Kort nuus – Internasionaal
Skotland
Oeps! Hoekom is ons in Edinburg?
Passasiers aan boord van 'n vliegtuig wat bestem was vir Düsseldorf, Duitsland, was verras toe hulle Maandag in Edinburg land.
Die passasiers het glo eers die fout agtergekom toe hulle in die Skotse hoofstad verwelkom is, sowat 800 km van die regte bestemming.
Vlug BA3271 het omstreeks 07:30 van Londen City Airport opgestyg.
Verkeerde papierwerk is glo ingedien wat tot die voorval aanleiding gegee het.
The New York Times berig British Airways sê 'n Duitse onderneming, WDL Aviation, wat die vliegtuig namens British Airways bestuur het, het die verkeerde roete aan lugverkeer-beheerders gegee.
British Airways probeer nog by WDL Aviation uitvind wat presies skeefgeloop het met die indiening van die papierwerk.
Volgens die BBC het die vliegtuig Sondag dieselfde roete na Edinburg gevolg, wat moontlik tot die fout gelei het.
Nadat die vlugpersoneel van die flater in kennis gestel is, is daar brandstof by die vliegtuig ingegooi voordat hulle weer vertrek het, berig The Irish Times.
Die vliegtuig het sowat drie ure ná die beplande aankomstyd op die lughawe in Düsseldorf geland. – Netwerk24
Amerika
Pentagon gee US$1 mjd. vir Mexiko-heining
Die Amerikaanse departement van verdediging het US$1 miljard bewillig om 'n hoë heining oor sowat 92 km op die grens met Mexiko te bou.
Die aankondiging is Maandag deur die Pentagon gedoen.
Intussen probeer pres. Donald Trump om 'n muur op die grens te bou deur 'n noodtoestand aan te kondig. Tot dusver was Trump nie vir heinings te vinde nie omdat hy net sy oog op 'n muur het.
Die Pentagon het die Amerikaanse kongres verlede week 'n lys gegee wat US$12,8 miljard se bouprojekte insluit vanwaar geld vir die bouwerk op die grens geskuif kan word.
Patrick Shanahan, waarnemende minister van verdediging, sê in 'n boodskap aan Kirstjen Nielsen, minister van binnelandse veiligheid, sy departement het die bevoegdheid om teendwelmaktiwiteite naby internasionale grense te steun.
Shanahan het die weermag se ingenieurskorps opdrag gegee om 'n projek te begin waartydens 'n 5,5 m hoë heining gebou gaan word, asook vir die bou en instandhouding van paaie en die oprig van ligte binne die Yuma- en El Paso-gedeeltes van die grens met Mexiko. – Netwerk24/Reuters
Oeps! Hoekom is ons in Edinburg?
Passasiers aan boord van 'n vliegtuig wat bestem was vir Düsseldorf, Duitsland, was verras toe hulle Maandag in Edinburg land.
Die passasiers het glo eers die fout agtergekom toe hulle in die Skotse hoofstad verwelkom is, sowat 800 km van die regte bestemming.
Vlug BA3271 het omstreeks 07:30 van Londen City Airport opgestyg.
Verkeerde papierwerk is glo ingedien wat tot die voorval aanleiding gegee het.
The New York Times berig British Airways sê 'n Duitse onderneming, WDL Aviation, wat die vliegtuig namens British Airways bestuur het, het die verkeerde roete aan lugverkeer-beheerders gegee.
British Airways probeer nog by WDL Aviation uitvind wat presies skeefgeloop het met die indiening van die papierwerk.
Volgens die BBC het die vliegtuig Sondag dieselfde roete na Edinburg gevolg, wat moontlik tot die fout gelei het.
Nadat die vlugpersoneel van die flater in kennis gestel is, is daar brandstof by die vliegtuig ingegooi voordat hulle weer vertrek het, berig The Irish Times.
Die vliegtuig het sowat drie ure ná die beplande aankomstyd op die lughawe in Düsseldorf geland. – Netwerk24
Amerika
Pentagon gee US$1 mjd. vir Mexiko-heining
Die Amerikaanse departement van verdediging het US$1 miljard bewillig om 'n hoë heining oor sowat 92 km op die grens met Mexiko te bou.
Die aankondiging is Maandag deur die Pentagon gedoen.
Intussen probeer pres. Donald Trump om 'n muur op die grens te bou deur 'n noodtoestand aan te kondig. Tot dusver was Trump nie vir heinings te vinde nie omdat hy net sy oog op 'n muur het.
Die Pentagon het die Amerikaanse kongres verlede week 'n lys gegee wat US$12,8 miljard se bouprojekte insluit vanwaar geld vir die bouwerk op die grens geskuif kan word.
Patrick Shanahan, waarnemende minister van verdediging, sê in 'n boodskap aan Kirstjen Nielsen, minister van binnelandse veiligheid, sy departement het die bevoegdheid om teendwelmaktiwiteite naby internasionale grense te steun.
Shanahan het die weermag se ingenieurskorps opdrag gegee om 'n projek te begin waartydens 'n 5,5 m hoë heining gebou gaan word, asook vir die bou en instandhouding van paaie en die oprig van ligte binne die Yuma- en El Paso-gedeeltes van die grens met Mexiko. – Netwerk24/Reuters
Kommentaar
Republikein
Geen kommentaar is op hierdie artikel gelaat nie