Kommer oor SA banke se wins

Nellie Brand-Jonker - Die internasionale kredietgradeerder Standard & Poor’s het gewaarsku die wins van Suid-Afrikaanse banke gaan in die komende jare onder druk wees weens die verswakking in die ekonomie en die risiko wat toeneem dat lenings nie terugbetaal gaan word nie.Die kredietgradeerder sê in ’n nuwe verslag die banke se verliese op toegestaande lenings, gaan vanjaar en volgende jaar toeneem.Standard & Poor’s het einde verlede jaar die vooruitsig van al die banke wie se skuld hy gradeer, in negatief verander nadat Suid-Afrika se kredietgraderingvooruitsig in negatief verander is. Die vooruitsig vir die stadiger ekonomiese groei en stygende rentekoerse het ’n rol gespeel.S&P gradeer Standard Bank, Absa Bank, FirstRand Bank, Nedbank, Investec Bank, Capitec en African Bank. Matthew Pirnie, ’n kredietontleder by Standard & Poor’s, sê banke het hul leningsboeke sedert 2008 gediversifiseer en verbande het as persentasie van die totale lenings van 33% tot 28% gekrimp in 2015.Lenings aan maatskappye het in die tyd van 35% tot 40% van die totaal toegeneem.Hy glo lenings aan maatskappye gaan sukkel om die gemiddelde 10%-groeikoers te kry wat die afgelope vyf jaar bereik is gegewe die verwagte laer regering- en infrastruktuurbesteding, swakker vooruitsigte vir uitbreiding in Afrika asook minder uitvoer deur belangrike uitvoerders.Die gehalte van die leningsboek aan maatskappye kan agteruitgaan as gevolg van dié tendense, veral dié vir kleiner ondernemings.Die groot risiko vir banke lê steeds in lenings wat aan verbruikers gegee is. “Ons glo steeds huishoudings is die grootste bron van risiko vir banke weens hul betreklik hoë skuldvlakke.”Dit is wel positief dat huishoudings se skuld in verhouding tot hul besteebare inkomste die afgelope paar jaar effens van 79% in 2013 tot 77,6% gedaal het.“Wat minder positief is, is dat die aard van die skuld van huislenings na meer ongesekureerde lenings en afbetalingskrediet verskuif het.”Volgens hom wys dit ryker mense het vinniger van hul skuld ontslae geraak as middel- en laerinkomstegroepe. Daar was ook ’n verandering in kredietbeleid wat die toegang tot langtermyn- gesekureerde krediet beperk het ten gunste van kortertermyn- en hoër marge lenings.Pirnie sê die beste aanwyser van huishoudings se vermoë om lenings te betaal is die koste van skuld in verhouding tot besteebare inkomste. Dit het van 2013 van 8,5% tot 9,7% gestyg. Dit kan tot 10,4% in 2016 styg – die hoogste vlak sedert 2008.Hy sê die vooruitsigte vir uitbreiding in Afrika is vanjaar minder aantreklik as die afgelope paar jaar.Banke se strategieë gaan weens die faktore meer verdedigend raak eerder as dat dit op uitbreiding gaan fokus.Lisa Haakman, ’n aandeleontleder by PSG Batebestuur, sê ondanks die vrese oor ’n afgradering van Suid-Afrika deur internasionale kredietgradeerders en die impak daarvan op banke, het PSG Batebestuur die afgelope tyd meer bankaandele gekoop.Die groep het die afgelope maande meer aandele in Capitec en FirstRand gekoop – wat altyd belangrike aandele in sy portefeuljes was – maar nou ook in Nedbank.Haakman sê baie van die risiko’s vir banke word reeds in hul huidige aandeelpryse weerspieël. “Die onlangse sentiment oor banke is die negatiefste wat dit was sedert die finansiële krisis . . . ons glo dit bied ’n geleentheid om sterk handelsname teen ’n wesenlike afslag op hul intrinsieke waarde te koop.” - Netwerk24

Kommer oor SA banke se wins

Kommentaar

Republikein 2026-04-03

Meld asseblief aan om kommentaar te lewer

Kommer oor SA banke se wins

Kommentaar

Republikein 2026-04-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.