Kort nuus - Misdaad

OkatopePasgebore baba in toilet gegooi'n Graad 10-leerling (21) is vir die verberging van ’n geboorte in hegtenis geneem ná 'n 11-jarige meisie Saterdagmiddag op bloeddeurweekte lakens afgekom het en haar ouma daarvan vertel het. "Die ouma het die leerling ondervra, wat glo erken het sy het haar swangerskap van agt maande beëindig," lui die Namibiese polisie se misdaadverslag. "Die verdagte het na bewering op 14 Februarie geboorte aan 'n babameisie in die Onambugulu-nedersetting naby Onyaanya geskenk terwyl haar familie geslaap het." Sy het glo haar baba in 'n plastieksak toegedraai en haar in 'n openbare toilet gegooi. Die verdagte het later haar ouma na die toilet geneem en die babalykie is verwyder. SwakopmundMa los baba in hospitaal'n Vrou (21) het haar babaseuntjie in die staatshospitaal gelos en spoorloos verdwyn nadat sy geboorte aan hom geskenk het. Volgens die polisie het die ma verkeerde kontakbesonderhede aan die hospitaal verskaf. "Die baba is gesond en in die sorg van maatskaplike werkers," sê die polisie. Die polisie doen 'n beroep op die publiek om enige inligting oor die vrou, me. Evelina Gass, aan hoofinsp. Selma Shangula by 081 667 6820 of aan die naaste polisiekantoor te verskaf. WanahedaMoord lei tot selfmoord'n Sekuriteitswag, mnr. Sakaria Kuhangwa (33), het glo Vrydag om 20:35 by 'n huis in in Nangula Francstraat in Babylon sy oom, mnr. Erikson Mutilifa (52), doodgeskiet waarna hy die vuurwapen op homself gerig het. Albei is op slag dood. "Die verdagte het na bewering na sy niggie se kamer gegaan en haar om haar hand gevra. Die oom het hom gekonfronteer en hy het uit woede buite 'n skoot met sy dienshaelgeweer afgevuur. Hy het teruggegaan in die huis in en toe sy oom hom weer konfronteer, het hy hom noodlottig in die bors gewond. Daarna het hy homself in die kop geskiet," sê die polisie. Die naasbestaandes is daarvan ingelig. RunduEenjarige dood in gat gevind'n Eenjarige se liggaam is Saterdag om 14:00 in 'n gat gevind wat agter 'n sinkhuis in die Ndama-lokasie gegrawe is. Niemand is al in hegtenis geneem nie en die ondersoek duur voort. OshekashekaBejaarde sterf ná hy glo vleis eet'n Pensioenaris, mnr. Shitaleni Petukeni (84), wat Donderdag pas sy pensioen ontvang het en vleis by 'n stalletjie in die Oshekasheka-nedersetting gekoop het, het gesterf pas nadat hy die vleis geëet het. 'n Nadoodse ondersoek sal die oorsaak van sy dood bepaal. OndangwaNegejarige verdrink in putRosalia Ilekka (9) het Vrydag omstreeks 18:00 in die Ondiiyala-nedersetting naby Ukwiyu-Uushona verdrink nadat sy water gaan haal en in 'n put geval het. OnandjabaOuma vind kleinseun in waterpoel Die vyfjarige Sem Paulus het Saterdag tussen 13:00 en 16:00 by die Ongali-nedersetting naby Okando bokke opgepas en nie weer huis toe gegaan nie. "Sy ouma het agtergekom die bokke is alleen gelos en sy het na hom begin soek. Sy het later sy liggaam in 'n poel water buite hul heining gevind," sê die polisie. WanahedaTwee met beheerde wildprodukte vasTwee Namibiërs, 'n 39-jarige man en 'n 47-jarige vrou, is Saterdag om 13:30 in die Havana- informele nedersetting in die besit van luislangvleis en -kop, asook 'n skilpaddop in hegtenis geneem. Die ondersoek duur voort. Du PlessisMan in hegtenis oor veediefstal 'n Man (45) is in hegtenis geneem en nóg twee verdagtes word nog in verband met veediefstal gesoek. "Tussen 25 Januarie en 16 Februarie het die verdagtes glo ses beeste uit die Epukiro Du Plessis-weidingsgebied verwyder en vir N$45 000 in die Ombuyongana Epukiro-gebied verkoop. Die beeste is teruggevind," sê die polisie.

Kort nuus - Misdaad

Kommentaar

Republikein 2025-05-02

Meld asseblief aan om kommentaar te lewer

Kort nuus - Misdaad

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie