie mense se verwagtinge oortref met hul reaksie op die Covid-19-pandemie.Soos soldate het sommige hul gesondheid en lewens op die spel geplaas, het sy tydens 'n slypskool vir sowat 30 verpleegsters en verpleërs op Keetmanshoop gesê.Personeel is twee dae lank in hoësorg en die behandeling van kritieke pasiënte opgelei. – Nampa

Kortnuus 30 September 2021

Kommentaar

Republikein 2025-05-01

Meld asseblief aan om kommentaar te lewer

Kortnuus 30 September 2021

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie