Koningin Elizabeth II se verjaardag herdenk

Estelle de Bruyn Die Britse hoë kommisariaat het Woensdag die 90ste verjaarsdag van koningin Elizabeth II met ’n tuinpartyjie herdenk. Die statige koningin is die langsdienende monarg wat die Britse ryk nóg gehad het en vanjaar is haar 64ste jaar op die troon.Die geleentheid was eg Brits met ’n Skotse doedelsakspeler wat vir musiek gesorg het en vis en skyfies, Pimms en aarbeie en room op die spyskaart.Vanjaar is dit ook 400 jaar sedert die dood van die gevierde Britse dramaturg, William Shakespeare. Om Shakespeare se erflating te herdenk, het leerlinge van St. Paul’s College ’n hedendaagse aanpassing van die balkon-toneel uit Romeo & Juliet opgevoer.In haar geleentheidsrede het die Britse hoë kommissaris in Namibië, me. Jo Lomas, op Shakespeare se werke wat in meer as 100 tale vertaal is en sy woordeskat-erfenis gewys. Van die woorde wat hy geskep het en vir die eerste keer in sy werke gebruik is, sluit in “addiction”, “leapfrog” en frases soos “band of brothers” en “heart of gold”. Lomas, wat sedert September 2015 in Namibië is, het gesê sy is beïndruk met die vasberadenheid van pres. Hage Geingob om armoede en ongelykheid die stryd aan te sê. Sy sê die Britse hoë kommissariaat is gereed om Namibië by te staan om hierdie oogmerke deur middel van ekonomiese groei te verwesenlik.“My prioriteit is om raakvlakke te vind waar Britse kundigheid en beleggings dit kan laat gebeur,” het Lomas gesê.

Koningin Elizabeth II se verjaardag herdenk

Kommentaar

Republikein 2025-06-19

Meld asseblief aan om kommentaar te lewer

Koningin Elizabeth II se verjaardag herdenk

Kommentaar

Republikein 2025-06-19

Meld asseblief aan om kommentaar te lewer

MELD AAN

Advertensie