Kombuiswenke: Van deeg tot eiers
Hoe kry jy pannekoeke min of meer ewe groot en hoe vee jy ’n gebreekte eier makliker van die vloer af?
Hier volg enkele slim kombuiswenke wat jou huiswerk baie makliker kan maak.
Deeg
Gebruik ’n maatkoppie of iets soortgelyk om deeg van pannekoek en kolwyntjies uit te skep. Soedoende is alles dieselfde grootte.
Om deeg eweredig en ewe dik uit te rol, plaas Chinese eetstokkies plat aan weerskante van die deeg en rol die koekroller bo-oor.
Skraap stukkies deeg af wat aan die oppervlak van ’n tafelblad kleef, anders maak dit uitgerolde deeg klonterig.
As jy deeg vir pastei maak, plaas die koekroller vooraf vir ’n paar uur in die yskas. Dit vergemaklik die uitrol van die deeg aansienlik.
Plaas ’n stukkie plastiek oor deeg wat moet rys. Dit voorkom dat ’n harde lagie vorm.
Deksels
Hier volg enkele maniere om ’n hardnekkige deksel oop te draai.
Druk die punt van ’n bottermes onder die deksel se rand in.
Lig die deksel se rand effens weg van die bottel. Op die manier breek jy die lugseël en behoort die deksel makliker af te kom. Jy kan ook die lugseël probeer breek deur die bottel aan die onderkant ’n harde hou met jou oop hand te gee. Jy sal dit dalk ’n paar kere moet doen.
Gooi ’n klein bietjie warm water in ’n plat, oop bak. Laat die houer vir sowat drie minute lank onderstebo in die warm water staan.
Die metaaldeksel sit meer uit as glas en dit kan dus help om die deksel los te kry.
Maak ’n lappie effens nat en plaas dit bo-oor die deksel. Probeer dit dan losdraai. Die klam lappie gee jou ook ’n beter greep op die deksel.
Trek rubberhandskoene aan voordat jy die deksel probeer draai, dit versterk jou greep.
As die bottel voorheen oop was, is ’n lugseël nie die probleem nie. Gewoonlik veroorsaak ’n taaierigheid op die deksel dat dit aan die bottel vassit. Vermy dit in die toekoms deur die rand van die bottel en die deksel met ’n skoon, klam lappie af te vee.
Eier
’n Yskasdeur is die warmste plek in jou yskas. Om te keer dat temperature baie wissel en bakterieë daar groei, plaas eiers in die karton op die laagste rak in die yskas. Dit is ook die koelste rak.
Om te onderskei tussen ’n hardgekookte en ’n rou eier, tol dit op ’n gladde oppervlak. Die hardgekookte eier sal vinnig tol terwyl die rou eier bykans nie sal roer nie.
Gooi sout op ’n eier wat op die vloer gebreek het. Wag vir vyf minute - dit maak dan maklik skoon.
As jy nie genoeg eiers vir ’n resep het nie, kan jy een uit drie eiers met 15 ml mielieblom vervang.
Moenie eiers gebruik wat ouer as 21 dae is nie. Dit is nie meer vars nie.
Plaas ’n eier in water om te kyk of dit vars is. Indien dit dryf, is dit nie meer vars nie.
Klits eierwitte net voor jy dit moet gebruik, want dit hou nie lank volume nie. Voeg ’n knippie sout by eierwit as jy dit klop - die eierwit sal gouer styf word.
Eierwitte kan drie weke lank in ’n fles met ’n deksel in die yskas gehou word. Om eiergeel ’n paar dae lank vars te hou, gooi koue water of olie bo-oor, bedek en bêre in die yskas.
Sny hardgekookte eiers met ’n mes wat in water gedoop is en die eiergele sal nie breek nie.
Voeg bietjie asyn by die water as jy eiers kook.
Dit keer dat die eiers bars. ’n Lepel asyn in die water wanneer jy ’n eier posjeer, keer dat die wit versprei.
Week ’n papierhanddoek in twee eetlepels asyn.
Vee die mengbak of draadklitser met die handdoek af voor jy die eierwitte klop. Droog dit af en klits dan jou eierwitte. Dit sal ekstra volume hê.
