Kortnuus 13 Augustus 2021

13 August 2021 | Plaaslik
Oniipa



Drie raadslede vas oor aanstellings



Beweerde korrupte aanstellings het drie lede van Oniipa se dorpsraad in die selle laat beland.

Die Teenkorrupsiekommissie (ACC) het burgermeester David Kambonde, sy adjunk, me. Hileni Idhogela, en mnr. Thomas Matsi, voormalige voorsitter van die bestuurskomitee in hegtenis geneem ná 'n omvattende ondersoek na beweringe van wanpraktyke.

Die trio is in Ondangwa aangekla is en vry op borgtog van N$5 000 elk. Hulle moet op 7 September weer verskyn.



Windhoek



Hof sê later oor ACC, ECN



Regter Collins Parker sal op 31 Augustus uitspreek gee in die dringende hofaansoek deur sewe opposisiepartye dat die regering se heraanstelling van die direkteure van die Teenkorrupsie Kommissie (ACC) en die aanstelling van nuwe verkiesingskommissarisse onwettig is.

Mnr. Nico Smit van die PDM was ontevrede dat die saak sal wag tot kort voor die Nasionale Vergadering sy werk moet hervat.

Opposieparty het uitgestap voordat Swapo die besluite deur die parlement gestoomroller het. - Jemima Beukes



Rundu



Erwe vir Nam se blitse



Die bestuurskomitee van die Rundu-dorpsraad het Dinsdag besluit om erwe aan naellopers Christine Mboma en Beatrice Masilingi toe te ken as erkenning vir hul prestasie by die Olimpiese Spele.

Die erf is 1 248 vierkante meter groot en sal vir die twee atlete verdeel word. Die eiendom is in Kaisosi Uitbreiding 9 geleë en behoort aan die munisipaliteit.

'n Dorpsraadsitting moet nog die besluit goedkeur. Die regering sal ook die skenking moet onderskryf.

- Kenya Kambowe



Walvisbaai



Moeg vir lewe in tenthuise



Inwoners van die Otweya-nedersetting, voorheen bekend as Twaloloka, is 'n jaar nadat 'n reusebrand hul sinkhuise vernietig het keelvol vir die tente waarin hulle sedertdien woon.

Brandslagoffers sou op 10 Augustus na huise trek wat deur die regering befonds is. Die 141 wonings sal nou eers in September voltooi wees.

Sommige inwoners is ontevrede oor sekere name op die lys van begunstigdes. – Leandrea Mouers, Erongo 24/7

Soortgelyk

 

130 nuwe gevalle, meeste in Windhoek

7 ure gelede | Gesondheid

Gister is 130 nuwe gevalle aangemeld, 'n positiewe koers van 8,4%. Die meeste (97) is in Windhoek aangeteken. Die nuwe gevalle sluit 13 studente, 11...

Uitstel van eksamens: Integriteit van eksamen, kwalifikasie moet beskerm...

1 dag gelede | Onderwys

Die ministerie van onderwys, kuns en kultuur sê dit het 'n wettige kontrak met Cambridge International om te verseker dat kredietwaardige eksamens geskryf word wat...

Styging van 56% in nuwe gevalle, 184 gister aangemeld

1 dag gelede | Gesondheid

Gister is 184 nuwe gevalle aangemeld, 'n positiewe koers van 3,9% en 56% meer as die vorige dag. Die meeste gevalle is in Windhoek en...

Veldbrande woed al tien dae

1 dag gelede | Ongelukke

Tanja Bause’n Groot aantal beeste loop langs distrikspaaie noordoos van Windhoek waar verwoestende veldbrande boere tussen Steinhausen en Omitara genoop het om grensdrade te knip...

‘Voltooi vanjaar se eksamen’

1 dag gelede | Ministeries

Henriette LamprechtSkryf die vraestelle wat moontlik is vóór die einde van die jaar met nuwe vraestelle in die plek van dié wat uitgelek het, identifiseer...

Oscar-benoeming dalk in ‘The White Line’ se visier

1 dag gelede | Byvoegsels

Die plaaslike rolprent The White Line is amptelik in die wedloop om oorweeg te word vir ’n moontlike Oscar-benoeming. Dit is die eerste Namibiese rolprent...

Voortrekkers trap vir renosters

1 dag gelede | Byvoegsels

Karli RudolphDie Voortrekkers vier vanjaar hul 90ste bestaansjaar met die tema “Voortrekkers gaan groot”. Die Namibiese Voortrekkers het daarom besluit om hul eie span vir...

V5 Digital a forerunner in digital solutions

1 dag gelede | Tegnologie

Iréne-Mari van der WaltMore than three years ago, Armin Wieland founded his business, V5 Digital, after noticing that there was a lack of companies in...

Do it with passion or not at all

1 dag gelede | Howe

Desiree Gases Ngeendina Angula, born and raised in Greenwell, Windhoek, moved to Cape Town, South Africa, when she was 13 years old and lived there...