Kombuiswenke: Van koeksoda tot kremetart
Koeksoda, gekombineer met asyn of suurlemoen, is sekerlik die beste skoonmaakmiddel in jou kas en hoe kan jy kool kook sonder daardie aaklige reuk? Hier volg enkele slim kombuiswenke wat jou huiswerk baie makliker kan maak.
Koeksoda
Koeksoda werk uitstekend om jou oond skoon te maak.
Verwyder alle rakke. Spuit die oond en deur goed nat met ’n spuitbottel water. Strooi koeksoda oral. Laat staan dit vir ’n rukkie. Hou aan om elke nou en dan ’n bietjie water oor te spuit. Jy sal naderhand sien die koeksoda begin bruin raak soos dit die vuilheid wegvreet.
Vir die beste resultate, laat staan oornag. Spuit weer nat, laat staan tot die koeksoda sag is en vee af met ’n sponsie.
Het jy geen skoonmaakmiddel byderhand vir jou kombuis nie of glo jy nie daarin om skoonmaakmiddels met skadelike chemikalieë te gebruik nie? Koeksoda saam met asyn of suurlemoen is ’n uitstekende, natuurlike skoonmaakmiddel. Dit dien ook as ’n goeie ontsmettingsmiddel.
Om jou skottelgoedwasser skoon te maak, gebruik ’n klam lap wat in koeksoda gedoop is. Indien daar nare reuke in jou skottelgoedwasser is, sprinkel ’n bietjie koeksoda onder in die masjien en laat dit oornag staan.
Kondensmelk
Kook melk en suiker in ’n pot saam totdat die mengsel verdik om jou eie kondensmelk te maak. Roer gedurig, want dit brand maklik. Kondensmelk kan soos room geklop word as jy dit vir tien minute lank (in die blik) in ’n pot kookwater warm gemaak het.
Konfyt
As jy vet of konfyt in ’n fles sonder ’n deksel bêre, kan jy sneespapier wat in afgeroomde melk gedoop is daaroor trek. Druk die sneespapier langs die kante vas. Die vet of konfyt kan so vir maande lank vars bly.
Jy kan ’n bietjie suurlemoensap by konfyt gooi om sandsuiker te voorkom.
Kookolie
Sny die onderste deel van ’n wynbottelhouer af en bêre jou kookoliebottel daarin. Die kartonhouer suig olie wat drup op. Wend olyf- of kookolie aan skurwe hakskene die aand voor jy hulle skuur.
Kool
Voeg asyn of suurlemoensap by die water waarin jy kool kook. Dit sal verhoed dat daar enige onaangename reuke in die kombuis hang. Andersins, kook ’n paar lourierblare saam met kool indien jy nie van die reuk in jou kombuis hou nie – dit sal jou kombuis baie lekkerder laat ruik. ’n Sny wit brood saam met die kool vat ook die reuk weg.
Plaas ’n bietjie botter in water waarin kool gekook word; dit sal verhoed dat kool oorkook.
Kremetart
Geen kremetart in die huis nie? Plaasvervangers vir 5 ml kremetart is 15 ml suurlemoensap of 15 ml asyn of 3 ml wynsteensuur.
• Bronne: www.kookkuns.com, www.boerevryheid.co.za, kuierkookklets.weebly.com, algemenewenke.blogspot.com.
Koeksoda
Koeksoda werk uitstekend om jou oond skoon te maak.
Verwyder alle rakke. Spuit die oond en deur goed nat met ’n spuitbottel water. Strooi koeksoda oral. Laat staan dit vir ’n rukkie. Hou aan om elke nou en dan ’n bietjie water oor te spuit. Jy sal naderhand sien die koeksoda begin bruin raak soos dit die vuilheid wegvreet.
Vir die beste resultate, laat staan oornag. Spuit weer nat, laat staan tot die koeksoda sag is en vee af met ’n sponsie.
Het jy geen skoonmaakmiddel byderhand vir jou kombuis nie of glo jy nie daarin om skoonmaakmiddels met skadelike chemikalieë te gebruik nie? Koeksoda saam met asyn of suurlemoen is ’n uitstekende, natuurlike skoonmaakmiddel. Dit dien ook as ’n goeie ontsmettingsmiddel.
Om jou skottelgoedwasser skoon te maak, gebruik ’n klam lap wat in koeksoda gedoop is. Indien daar nare reuke in jou skottelgoedwasser is, sprinkel ’n bietjie koeksoda onder in die masjien en laat dit oornag staan.
Kondensmelk
Kook melk en suiker in ’n pot saam totdat die mengsel verdik om jou eie kondensmelk te maak. Roer gedurig, want dit brand maklik. Kondensmelk kan soos room geklop word as jy dit vir tien minute lank (in die blik) in ’n pot kookwater warm gemaak het.
Konfyt
As jy vet of konfyt in ’n fles sonder ’n deksel bêre, kan jy sneespapier wat in afgeroomde melk gedoop is daaroor trek. Druk die sneespapier langs die kante vas. Die vet of konfyt kan so vir maande lank vars bly.
Jy kan ’n bietjie suurlemoensap by konfyt gooi om sandsuiker te voorkom.
Kookolie
Sny die onderste deel van ’n wynbottelhouer af en bêre jou kookoliebottel daarin. Die kartonhouer suig olie wat drup op. Wend olyf- of kookolie aan skurwe hakskene die aand voor jy hulle skuur.
Kool
Voeg asyn of suurlemoensap by die water waarin jy kool kook. Dit sal verhoed dat daar enige onaangename reuke in die kombuis hang. Andersins, kook ’n paar lourierblare saam met kool indien jy nie van die reuk in jou kombuis hou nie – dit sal jou kombuis baie lekkerder laat ruik. ’n Sny wit brood saam met die kool vat ook die reuk weg.
Plaas ’n bietjie botter in water waarin kool gekook word; dit sal verhoed dat kool oorkook.
Kremetart
Geen kremetart in die huis nie? Plaasvervangers vir 5 ml kremetart is 15 ml suurlemoensap of 15 ml asyn of 3 ml wynsteensuur.
• Bronne: www.kookkuns.com, www.boerevryheid.co.za, kuierkookklets.weebly.com, algemenewenke.blogspot.com.
Kommentaar
Republikein
Geen kommentaar is op hierdie artikel gelaat nie