Kommer ná Tyson se bisarre onderhoud

15 October 2020 | Sport
Piers Morgan se Good Morning Britain word gekritiseer omdat Mike Tyson toegelaat is om ’n bisarre onderhoud te voer waarin dié bokslegende diktong praat en sy kop rol asof hy aan die slaap raak.

Tyson (54) is besig met voorbereiding vir ’n vertoongeveg teen sy 51-jarige Amerikaanse landgenoot Roy Jones Junior volgende maand.

FoxNews berig die voormalige swaargewigkampioen het laataand (Los Angeles-tyd) uit die VSA met Morgan en Susanna Reid gesels en het ooglopend gesukkel. Dit het daartoe gelei dat kykers en aanhangers hul kommer oor Tyson se gesondheid uitspreek.

“Ek wil dit doen, ek beplan om dit vir liefdadigheid te doen (onhoorbaar),” sê Tyson oor die geveg, sy eerste sedert 2005.

“En ek voel ek is daartoe in staat en dit is wat ek wil doen.”

Op die vraag of dit ’n probleem is om in sy 50’s en sonder ’n kopskerm te boks, rol Tyson se kop asof hy aan die slaap raak en hy sê: “Ek dink dit is baie wonderlik dat ons saam boks, die geveg wat ons vroeër moes gehad het, maar ongelukkig gebeur dit nou eers en dit gaan asemrowend wees.”

Gegewe Tyson se lang en ernstige geskiedenis van middelmisbruik, asook sy huidige status as cannabis-magnaat met ’n daggagewoonte van US$55 000 per maand, is daar diegene wat vra of “Iron Mike” tydens die onderhoud onder die invloed was.

Maar Tyson voer aan hy was eenvoudig uitgeput.

“Hey maat,” het hy op Twitter aan Morgan, Reid, Good Morning Britain en alle kykers in die Verenigde Koninkryk geskryf.

“Ek het probeer laat wakker bly vir die onderhoud, maar het aan die slaap geraak en soos ’n leeu is dit moeilik om my wakker te maak sodra ek slaap.”

“Ek oefen hard en klim vroeg in die bed. Ek het nie ’n skerm gehad nie so ek kon julle ouens nie sien nie en ek het vergeet om vir die kamera te kyk.”

“Geen probleem, kampioen,” sê Morgan. “Ons kon sien jy was bietjie moeg! Dit was baie laat in LA. Waardeer hierdie boodskap, want sommige kykers was bekommerd.”

Dit Britse aanbieder Mike Graham sê hy is as ’n medejoernalis “verleë” oor die onderhoud en kap Morgan omdat hy die onderhoud met Tyson openbaar gemaak het.

– Netwerk24

Soortgelyk

 

Geingob onder skoot oor ‘wit’ opmerkings

10 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

10 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

10 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

10 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

10 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

10 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

10 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

10 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

10 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...