Bronne: hwww.huffingtonpost.com, www.tipnut.com,www.kookkuns.com, toorkombuis.co.za
Hier volg enkele slim kombuiswenke wat jou huiswerk baie makliker kan maak.
Deeg
Gebruik ’n maatkoppie of iets soortgelyk om deeg van pannekoek en kolwyntjies uit te skep. Soedoende is alles dieselfde grootte.
Om deeg eweredig en ewe dik uit te rol, plaas Chinese eetstokkies plat aan weerskante van die deeg en rol die koekroller bo-oor.
Skraap stukkies deeg af wat aan die oppervlak van ’n tafelblad kleef, anders maak dit uitgerolde deeg klonterig.
As jy deeg vir pastei maak, plaas die koekroller vooraf vir ’n paar uur in die yskas. Dit vergemaklik die uitrol van die deeg aansienlik.
Plaas ’n stukkie plastiek oor deeg wat moet rys. Dit voorkom dat ’n harde lagie vorm.
Deksels
Hier volg enkele maniere om ’n hardnekkige deksel oop te draai.
Druk die punt van ’n bottermes onder die deksel se rand in.
Lig die deksel se rand effens weg van die bottel. Op die manier breek jy die lugseël en behoort die deksel makliker af te kom. Jy kan ook die lugseël probeer breek deur die bottel aan die onderkant ’n harde hou met jou oop hand te gee. Jy sal dit dalk ’n paar kere moet doen.
Gooi ’n klein bietjie warm water in ’n plat, oop bak. Laat die houer vir sowat drie minute lank onderstebo in die warm water staan.
Die metaaldeksel sit meer uit as glas en dit kan dus help om die deksel los te kry.
Maak ’n lappie effens nat en plaas dit bo-oor die deksel. Probeer dit dan losdraai. Die klam lappie gee jou ook ’n beter greep op die deksel.
Trek rubberhandskoene aan voordat jy die deksel probeer draai, dit versterk jou greep.
As die bottel voorheen oop was, is ’n lugseël nie die probleem nie. Gewoonlik veroorsaak ’n taaierigheid op die deksel dat dit aan die bottel vassit. Vermy dit in die toekoms deur die rand van die bottel en die deksel met ’n skoon, klam lappie af te vee.
Eier
’n Yskasdeur is die warmste plek in jou yskas. Om te keer dat temperature baie wissel en bakterieë daar groei, plaas eiers in die karton op die laagste rak in die yskas. Dit is ook die koelste rak.
Om te onderskei tussen ’n hardgekookte en ’n rou eier, tol dit op ’n gladde oppervlak. Die hardgekookte eier sal vinnig tol terwyl die rou eier bykans nie sal roer nie.
Gooi sout op ’n eier wat op die vloer gebreek het. Wag vir vyf minute - dit maak dan maklik skoon.
As jy nie genoeg eiers vir ’n resep het nie, kan jy een uit drie eiers met 15 ml mielieblom vervang.
Moenie eiers gebruik wat ouer as 21 dae is nie. Dit is nie meer vars nie.
Plaas ’n eier in water om te kyk of dit vars is. Indien dit dryf, is dit nie meer vars nie.
Klits eierwitte net voor jy dit moet gebruik, want dit hou nie lank volume nie. Voeg ’n knippie sout by eierwit as jy dit klop - die eierwit sal gouer styf word.
Eierwitte kan drie weke lank in ’n fles met ’n deksel in die yskas gehou word. Om eiergeel ’n paar dae lank vars te hou, gooi koue water of olie bo-oor, bedek en bêre in die yskas.
Sny hardgekookte eiers met ’n mes wat in water gedoop is en die eiergele sal nie breek nie.
Voeg bietjie asyn by die water as jy eiers kook.
Dit keer dat die eiers bars. ’n Lepel asyn in die water wanneer jy ’n eier posjeer, keer dat die wit versprei.
Week ’n papierhanddoek in twee eetlepels asyn.
Vee die mengbak of draadklitser met die handdoek af voor jy die eierwitte klop. Droog dit af en klits dan jou eierwitte. Dit sal ekstra volume hê.
Bronne: hwww.huffingtonpost.com, www.tipnut.com,www.kookkuns.com, toorkombuis.co.za
Kommentaar
Republikein
Geen kommentaar is op hierdie artikel gelaat nie