Kort nuus

Dubbelbaannetwerk vorder goedGrootfontein – Konstruksie aan die land se netwerk van dubbelbaanpaaie vorder goed, sê mnr. Conrad Lutombi, uitvoerende hoof van die Paaieowerheid (RA).Ondanks die ekonomiese verlangsaming is die RA vasberade om die dubbelbaan tussen die Internasionale Lughawe Hosea Kutako en Windhoek te voltooi, asook die projek tussen die hoofstad en Okahandja, het Lutombi Vrydag tydens die inwyding van die nuwe teerpad tussen Gobabis en Grootfontein gesê.Dubbelbane tussen Omuthiya en Ondangwa, Ondangwa en Oshakati, asook Swakopmund en Walvisbaai sal binnekort ook ‘n werklikheid wees.Ander paaie wat opgeknap sal word, is die een tussen Swakopmund en Hentiesbaai, asook die pad tussen Hentiesbaai, Kamanjab en Uis. - NampaNanso slaan nuwe blaadjie omWindhoek – Die Namibiese Nasionale Studenteorganisasie (Nanso) het ‘n strategiese plan, webtuiste en nuusbrief bekend gestel.Volgens mnr. Simon Taapopi, sekretaris-generaal van Nanso, strek die plan oor twee jaar. Van die kwessies wat dit takel, sluit in die Finansiële Hulpfonds vir Namibiese Studente (NSFAF) en Nanso se 2018-begroting.Me. Ester Simon, president van Nanso, sê dis belangrik om dié organisasie as ‘n relevante liggaam in die ontwikkeling van Namibië se onderrigstelsel te herposisioneer.Uitdagings wat studente in die gesig staar, sluit in verhogings in studiegeld, werkloosheid, misdaad, ‘n tekort aan verblyfgeriewe en ‘n vertraging in die uitbetaling van NSFAF-geld. - NampaEntrepreneur skenk aan skoolOngha – Mnr. Sam Hamunyela, ‘n jong entrepreneur, het boumateriaal ter waarde van N$6 000 aan die Primêre Skool Kapombo in die Ohangwenastreek geskenk. Dié skool moet dringend nog klaskamers vir graad 8 en 9 bou. Daar is tans 555 leerders van preprimêr tot gr.8 in die skool. Volgende jaar word gr.9’s aanvaar.Hamunyela het geld van sy besigheid, Ngomashendjo Trading, en vriende vir die skenking gebruik.“Ons is die regering en ons moet altyd probeer om die regering halfpad te ontmoet soos wat ons vandag doen,” het Hamunyela tydens die oorhandiging van die skenking gesê. - NampaTweede landbou- en voedselekspo beplanRundu – Die tweede Food Namibia Trade Expo vind van 31 Julie tot 4 Augustus op Rundu plaas, sê die direkteur, mnr. Manfried Likoro.Die ekspo fokus op die toekoms van landbou en volhoubare voedselproduksie in die land. Anders as verlede jaar, duur dit vanjaar ‘n volle week.Volgens Likoro gaan ander sektore soos vis- en vleisbedrywe vanjaar betrek word. Pogings is voorts aangewend om internasionale uitstallers te lok. - Nampa

Kort nuus

Kommentaar

Republikein 2026-09-04

Meld asseblief aan om kommentaar te lewer

Kort nuus

Kommentaar

Republikein 2026-09-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.