Kom tyd, kom (nie genoeg) raad

Augetto GraigDie ministerie van inligting en kommunikasietegnologie kon Donderdag uiteindelik meer lig werp op Sondag 1 April se onwettige, onreëlmatige, outomatiese tydsverandering, wat steeds ongerief vir menige Namibiër veroorsaak.Slimfone, rekenaarstelsels wat aan die internet gekoppel is en selfs die satelliet-TV-maatskappy Multichoice Namibia het die pot misgesit wat die tyd betref.Die praktyk om in vorige jare na wintertyd oor te skakel, is verlede jaar deur die goedkeuring van 'n nuwe tydsonewet gestaak, maar elektroniese tydsveranderinge het nietemin voortgegaan.Die land se grootste selfoondiensverskaffer, MTC, het eerste op die voorval gereageer deur verantwoordelikheid vir die penarie te ontken.Die verskaffer het slimfoonvervaardigers geblameer en aangedui die regering is verantwoordelik daarvoor om buitelandse maatskappye oor tydsveranderinge in te lig.Gister het mnr. Mbeuta Ua-Ndjarakan, permanente sekretaris van die ministerie van inligting en kommunikasietegnologie, amptelik gesê die meeste elektroniese toestelle sou outomaties by die relevante tydsones aanpas. “Indien die sagteware nie opgedateer word met die onlangse verandering om die Namibiese tydsone as GMT + 2 te behou nie, sou dit outomaties die Windhoek GMT + 1, of dan wintertyd kies,” het hy gesê. vervaardigers moet aanpas“Die meeste toestelle sou outomaties verander het op grond van die netwerktyd (die tyd wat ingestel is op MTC, Paratus of Telecom se netwerke). “In gevalle waar die toestel deur die gebruiker op internettyd ingestel is, sou die toestel die tyd gevolg het wat Google gebruik. Waar 'n gebruiker hul toestel se verstellings self gestel het, sou geen tydsverandering op die betrokke toestel plaasvind nie,” het hy gesê.Om die probleem op te los, moet die gebruiker self die tyd op hul toestelle verstel. 'n Meer langtermynoplossing behels dat vervaardigers van slimfone van veranderinge ingelig word sodat hulle daarby kan aanpas. Intussen moedig die ministerie lisensiehouers van plaaslike selfoondiensverskaffers aan om die netwerktyd op hul interne stelsels reg te stel.“Die ministerie is, saam met ander rolspelers, besig om die nodige prosedures te volg om Namibië se tyd op te dateer. Ons versoek die publiek om geduldig te wees en kalm te bly, aangesien hierdie oefening met verloop van tyd afgehandel sal word,” het Ua-Ndjarakan gesê.Oor vergoeding vir burgers en ondernemings se ongerief of verlies weens die onbeplande tydsverandering, het hy gesê: “Ons het in hierdie stadium nie al die feite om hierdie berekening te doen nie, en om nou enige vergoeding daarvoor aan te bied, sal voortydig wees.“Ongelukkige gebruikers word aangeraai om die aangeleentheid by die betrokke diensverskaffer aan te meld, en indien dit nie binne 14 dae bevredigend afgehandel word nie, kan hulle 'n klag by die Regulerende Owerheid vir Kommunikasie van Namibië (Cran) indien.”Hoewel die oorsaak van die tyd-fiasko nog nie volledig bepaal is nie, en die fout steeds nie reggestel is nie, is Ua-Ndjarakana oortuig daarvan dit sal nie in die toekoms herhaal word nie. “Ons het geen verwagting dat die situasie herhaal sal word ná lesse hieruit geleer is nie, en ook aangesien geen verdere tydsverandering vir Namibië verwag word nie,” sê hy.

Kom tyd, kom (nie genoeg) raad

Kommentaar

Republikein 2025-12-01

Meld asseblief aan om kommentaar te lewer

Kom tyd, kom (nie genoeg) raad

Kommentaar

Republikein 2025-12-01

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.