Kort nuus – Internasionaal
Japan
600 000 mense ontruim
Minstens 600 000 inwoners van die stad Kagoshima in Japan is Woensdag weens swaar reën uit hul huise ontruim.
Die stad het sy inwoners wat in gebiede woon waar grondstortings kan voorkom beveel om toevlug in ontruimingsentrums in veilige gebiede te vind.
Minstens 900 mm reën het sedert die einde Junie in die suidelike hoofeiland van Kyushu, waar Kagoshima geleë is, voorgekom.
Meer as 200 mense is verlede jaar in Julie tydens reën, oorstromings en grondstortings in die westelike dele van die land dood. – Netwerk24/Reuters
Frankryk
Parys verbied derde van sy voertuie op paaie
In ’n poging om lugbesoedeling te verminder mag ’n derde van die voertuie in Parys nie meer gedurende die week in dié Franse hoofstad ry nie.
Dit is van die strengste beheermaatreëls in Europa en dis ingestel nadat in ’n verslag bevind is dat die lugbesoedeling in Parys erger as in enige ander Europese hoofstad is, berig The Times.
Die strenger beheer oor voertuie in die stad is al verlede week ingestel weens die erge hittegolf waaronder Europa gebuk gegaan het en wat die lugbesoedeling vererger.
Die regulasies is egter op 1 Julie verskerp en dieselvoertuie wat tussen 2001 en 2005 geregistreer is asook vragmotors wat tussen 2006 en 2009 geregistreer is, mag glad nie in sekere dele van die stad ry nie.
Die stad beplan om die regulasies toenemend strenger te maak tot in 2030 wanneer net elektriese of voertuie met brandstofselle wat met waterstof werk in Parys se strate toegelaat sal word. – Netwerk24/Reuters
Brittanje
Man val uit vliegtuig wat oor Londen vlieg
Owerhede meen ’n man wat uit ’n vliegtuig geval het en in iemand se tuin in Londen beland het, was ’n verstekeling uit Kenia.
Die man het Sondag uit die kompartement geval waarin die vliegtuig van Kenya Airways se landingstoerusting gehuisves word, berig CNN.
Dit het gebeur toe die vliegtuig die Heathrow-lughawe genader en gereed gemaak het om te land, sê die polisie in ’n verklaring.
Die polisie is ontbied na die huis in Clapham nadat die gevriesde lyk Sondagmiddag in die tuin geval het.
Die vliegtuig was in daardie stadium 3 575 vt. in die lug, volgens die vlugdata.
Die polisie probeer die man se identiteit vasstel en ’n lykskouing sal binnekort gehou word. – Netwerk24
600 000 mense ontruim
Minstens 600 000 inwoners van die stad Kagoshima in Japan is Woensdag weens swaar reën uit hul huise ontruim.
Die stad het sy inwoners wat in gebiede woon waar grondstortings kan voorkom beveel om toevlug in ontruimingsentrums in veilige gebiede te vind.
Minstens 900 mm reën het sedert die einde Junie in die suidelike hoofeiland van Kyushu, waar Kagoshima geleë is, voorgekom.
Meer as 200 mense is verlede jaar in Julie tydens reën, oorstromings en grondstortings in die westelike dele van die land dood. – Netwerk24/Reuters
Frankryk
Parys verbied derde van sy voertuie op paaie
In ’n poging om lugbesoedeling te verminder mag ’n derde van die voertuie in Parys nie meer gedurende die week in dié Franse hoofstad ry nie.
Dit is van die strengste beheermaatreëls in Europa en dis ingestel nadat in ’n verslag bevind is dat die lugbesoedeling in Parys erger as in enige ander Europese hoofstad is, berig The Times.
Die strenger beheer oor voertuie in die stad is al verlede week ingestel weens die erge hittegolf waaronder Europa gebuk gegaan het en wat die lugbesoedeling vererger.
Die regulasies is egter op 1 Julie verskerp en dieselvoertuie wat tussen 2001 en 2005 geregistreer is asook vragmotors wat tussen 2006 en 2009 geregistreer is, mag glad nie in sekere dele van die stad ry nie.
Die stad beplan om die regulasies toenemend strenger te maak tot in 2030 wanneer net elektriese of voertuie met brandstofselle wat met waterstof werk in Parys se strate toegelaat sal word. – Netwerk24/Reuters
Brittanje
Man val uit vliegtuig wat oor Londen vlieg
Owerhede meen ’n man wat uit ’n vliegtuig geval het en in iemand se tuin in Londen beland het, was ’n verstekeling uit Kenia.
Die man het Sondag uit die kompartement geval waarin die vliegtuig van Kenya Airways se landingstoerusting gehuisves word, berig CNN.
Dit het gebeur toe die vliegtuig die Heathrow-lughawe genader en gereed gemaak het om te land, sê die polisie in ’n verklaring.
Die polisie is ontbied na die huis in Clapham nadat die gevriesde lyk Sondagmiddag in die tuin geval het.
Die vliegtuig was in daardie stadium 3 575 vt. in die lug, volgens die vlugdata.
Die polisie probeer die man se identiteit vasstel en ’n lykskouing sal binnekort gehou word. – Netwerk24
Kommentaar
Republikein
Geen kommentaar is op hierdie artikel gelaat nie