Koos se kuns en die Y2K-gogga

Ronelle Rademeyer - Met die aanbreek van die nuwe millennium 16 jaar, nege maande en 15 dae gelede, het die wêreld asem opgehou oor wat die sogenaamde Y2K-“gogga” of -probleem met rekenaarstelsels en elektroniese toerusting sou doen.Y2K het verwys na “Year Two Thousand” en die feit dat baie rekenaarprogramme, insluitend klein programmetjies wat in sogenaamde ingeslote stelsels te vinde is, moontlik nie die omskakeling na die jaar 2000 sou kan hanteer nie. Daar is gevrees dat rekenaars en elektroniese toerusting soos mikrogolfoonde, yskaste en alarms nie sou werk nie aangesien die datum verkeerd gelees kon word deur ’n rekenaar of ander elektroniese apparaat wat ’n programmeerbare skyfie bevat.Republikein se 1 Januarie 2000-uitgawe om die koms van die nuwe millennium te vier, het egter dié vrese verkeerd bewys.Baie lesers sal nog die voorblad onthou met die gevierde Namibiese kunstenaar Koos van Ellinckhuijzen, wat verlede week op Swakopmund gesterf het, se besonderse kunswerk op die voorblad.Bo die geskiedkundige datum van 01-01-00 het Koos die universum geskilder, met die ikoniese Spitzkoppe en nagtelike sterreprag onder dit. ’n Groot kunstenaar, ’n groot dag en ’n eenmalige viering van ’n een-keer-in-’n-leeftyd-gebeurtenis.Saterdag om 11:00 gaan sy vriende, familie en kennisse by die Valskermklub op Swakopmund vir oulaas eer betoon aan dié man wie se grootse nalatenskap grense versit het.•Republikein publiseer môre inKollig ’n spesiale huldeblyk aan hom deur sy vriende André du Pisani en Amy Schoeman. Moet dit nie misloop nie.

Koos se kuns en die Y2K-gogga

Kommentaar

Republikein 2026-01-09

Meld asseblief aan om kommentaar te lewer

Koos se kuns en die Y2K-gogga

Kommentaar

Republikein 2026-01-09

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.