Koronavirus eis ook Bo 50-toernooi

Die Oor 50's-Wêreldbeker-kriekettoernooi in Kaapstad was gister die nuutste slagoffer van die koronavirus.

Organiseerders het die toernooi gister in die middel van die derde ronde van wedstryde afgelas.

Slegs die eerste kolfbeurt van die 45 boulbeurt-wedstryd was voltooi.

Die hoof van die toernooi se mediese komitee, dr. Parag Pandya het gesê dit was nie 'n krieketbesluit nie.

“Ons het die besluit in die belang van openbare gesondheid geneem.

“Die besluit is ook geneem om die spelers te beskerm, gegewe hul ouderdomsprofiel. Dit is ook in die belang van die inwoners, as 'n mens in ag neem dat 85% van positiewe toetse in Suid-Afrika dié van oorsese reisigers was,” sê Pandya.

Sewe van die twaalf spanne wat aan die toernooi deelgeneem het, het in dieselfde hotel in Kaapstad gebly en daar is proaktiewe stappe geneem om hulle te beskerm. Die spelers sal in die hotel bly totdat reëlings vir hul vertrek getref kan word. – Netwerk24

Die finale stand van spanne (ná twee wedstryde elk):



Groep A

1 Australië twee gewen, 4 punte

2 Nieu-Seeland twee gewen, 4 punte

3 Kanada een gewen, twee punte

4 Zimbabwe een gewen, twee punte

5 Sri Lanka twee verloor, 0 punte

6 Wes-Indië nul gewen, 0 punte



Groep B

1 Pakistan twee gewen, 4 punte

2 Suid-Afrika twee gewen, 4 punte

3 Engeland een gewen, 2 punte

4 Wallis een gewen, 2 punte

5 Indië nul gewen, 0 punte

6 Namibië nul gewen, 0 punte