Kombuiswenke: Van bakpoeier tot bruinsuiker

Wat is die beste manier om lappe en sponse in die kombuis skoon te hou en hoe gemaak met bruinsuiker wat hard geword het? Hier volg enkele slim kombuiswenke wat jou huiswerk baie makliker kan maak.Bakpoeier en bruismeelHet jy nie bakpoeier of bruismeel in die koskas nie? Jy kan dit maklik soos volg vervang: Vir 1 teelepel bakpoeier gebruik ¼ teelepel koeksoda, ½ teelepel kremetart en ¼ teelepel mielieblom. Om ’n koppie bruismeel te vervang, gebruik een koppie koekmeelblom, 1 ½ teelepel bakpoeier en ¼ teelepel sout.Bêre bruismeel in ’n lugdigte houer om die rysmiddel daarin te bewaar. Sif bruismeel altyd voordat jy dit gebruik om lug in te werk.BakterieëMaak jou skoonmaaklappe in die kombuis gereeld skoon. As jy tafels in die kombuis skoonvee, kan jy moontlik bakterie versprei, pleks van skoonmaak. Week die lappe in ’n bleikmiddel-oplossing.Plaas sponse in die mikrogolfoond. Wanneer jy ’n klam spons vir ’n paar minute in die mikrogolfoond verhit, sal dit die meeste van die bakterie vernietig. Jy kan ook die sponse in ’n oplossing van suurlemoen of bleikmiddel week voordat jy dit in die mikrogolfoond sit.BeskuitWanneer jy beskuit bêre, strooi ’n laag suiker onder in die houer om dit langer vars te hou. Beskuit kan tot drie maande lank in ’n lugdigte houer gehou word.Gebruik eerder botter as jy beskuit bak, dit gee ’n beter geur as margarien. Vir netjiese beskuitjies, kan jy die nat beskuit met ’n elektriese mes sny. Dit voorkom dat dit te erg breek.Om beskuit maklik te verkrummel, plaas dit in ’n sterk plastieksak. Stamp dit eers met ’n koekroller stukkend en rol dit daarna fyn.BlomkoolKook ’n paar lourierblare saam met blomkool indien jy nie van die blomkoolreuk in jou kombuis hou nie.Plaas ’n stukkie suurlemoenskil in die water as jy blomkool kook. Dit hou die blomkool mooi wit.BotterBotter moet kamertemperatuur wees wanneer jy dit vir gebak wil gebruik. Kookolie kan as ’n plaasvervanger vir gesmelte botter gebruik word.Wanneer jy botter room, spoel eers die bak met kookwater uit. Dit maak dit baie makliker omdat die hitte van die bak die botter makliker laat smelt. Bêre die papier waarin die botter toegedraai was as jy die botter opgebruik het. Jy kan die papier later gebruik om oondbakke te smeer.Wanneer botter pap geword het en daar nie verkoelingsgeriewe nie, gooi 2 koppies koue water waarin 1 teelepel koeksoda opgelos is op die botter. Laat staan die botter vir ’n rukkie – dit sal gou weer styf wees.BroodGebruik natuurlike jogurt pleks van melk vir botterbroodjies. Dit verleen ’n ligter tekstuur. ’n Fyn sproei water aan die binnekant van die oond tydens die eerste paar minute wat jou brood bak, sal die brood ’n dunner kors gee.As jy ’n brood bak en ’n lekker bros bo-kors wil hê, smeer die brood halfpad deur die bakproses met soutwater.Jy kan brood in ’n leë skoendoos in jou mikrogolfoond bak.Hou ’n brood langer vars deur ’n stuk seldery saam met die brood in ’n papiersak te bêre.Doop ou brood in water en bak dit dan weer in die oond. Dit sal vars smaak.Plaas ’n pakkie sout in die broodblik om jou brood vars te hou.As jy ’n gereg maak en jy het nie broodkrummels nie, gebruik graanvlokkies. Gooi ’n handvol in ’n plastieksakkie en druk dit fyn voordat jy dit by die res van die bestanddele voeg. Bruinsuiker’n Stuk brood in die houer maak bruinsuiker wat hard geword het, oornag weer sag. Voorkoming is beter – plaas ’n paar malvalekkers in die sak bruinsuiker om te verhoed dat dit hard word. Bronne: www.realsimple.com, www.kookkuns.com, toorkombuis.co.za

Kombuiswenke: Van bakpoeier tot bruinsuiker

Kommentaar

Republikein 2025-09-18

Meld asseblief aan om kommentaar te lewer

Kombuiswenke: Van bakpoeier tot bruinsuiker

Kommentaar

Republikein 2025-09-18

Meld asseblief aan om kommentaar te lewer

MELD AAN

Advertensie