Kombuiswenke: Van kerrie tot koffie
Hoe kan kleefplastiek makliker hanteerbaar gemaak word en hoe gemaak vir ’n sterk of minder sterk knoffelsmaak in kos? Hier volg enkele slim kombuiswenke wat jou huiswerk baie makliker kan maak.
Kerrie
Voeg ’n teelepel marmelade by ’n kerriegereg vir meer geur.
’n Kerrie kan tot drie dae in die yskas gebêre word en sal waarskynlik met tyd verbeter. Voeg ’n paar druppels vanilla-ekstrak by kerrie-geregte. Dit neutraliseer die hitte van die rissie effe, maar bring die geur sterker na vore.
Kleefplastiek
Bêre kleefplastiek in die yskas.
Dit hanteer dan makliker. As kleefplastiek opfrommel, hou dit ’n minuut lank oor warm, stomende water. Die stoom sal dit ontplooi.
Knoffel
Vir ’n ligte knoffelsmaak in ’n gereg, voeg die knoffel vroeg in die kookproses by.
Vir ’n sterk knoffelsmaak, voeg dit aan die einde by.
Koek
’n Bak kookwater in die oond hou koeke klam.
Hoe kan rysgate in ’n koek voorkom word? Die eerste vereiste is om die bestanddele presies af te meet. As die deeg in die pan is, laat val die pan so ’n paar keer van ’n duimhoogte om van die blasies ontslae te raak of sny die rou mengsel kruis en dwars met ’n mes. Sit die pan hard in die oond neer. Al die harde hantering breek die lugblasies op.
Om ’n koek wat in een pan gebak is in twee lae te sny, bind ’n sydraad om die koek se middel en trek dit deur.
Een teelepel gliserien in ’n koekmengsel, Maizena pleks van meel en strooisuiker pleks van suiker maak koek ligter.
Om ’n vrugtekoek vars te hou, sit ’n halwe ongeskilde appel of aartappel in die blik by ’n versierde vrugtekoek. Oor ’n onversierde koek kan so een keer per week ’n bietjie soetwyn of brandewyn gesprinkel word. Die smaak verbeter ook. Hou die blik styf toe.
As jy ’n druppel of twee kookolie by die gesmelte sjokolade voeg wat jy oor koek gaan smeer, sal dit ’n blink, professionele voorkoms hê. Twee eetlepels stroop in sjokoladekoekmengsel sal sorg dat die koek klam en smaaklik bly.
Voeg bakpoeier heel laaste by koekbeslag – die koek sal dan baie lig uitrys.
Koekies
Hou ’n stuk skoon waspapier bo-op droë koekies in ’n digte koekblik.
Dit hou die koekies vars. Wanneer jy droë koekies bêre, strooi ’n laag suiker onder in die houer om dit langer vars te hou.
Onversierde koekies wat begin sag word, kan weer bros gemaak word deur dit vir vyf minute teen 180 grade Celsius in die oond te verhit.
Gebruik die meel spaarsamig wanneer jy koekiedeeg op ’n meeloppervlak uitrol. Te veel meel kan die koekies hard maak.
Vir ekstrabros koekies, gebruik bruinbroodmeel pleks van koekmeel. Indien jy nie ’n koekiedrukker het nie, kan jy koekies met ’n glas uitdruk.
Botter is altyd beter vir geurige kleinkoekies. Maak kleinkoekiedeeg ’n dag voor die tyd aan, bedek met kleefplastiek en bêre in die yskas. So verkry die koekies ’n beter tekstuur.
As jy kleinkoekies bak, trek eenvoudig die oondrak met tinfoelie oor, strooi meel daaroor en plaas dan die rou koekies bo-op - geen bakpanne om agterna skoon te maak nie.
Verhit koekies langs ’n koppie water in ’n mikrogolfoond. Dit hou dit klam en verhit dit vinniger.
Koekpanne
Laat altyd ’n oop ruimte van minstens 25 mm rondom koekpanne in die oond vir egalige hitteverspreiding.
Wanneer jy op meer as een oondvlak tegelykertyd bak, ruil die koekpanne halfpad deur die baktyd om.
Voer koekiepanne met swaardiens-aluminiumfoelie uit voordat jy koekies bak. Dit voorkom dat die koekies merke laat.
Koffie
Bêre koffie in die yskas om dit vars te hou.
Week koffiebekers oornag in ’n bleikmiddel om van vlekke ontslae te raak.
Gooi ’n paar eetlepels koeksoda in ’n koffiefles saam met warm water en laat staan vir ’n tydjie. Spoel goed uit. Die fles sal silwerskoon wees.
Maak ’n koffiemasjien skoon deur witasyn deur die masjien te laat sirkuleer. Daarna moet die proses met skoon water herhaal word.
Om sous mooi bruin te maak, kan jy een teelepel kitskoffie byvoeg. Dit verander nie die smaak baie nie, net die kleur.
