Konferensie oor konflik tussen mens en dier
Wêreldwildlewedag word op 3 Maart gevier en sal voorafgegaan word deur 'n geleentheid wat uitdagings oor wildlewe takel.
Francoise Steynberg
Ses mense het al in die eerste twee maande van die jaar weens mens-dier-konflik gesterf.
Dit sluit in twee volwassenes en twee babas weens seekoeie en twee mense weens krokodille in die Zambezi- en Kavangorivier.
In 2016 het nege mense weens mens-dier-konflik gesterf en vier is deur wilde diere beseer, onder wie twee werknemers van die ministerie van die omgewing en toerisme.
Verlede jaar is 545 beeste deur wilde diere doodgemaak - 291 bokke, 79 skape en 15 donkies.
Vanjaar is 46 beeste en 9 bokke deur wilde diere doodgemaak. Ook in 2016 is 71 voorvalle van die beskadiging van gewasse gerapporteer wat altesaam 94 hektaar beslaan en vanjaar is 21 voorvalle op 'n totaal van 57 hektaar aangemeld.
Dié statistieke is Donderdag deur die minister van die omgewing en toerisme, mnr. Pohamba Shifeta, verskaf toe hy die konferensie oor mens-dier-konflik aangekondig het wat op 1 en 2 Maart in Windhoek gaan plaasvind.
Op 3 Maart word Wêreldwildlewedag gevier. Die dag word opgedra aan die beskerming van Namibië se wild, veral renosters en olifante wat deur onwettige jag bedreig word.
Geld sal vir wildbeskerming (hoofsaaklik teenstropery van renosters en olifante), wetstoepassing, mens-dier-konflikbestuur en beskermde gebiede-bestuur ingesamel word.
“Die ministerie weet mens-dier-konflik het nog altyd bestaan waar mens en dier saamleef. Dit is nie moontlik om alle konflik uit te roei nie, maar dit moet op die doeltreffendste manier bestuur word,” het Shifeta gesê.
mens en dier wedywer
Hy sê die redes vir mens-dier-konflik is die mededinging tussen groeiende menslike en wildbevolkings om dieselfde leefruimte en hulpbronne, die beweging van mense vir voedselsekuriteit, droogtes, vloede en negatiewe houdings jeens wild en beskermde gebiede, veranderinge in wildhabitatte weens infrastruktuurontwikkeling, landbou, groenskemas, visserye en ander ontwikkelingsprojekte.
“Die wydverspreide, ernstige droogte in die hele Namibië vererger ook die situasie en ons is verheug oor die goeie reëns wat oor die grootste dele van die land ontvang is. Ons moet verstaan dat waar mense en wild in verskillende plekke om dieselfde hulpbronne meeding, daar altyd konflik sal wees,” verduidelik Shifeta.
Volgens die minister het die kabinet in 2009 die nasionale beleid oor mens-dier-konflikbestuur goedgekeur, maar met die huidige uitdagings en nuwe, innoverende idees oor hoe om dit te takel, sal dit hersien word. Die hersiene beleid, waarvan die eerste ontwerp voltooi is, moet ook 'n implementeringsplan hê. Openbare en rolspelerkonsultasies oor die beleid in die streke en in Windhoek is voltooi.
Die konferensie oor mens-dier-konflik sal bygewoon word deur gemeenskapsverteenwoordigers van tradisionele owerhede en kommunale bewaringsgebiede in alle streke, streeksgoewerneurs en voorsitters van streeksrade, lede van die parlement, verteenwoordigers van lynministeries, nie-regeringsorganisasies, die private sektor, landbou-unies, boere, jagverenigings, toerismeverenigings, instellings van hoër onderrig en amptenare van die ministerie van die omgewing en toerisme.
Ses mense het al in die eerste twee maande van die jaar weens mens-dier-konflik gesterf.
Dit sluit in twee volwassenes en twee babas weens seekoeie en twee mense weens krokodille in die Zambezi- en Kavangorivier.
In 2016 het nege mense weens mens-dier-konflik gesterf en vier is deur wilde diere beseer, onder wie twee werknemers van die ministerie van die omgewing en toerisme.
Verlede jaar is 545 beeste deur wilde diere doodgemaak - 291 bokke, 79 skape en 15 donkies.
Vanjaar is 46 beeste en 9 bokke deur wilde diere doodgemaak. Ook in 2016 is 71 voorvalle van die beskadiging van gewasse gerapporteer wat altesaam 94 hektaar beslaan en vanjaar is 21 voorvalle op 'n totaal van 57 hektaar aangemeld.
Dié statistieke is Donderdag deur die minister van die omgewing en toerisme, mnr. Pohamba Shifeta, verskaf toe hy die konferensie oor mens-dier-konflik aangekondig het wat op 1 en 2 Maart in Windhoek gaan plaasvind.
Op 3 Maart word Wêreldwildlewedag gevier. Die dag word opgedra aan die beskerming van Namibië se wild, veral renosters en olifante wat deur onwettige jag bedreig word.
Geld sal vir wildbeskerming (hoofsaaklik teenstropery van renosters en olifante), wetstoepassing, mens-dier-konflikbestuur en beskermde gebiede-bestuur ingesamel word.
“Die ministerie weet mens-dier-konflik het nog altyd bestaan waar mens en dier saamleef. Dit is nie moontlik om alle konflik uit te roei nie, maar dit moet op die doeltreffendste manier bestuur word,” het Shifeta gesê.
mens en dier wedywer
Hy sê die redes vir mens-dier-konflik is die mededinging tussen groeiende menslike en wildbevolkings om dieselfde leefruimte en hulpbronne, die beweging van mense vir voedselsekuriteit, droogtes, vloede en negatiewe houdings jeens wild en beskermde gebiede, veranderinge in wildhabitatte weens infrastruktuurontwikkeling, landbou, groenskemas, visserye en ander ontwikkelingsprojekte.
“Die wydverspreide, ernstige droogte in die hele Namibië vererger ook die situasie en ons is verheug oor die goeie reëns wat oor die grootste dele van die land ontvang is. Ons moet verstaan dat waar mense en wild in verskillende plekke om dieselfde hulpbronne meeding, daar altyd konflik sal wees,” verduidelik Shifeta.
Volgens die minister het die kabinet in 2009 die nasionale beleid oor mens-dier-konflikbestuur goedgekeur, maar met die huidige uitdagings en nuwe, innoverende idees oor hoe om dit te takel, sal dit hersien word. Die hersiene beleid, waarvan die eerste ontwerp voltooi is, moet ook 'n implementeringsplan hê. Openbare en rolspelerkonsultasies oor die beleid in die streke en in Windhoek is voltooi.
Die konferensie oor mens-dier-konflik sal bygewoon word deur gemeenskapsverteenwoordigers van tradisionele owerhede en kommunale bewaringsgebiede in alle streke, streeksgoewerneurs en voorsitters van streeksrade, lede van die parlement, verteenwoordigers van lynministeries, nie-regeringsorganisasies, die private sektor, landbou-unies, boere, jagverenigings, toerismeverenigings, instellings van hoër onderrig en amptenare van die ministerie van die omgewing en toerisme.
Kommentaar
Republikein
Geen kommentaar is op hierdie artikel gelaat nie