Kommer oor groot getal Chinese in Namibië
Die amptelike woordvoerder van die ministerie van binnelandse sake en immigrasie sê daar heers kommer oor of buitelanders, veral Chinese, met werkspermitte kundigheid aan Namibiërs oordra.
Estelle de Bruyn - Daar is moontlik tot soveel as 100 000 Chinese burgers wat in Namibië woon.
So sê die amptelike woordvoerder van die ministerie van binnelandse sake en immigrasie, me. Salome Kambala.
Sy het verlede week tydens ‘n nuuskonferensie in Windhoek gesê dit is moeilik om te bepaal hoeveel Chinese wettig of onwettig in die land is.
“Sommige is hier op sakevisums, ander het drie maande besoekervisums, sommige Chinese werk aan regeringsprojekte soos die bou van paaie en in die konstruksiebedryf en veral op gebiede waar ‘n tekort aan vaardighede onder Namibiërs bestaan.
“Hulle is baie slim en bestudeer ‘n kaart van Namibië voordat hulle na die land kom. Van Katima Mulilo tref ‘n mens tans oral oor die land Chinese aan. Daar is selfs plekke wat 'China Town' heet. Dit is ‘n bron van kommer,” het Kambala gesê.
Tog sê sy die wet stel vereistes vir enige iemand wat hom- of haarself in Namibië wil vestig.
“As iemand aan die vereistes voldoen, kan hulle aanbly. Volgens die beleid op swart bemagtiging moet die vaardighede, waaroor buitelanders met werkspermitte in Namibië beskik, egter aan Namibiërs oorgedra word.
“Op elke gebied, hetsy ingenieurswese of konstruksie, moet ‘n Namibiër saam met ‘n buitelander werk. Die groot vraag is of dit wel gebeur. Dit is moeilik om vas te stel,” het Kambala gesê.
Indien Kambala se syfers reg is, het die aantal Chinese wat hulle in Namibië gevestig het, sedert die laaste nasionale sensus in 2011 drasties gestyg.
Volgens die sensusdokumente was daar in 2011 maar 3 131 Asiate in die land.
Volgens die ontleding in die sensusdokumente van die tale wat in verskillende huishoudings in Namibië gepraat word, was ‘n Asiatiese taal die hooftaal in 461 huishoudings. Dit beteken daar was gemiddeld 6,79 Asiatiese inwoners per huishouding.
Indien Kambala se skatting van die aantal Chinese korrek is, het die Asiatiese huishoudings toegeneem tot 14 727, ‘n groei van 3 195 persent.
Indien dit reg is, is Chineessprekendes in Namibië nou die sewende grootste taalgroep in die land naas Oshiwambo-, Afrikaans-, RuKwangali-, Lozi- Otjiherero-, Nama/Damara- en Engelssprekendes. Chineessprekende huishoudings is dus meer as huishoudings waarin die San-tale (3 745), Setswana (1 328), Duits (4 359) en ander Europese tale (3 306) saam gepraat word.
So sê die amptelike woordvoerder van die ministerie van binnelandse sake en immigrasie, me. Salome Kambala.
Sy het verlede week tydens ‘n nuuskonferensie in Windhoek gesê dit is moeilik om te bepaal hoeveel Chinese wettig of onwettig in die land is.
“Sommige is hier op sakevisums, ander het drie maande besoekervisums, sommige Chinese werk aan regeringsprojekte soos die bou van paaie en in die konstruksiebedryf en veral op gebiede waar ‘n tekort aan vaardighede onder Namibiërs bestaan.
“Hulle is baie slim en bestudeer ‘n kaart van Namibië voordat hulle na die land kom. Van Katima Mulilo tref ‘n mens tans oral oor die land Chinese aan. Daar is selfs plekke wat 'China Town' heet. Dit is ‘n bron van kommer,” het Kambala gesê.
Tog sê sy die wet stel vereistes vir enige iemand wat hom- of haarself in Namibië wil vestig.
“As iemand aan die vereistes voldoen, kan hulle aanbly. Volgens die beleid op swart bemagtiging moet die vaardighede, waaroor buitelanders met werkspermitte in Namibië beskik, egter aan Namibiërs oorgedra word.
“Op elke gebied, hetsy ingenieurswese of konstruksie, moet ‘n Namibiër saam met ‘n buitelander werk. Die groot vraag is of dit wel gebeur. Dit is moeilik om vas te stel,” het Kambala gesê.
Indien Kambala se syfers reg is, het die aantal Chinese wat hulle in Namibië gevestig het, sedert die laaste nasionale sensus in 2011 drasties gestyg.
Volgens die sensusdokumente was daar in 2011 maar 3 131 Asiate in die land.
Volgens die ontleding in die sensusdokumente van die tale wat in verskillende huishoudings in Namibië gepraat word, was ‘n Asiatiese taal die hooftaal in 461 huishoudings. Dit beteken daar was gemiddeld 6,79 Asiatiese inwoners per huishouding.
Indien Kambala se skatting van die aantal Chinese korrek is, het die Asiatiese huishoudings toegeneem tot 14 727, ‘n groei van 3 195 persent.
Indien dit reg is, is Chineessprekendes in Namibië nou die sewende grootste taalgroep in die land naas Oshiwambo-, Afrikaans-, RuKwangali-, Lozi- Otjiherero-, Nama/Damara- en Engelssprekendes. Chineessprekende huishoudings is dus meer as huishoudings waarin die San-tale (3 745), Setswana (1 328), Duits (4 359) en ander Europese tale (3 306) saam gepraat word.
Kommentaar
Republikein
Geen kommentaar is op hierdie artikel gelaat nie