• Bronne: beeld.com, algemenewenke.blogspot.com, kuierkookklets.weebly.com
Kerrie
Voeg ’n teelepel marmelade by ’n kerriegereg vir meer geur.
’n Kerrie kan tot drie dae in die yskas gebêre word en sal waarskynlik met tyd verbeter. Voeg ’n paar druppels vanilla-ekstrak by kerrie-geregte. Dit neutraliseer die hitte van die rissie effe, maar bring die geur sterker na vore.
Kleefplastiek
Bêre kleefplastiek in die yskas.
Dit hanteer dan makliker. As kleefplastiek opfrommel, hou dit ’n minuut lank oor warm, stomende water. Die stoom sal dit ontplooi.
Knoffel
Vir ’n ligte knoffelsmaak in ’n gereg, voeg die knoffel vroeg in die kookproses by.
Vir ’n sterk knoffelsmaak, voeg dit aan die einde by.
Koek
’n Bak kookwater in die oond hou koeke klam.
Hoe kan rysgate in ’n koek voorkom word? Die eerste vereiste is om die bestanddele presies af te meet. As die deeg in die pan is, laat val die pan so ’n paar keer van ’n duimhoogte om van die blasies ontslae te raak of sny die rou mengsel kruis en dwars met ’n mes. Sit die pan hard in die oond neer. Al die harde hantering breek die lugblasies op.
Om ’n koek wat in een pan gebak is in twee lae te sny, bind ’n sydraad om die koek se middel en trek dit deur.
Een teelepel gliserien in ’n koekmengsel, Maizena pleks van meel en strooisuiker pleks van suiker maak koek ligter.
Om ’n vrugtekoek vars te hou, sit ’n halwe ongeskilde appel of aartappel in die blik by ’n versierde vrugtekoek. Oor ’n onversierde koek kan so een keer per week ’n bietjie soetwyn of brandewyn gesprinkel word. Die smaak verbeter ook. Hou die blik styf toe.
As jy ’n druppel of twee kookolie by die gesmelte sjokolade voeg wat jy oor koek gaan smeer, sal dit ’n blink, professionele voorkoms hê. Twee eetlepels stroop in sjokoladekoekmengsel sal sorg dat die koek klam en smaaklik bly.
Voeg bakpoeier heel laaste by koekbeslag – die koek sal dan baie lig uitrys.
Koekies
Hou ’n stuk skoon waspapier bo-op droë koekies in ’n digte koekblik.
Dit hou die koekies vars. Wanneer jy droë koekies bêre, strooi ’n laag suiker onder in die houer om dit langer vars te hou.
Onversierde koekies wat begin sag word, kan weer bros gemaak word deur dit vir vyf minute teen 180 grade Celsius in die oond te verhit.
Gebruik die meel spaarsamig wanneer jy koekiedeeg op ’n meeloppervlak uitrol. Te veel meel kan die koekies hard maak.
Vir ekstrabros koekies, gebruik bruinbroodmeel pleks van koekmeel. Indien jy nie ’n koekiedrukker het nie, kan jy koekies met ’n glas uitdruk.
Botter is altyd beter vir geurige kleinkoekies. Maak kleinkoekiedeeg ’n dag voor die tyd aan, bedek met kleefplastiek en bêre in die yskas. So verkry die koekies ’n beter tekstuur.
As jy kleinkoekies bak, trek eenvoudig die oondrak met tinfoelie oor, strooi meel daaroor en plaas dan die rou koekies bo-op - geen bakpanne om agterna skoon te maak nie.
Verhit koekies langs ’n koppie water in ’n mikrogolfoond. Dit hou dit klam en verhit dit vinniger.
Koekpanne
Laat altyd ’n oop ruimte van minstens 25 mm rondom koekpanne in die oond vir egalige hitteverspreiding.
Wanneer jy op meer as een oondvlak tegelykertyd bak, ruil die koekpanne halfpad deur die baktyd om.
Voer koekiepanne met swaardiens-aluminiumfoelie uit voordat jy koekies bak. Dit voorkom dat die koekies merke laat.
Koffie
Bêre koffie in die yskas om dit vars te hou.
Week koffiebekers oornag in ’n bleikmiddel om van vlekke ontslae te raak.
Gooi ’n paar eetlepels koeksoda in ’n koffiefles saam met warm water en laat staan vir ’n tydjie. Spoel goed uit. Die fles sal silwerskoon wees.
Maak ’n koffiemasjien skoon deur witasyn deur die masjien te laat sirkuleer. Daarna moet die proses met skoon water herhaal word.
Om sous mooi bruin te maak, kan jy een teelepel kitskoffie byvoeg. Dit verander nie die smaak baie nie, net die kleur.
• Bronne: beeld.com, algemenewenke.blogspot.com, kuierkookklets.weebly.com
Kommentaar
Republikein
Geen kommentaar is op hierdie artikel gelaat nie