Konsepwet op kopiereg onder vergrootglas

‘Intellektuele eiendom ‘n bron van groei, welvaartskepping’

23 November 2021 | Regering
In ooreenstemming met sy mandaat om intellektuele eiendom te beskerm, bevorder en registreer deur ‘n betroubare intellektuele eiendomsomgewing te skep, het die Owerheid vir Besigheids- en Intellektuele Eiendom (Bipa) Donderdag (18 Nov) ’n oop konferensie vir belanghebbendes oor die konsepwet op kopiereg en verwante regte aangebied – wat ook aanlyn bygewoon kon word.

Dié konferensie was om belanghebbendes se insette, wat vroeër vanjaar in verband met die toepaslike wetgewing op kopiereg aangevra is, te bekragtig. Gegewe die wetsontwerp se potensiële impak op verskeie sektore in die land, het hierdie nasionale konferensie ten doel om burgerlike samelewings, die kreatiewe bedryf, nieregeringsorganisasies, opvoedkundige instellings, kulturele en tradisionele owerhede, vervaardigingsmaatskappye, sakebedrywe en wetstoepassingsagentskappe byeen te bring met die doel om konstruktiewe terugvoer oor die inhoud van die konsepwetsontwerp op kopiereg in te samel. Die uitkoms van hierdie sessie sal help om enige nodige aanpassings te maak voordat die wetsontwerp ter tafel gelê word.

“Die konferensie is ‘n noodsaaklike platform om te motiveer waarom die huidige Kopieregwet van 1994 hersien moet word, asook om nuwe veranderinge in die konsepwetsontwerp te deel wat sedertdien tydens die verskillende beraadslagingsessies onder belanghebbendes geïnkorporeer is,” het die uitvoerende hoof van intellektuele eiendomsdienste by Bipa, me. Ainna Kaundu, gesê. Kaundu het verder opgemerk “die wysigings wat aan die wetsontwerp gemaak is, was om te verseker die nuwe wet gee gehoor aan ons huidige behoeftes as ‘n land en is in lyn met die beste internasionale praktykraamwerke oor toepaslike kopieregwetgewing.”

Die adjunkminister van nywerheidsontwikkeling en handel, me. Verna Sinimbo, het tydens die konferensie gesê intellektuele eiendom is vir besighede ‘n waardevolle bron van ekonomiese waarde in vandag se tegnologies gevorderde ekonomie, en dat die belangrikheid daarvan nie oorbeklemtoon kan word nie.

“Intellektuele eiendom is ‘n bron van groei en welvaartskepping in Namibië en die hersiening van Namibië se verouderde Outeursregwet van 1994 is net een stap in die rigting om die land se raamwerk vir intellektuele eiendom te verbeter en dat die ministerie deur Bipa ook ander inisiatiewe in hierdie verband onderneem,” het sy gesê.

Die owerheid het sedert 2019 met belangrike tersiêre instellings saamgewerk om die Technology and Innovation Support Centre Network te vestig, wat ten doel het om innovasie in Namibië te bevorder deur verhoogde toegang tot tegniese en wetenskaplike kundigheid, asook verbeterde kennis van die voordele van nywerheids-eiendomsregte in die algemeen en inligting oor patente in besonder, het sy verduidelik.

Bipa se uitvoerende hoof, me. Vivienne Katjiuongua, het gesê hulle is bewus dat beide die wetlike raamwerk waarin kopiereg gedek word, sowel as die dinamika van dié tipe regte wêreldwyd, sedert 1994 dramaties verander het – wat die behoefte vir Namibië noodsaak om hierdie veranderinge te ondersoek en te verseker dit is in lyn met die beste wêreldwye praktyke.

“Die hersiening sluit veranderinge in die digitale landskap, sowel as die musiek- en kreatiewe bedrywe in. Tydens die hersiening het ons ook ‘n leemte in die huidige wet ontdek rakende werke in toegepaste kunste, digitale media, stromingswebwerwe, die aflaai van kopieregwerke, meganiese regte in digitale werke, databasisse, sagteware en kunsmatige intelligensie,” het sy gesê.

Bygewerk van Nampa

Soortgelyk

 

Sewe sterftes, 121 nuwe gevalle

7 ure gelede | Gesondheid

Die totale getal Covid-sterftes styg met sewe tot 3 821. Vier was tuissterftes en een geval was ten volle ingeënt. Gister is 121 nuwe gevalle...

Motor deur water meegesleur

1 dag gelede | Gesondheid

Berigte word ontvang van verskeie riviere in die Suide wat loop nadat swaar reën op plekke geval het. Die foto's van 'n motor wat deur...

10 sterftes, 309 nuwe gevalle

1 dag gelede | Gesondheid

Die Covid-sterftes styg met tien tot 3 814. Vier was tuissterftes en geen van die sterfgevalle was ingeënt nie. Gister is 309 nuwe gevalle aangemeld,...

Trein ontspoor tussen Aus en Goageb

1 dag gelede | Ongelukke

TransNamib het bevestig 'n trein het tussen Guibes en Schakkalskuppe naby Aus in die Suide van die land ontspoor. Volgens die woordvoerder, Abigail Raubenheimer, het...

Oorvol Oranje sorg vir skade

2 dae gelede | Omgewing

Toerismebestemmings geleë op die oewers van die Oranjerivier in die Suide van die land, is aan die ontvangkant van die oorvloei van water. Monique Adams...

21 sterftes, 373 nuwe gevalle

2 dae gelede | Gesondheid

Covid-19-sterftes styg met 21 tot 3 804. Geen van die gevalle was ingeënt nie. Gister is 373 nuwe gevalle aangemeld, 'n positiwiteitskoers van 13,4%....

Landless People's Movement onttrek twee raadslede van Keetmanshoop-munisipaliteit

2 dae gelede | Regering

Twee raadslede van die Keetmanshoop-munisipaliteit wat die Landless People's Movement verteenwoordig het, is met onmiddellike effek verwyder en hul verteenwoordiging opgehef. Sydney Skakana en Willie...

Drie van Okahandja se bestuurskomitee vas vir korrupsie

2 dae gelede | Misdaad

Die Teenkorrupsiekommissie van Namibië (ACC) het drie lede van die bestuurskomitee van die munisipaliteit op Okahandja vir korrupsie vasgetrek. Die drie, Gideon Uwu-Khaeb (voormalige voorsitter),...

Graad 11- en 12-uitslae middel Februarie verwag

2 dae gelede | Gesondheid

Die uitslae van voltydse kandidate vir die Nasionale Senior Sekondêre Sertifikaat Gewone Vlak (NSSCO) en Gevorderde Vlak (AS) sal in middel-Februarie vrygestel word. Volgens 'n...