Kommer oor kindertroues in NV uitgespreek
'n Konsultant gaan gewerf word om navorsing oor kindertroues in Namibië te doen.
Estelle de Bruyn - Die ministerie van geslagsgelykheid en kinderwelsyn is diep bekommerd oor voorvalle van kindertroues in Namibië.
Dít blyk uit antwoorde wat die minister van geslagsgelykheid en kinderwelsyn, me. Doreen Sioka, in die Nasionale Vergadering (NV) op vrae van me. Jennifer van den Heever van die DTA verskaf het.
Sioka sê aangesien die regering ondertekenaars van internasionale instrumente soos die VN se konvensie oor die regte van die kind en die Afrika-handves oor die regte en welsyn van die kind is, geniet die beskerming van kinders voorrang.
Hierdie instrumente bepaal onder meer dat kinders teen skadelike maatskaplike en kulturele gebruike en alle vorms van seksuele uitbuiting of mishandeling beskerm moet word.
Die nuwe Wet op Kindersorg en -beskerming, Wet 3 van 2015, is juis aanvaar om aan die vereistes van die internasionale bepalinge te voldoen.
Ingevolge die konvensie op die uitwissing van alle vorms van diskriminasie teen vroue, wat deur Namibië bekragtig is, moet die minimum ouderdom vir huwelike en die verpligte registrasie van huwelike gespesifiseer word.
Sioka het 'n beroep op die minister van justisie, dr. Albert Kawana, gedoen om die regulasies so vinnig as moontlik te finaliseer sodat personeel van haar ministerie kinderhuwelike kan voorkom.
Van den Heever wou ook weet of enige navorsing oor die voorkoms van kindertroues en ander potensieël skadelike kulturele praktyke by geleenthede soos die Sikenge-fees en Okufuko-fees gedoen is.
Sioka sê haar ministerie het geld deur die Globale Fonds hiervoor aangevra en is besig met die werwing van 'n konsultant om navorsing oor kindertroues in Namibië te doen. Een van die oogmerke van die studie is om kulturele gebruike te ondersoek wat skadelik vir kinders kan wees.
Die bevindinge van so 'n studie sal gebruik word om programme te ontwikkel om die publiek en diegene wat sulke gebruike aanmoedig, op te voed.
Dít blyk uit antwoorde wat die minister van geslagsgelykheid en kinderwelsyn, me. Doreen Sioka, in die Nasionale Vergadering (NV) op vrae van me. Jennifer van den Heever van die DTA verskaf het.
Sioka sê aangesien die regering ondertekenaars van internasionale instrumente soos die VN se konvensie oor die regte van die kind en die Afrika-handves oor die regte en welsyn van die kind is, geniet die beskerming van kinders voorrang.
Hierdie instrumente bepaal onder meer dat kinders teen skadelike maatskaplike en kulturele gebruike en alle vorms van seksuele uitbuiting of mishandeling beskerm moet word.
Die nuwe Wet op Kindersorg en -beskerming, Wet 3 van 2015, is juis aanvaar om aan die vereistes van die internasionale bepalinge te voldoen.
Ingevolge die konvensie op die uitwissing van alle vorms van diskriminasie teen vroue, wat deur Namibië bekragtig is, moet die minimum ouderdom vir huwelike en die verpligte registrasie van huwelike gespesifiseer word.
Sioka het 'n beroep op die minister van justisie, dr. Albert Kawana, gedoen om die regulasies so vinnig as moontlik te finaliseer sodat personeel van haar ministerie kinderhuwelike kan voorkom.
Van den Heever wou ook weet of enige navorsing oor die voorkoms van kindertroues en ander potensieël skadelike kulturele praktyke by geleenthede soos die Sikenge-fees en Okufuko-fees gedoen is.
Sioka sê haar ministerie het geld deur die Globale Fonds hiervoor aangevra en is besig met die werwing van 'n konsultant om navorsing oor kindertroues in Namibië te doen. Een van die oogmerke van die studie is om kulturele gebruike te ondersoek wat skadelik vir kinders kan wees.
Die bevindinge van so 'n studie sal gebruik word om programme te ontwikkel om die publiek en diegene wat sulke gebruike aanmoedig, op te voed.
Kommentaar
Republikein
Geen kommentaar is op hierdie artikel gelaat nie