Kombuiswenke: Van fudge tot groente
Wat is ’n maklike manier om glase los te kry wat inmekaar vassit, of om verlepte groente weer vars te laat lyk?
Hier volg enkele slim kombuiswenke wat jou huiswerk baie makliker kan maak.
Fudge
As jy fudge of toffies maak, giet die warm mengsel in plastiek ysbakkies wat jy vooraf met margarien gesmeer het.
Glase
As twee glase inmekaar vassit, plaas die onderste een in ’n bakkie met warm water en gooi koue water in die ander een.
Om glans op kristalglase te kry, gooi ’n paar druppels ammoniak in die waswater en spoel af in asynwater. Om klein kepies aan ’n glas se rand te verwyder, skuur dit met fyn skuurpapier.
Om te voorkom dat ’n glas bars as jy kookwater daarin gooi, kan jy ’n staal teelepel in die glas plaas voordat jy die water ingooi.
Gom op glashouers
Soms is daar plakkers op glashouers en is dit ’n gesukkel om die gom en papier te verwyder.
Hier volg verskeie metodes hoe dit gedoen kan word.
Smeer grondboontjiebotter op, laat staan dit vir ’n rukkie en vee dit dan af.
Spuit insekdoder op totdat die gom of plakker goed nat is. Laat staan dit vir ’n rukkie en was dan die gom en plakker met warm water en seep af.
Ou kookolie of spiritus haal ook die gom af.
Grondboontjiebotter
Jy is in die middel van nêrens en het die skeerroom tuis vergeet, maar daar is grondboontjiebotter in die kosmandjie.
Gebruik dit om mee te skeer.
Grondboontjiebotter kan ook help om kougom uit hare te kry: Vryf ’n teelepel grondboontjiebotter in die kougom en dit sal loskom.
Verwyder gom van meubels. Vryf grondboontjiebotter oor die gom en dit sal loskom. Vang muise of rotte: Muise verkies grondboontjiebotter bo kaas. Plaas dus ’n bietjie grondboontjiebotter in die muisvalletjie.
Groente
As jy groenbone kook, haal die deksel in die eerste paar minute af wanneer dit begin kook om die kleur te behou.
Moenie groente te lank in koper- of gietysterpotte kook nie; die metaal vernietig vitamien C.
Om groente langer in die yskas te bewaar, plaas dit saam met ’n wortel of twee in ’n lugdigte houer. Wortels absorbeer alle vog van die ander groentes en keer dat dit “sweterig” raak.
’n Goeie manier om groente met ’n fyn tekstuur (soos ertjies en spinasie) gaar te maak, is om dit stadig in botter te kook.
Die meeste groente hou langer in die yskas indien dit met plastiek bedek is. Gee nuwe lewe aan verlepte groente deur dit in koue water te week waarby ’n bietjie asyn gegooi is. Dit help ook om enige bakterieë op die groente dood te maak.
Bronne: www.goodhousekeeping.co.za, www.kookkuns.com, www.kuierkookklets.weebly.com
Hier volg enkele slim kombuiswenke wat jou huiswerk baie makliker kan maak.
Fudge
As jy fudge of toffies maak, giet die warm mengsel in plastiek ysbakkies wat jy vooraf met margarien gesmeer het.
Glase
As twee glase inmekaar vassit, plaas die onderste een in ’n bakkie met warm water en gooi koue water in die ander een.
Om glans op kristalglase te kry, gooi ’n paar druppels ammoniak in die waswater en spoel af in asynwater. Om klein kepies aan ’n glas se rand te verwyder, skuur dit met fyn skuurpapier.
Om te voorkom dat ’n glas bars as jy kookwater daarin gooi, kan jy ’n staal teelepel in die glas plaas voordat jy die water ingooi.
Gom op glashouers
Soms is daar plakkers op glashouers en is dit ’n gesukkel om die gom en papier te verwyder.
Hier volg verskeie metodes hoe dit gedoen kan word.
Smeer grondboontjiebotter op, laat staan dit vir ’n rukkie en vee dit dan af.
Spuit insekdoder op totdat die gom of plakker goed nat is. Laat staan dit vir ’n rukkie en was dan die gom en plakker met warm water en seep af.
Ou kookolie of spiritus haal ook die gom af.
Grondboontjiebotter
Jy is in die middel van nêrens en het die skeerroom tuis vergeet, maar daar is grondboontjiebotter in die kosmandjie.
Gebruik dit om mee te skeer.
Grondboontjiebotter kan ook help om kougom uit hare te kry: Vryf ’n teelepel grondboontjiebotter in die kougom en dit sal loskom.
Verwyder gom van meubels. Vryf grondboontjiebotter oor die gom en dit sal loskom. Vang muise of rotte: Muise verkies grondboontjiebotter bo kaas. Plaas dus ’n bietjie grondboontjiebotter in die muisvalletjie.
Groente
As jy groenbone kook, haal die deksel in die eerste paar minute af wanneer dit begin kook om die kleur te behou.
Moenie groente te lank in koper- of gietysterpotte kook nie; die metaal vernietig vitamien C.
Om groente langer in die yskas te bewaar, plaas dit saam met ’n wortel of twee in ’n lugdigte houer. Wortels absorbeer alle vog van die ander groentes en keer dat dit “sweterig” raak.
’n Goeie manier om groente met ’n fyn tekstuur (soos ertjies en spinasie) gaar te maak, is om dit stadig in botter te kook.
Die meeste groente hou langer in die yskas indien dit met plastiek bedek is. Gee nuwe lewe aan verlepte groente deur dit in koue water te week waarby ’n bietjie asyn gegooi is. Dit help ook om enige bakterieë op die groente dood te maak.
Bronne: www.goodhousekeeping.co.za, www.kookkuns.com, www.kuierkookklets.weebly.com
Kommentaar
Republikein
Geen kommentaar is op hierdie artikel gelaat nie