Korrektiewe beamptes smokkel glo
Ileni Nandjato
Sedert Maart 2018 is nege korrektiewe beamptes by 13 sake van onwettige aktiwiteite, insluitende die smokkel van onwettige items, betrek.
Vier van die beamptes word betrek by onwettige transaksies met oortreders se geld, terwyl ander glo by die smokkel van dwelms en selfone betrokke was.
Al die beamptes het dissiplinêre verhore gehad en sommige het hul werk verloor.
Dít is volgens inligting verskaf deur die Namibiese Korrektiewe Dienste (NCS).
Die NCS bestuur 13 gevangenisse oraloor die land.
In April 2018 is drie beamptes by onwettige transaksies met gevangenes se geld in Gobabis, Windhoek en Oluno betrek.
Die NCS kon nie bevestig hoeveel geld hierby betrokke is nie.
Die beampte van Gobabis het bedank ná hy skuld erken het en die geld aan die geraakte gevangene terugbetaal het.
Die beampte van Windhoek is tydens 'n dissiplinêre verhoor aangekla en die saak is vir verdere vervolging na die hoërhof verwys.
Die Oluno-beampte is in hegtenis geneem ná hy van sy pos gedros het en is tans in aanhouding by die Ondangwa-polisieselle.
Nog 'n saak van onwettige transaksies met gevangenes se geld is in Mei 2018 in Windhoek aangemeld.
Dié saak is hangende voor 'n dissiplinêre komitee.
'n Beampte van die Oluno-gevangenis is afgedank ná hy in September 2018 glo betrap is dat hy met selfone, Mandrax-tablette, dagga, tabak en SIM-kaarte smokkel.
Vier voorvalle van verlede jaar is hangende voor 'n dissiplinêre komitee.
Dit sluit 'n saak in waarin 'n beampte glo in Februarie met selfone en SIM-kaarte in die Walvisbaai-gevangenis gesmokkel het.
Dit sluit ook die saak in waartydens 'n beampte glo met dagga in die Hardap-gevangenis gesmokkel het, asook die smokkel met selfone in die Oluno- en Elizabeth Napemba-gevangenis.
Vier gevalle van besoekers wat dwelms en selfone in Windhoek en Gobabis probeer insmokkel, is ook aangemeld.– [email protected]
Sedert Maart 2018 is nege korrektiewe beamptes by 13 sake van onwettige aktiwiteite, insluitende die smokkel van onwettige items, betrek.
Vier van die beamptes word betrek by onwettige transaksies met oortreders se geld, terwyl ander glo by die smokkel van dwelms en selfone betrokke was.
Al die beamptes het dissiplinêre verhore gehad en sommige het hul werk verloor.
Dít is volgens inligting verskaf deur die Namibiese Korrektiewe Dienste (NCS).
Die NCS bestuur 13 gevangenisse oraloor die land.
In April 2018 is drie beamptes by onwettige transaksies met gevangenes se geld in Gobabis, Windhoek en Oluno betrek.
Die NCS kon nie bevestig hoeveel geld hierby betrokke is nie.
Die beampte van Gobabis het bedank ná hy skuld erken het en die geld aan die geraakte gevangene terugbetaal het.
Die beampte van Windhoek is tydens 'n dissiplinêre verhoor aangekla en die saak is vir verdere vervolging na die hoërhof verwys.
Die Oluno-beampte is in hegtenis geneem ná hy van sy pos gedros het en is tans in aanhouding by die Ondangwa-polisieselle.
Nog 'n saak van onwettige transaksies met gevangenes se geld is in Mei 2018 in Windhoek aangemeld.
Dié saak is hangende voor 'n dissiplinêre komitee.
'n Beampte van die Oluno-gevangenis is afgedank ná hy in September 2018 glo betrap is dat hy met selfone, Mandrax-tablette, dagga, tabak en SIM-kaarte smokkel.
Vier voorvalle van verlede jaar is hangende voor 'n dissiplinêre komitee.
Dit sluit 'n saak in waarin 'n beampte glo in Februarie met selfone en SIM-kaarte in die Walvisbaai-gevangenis gesmokkel het.
Dit sluit ook die saak in waartydens 'n beampte glo met dagga in die Hardap-gevangenis gesmokkel het, asook die smokkel met selfone in die Oluno- en Elizabeth Napemba-gevangenis.
Vier gevalle van besoekers wat dwelms en selfone in Windhoek en Gobabis probeer insmokkel, is ook aangemeld.– [email protected]
Kommentaar
Republikein
Geen kommentaar is op hierdie artikel gelaat nie