Kollig kalender

Nou aan die gang» Die Shoprite & Checkers Namibiese Boereworskompetisie is nou oop vir inskrywings. Belangstellendes wat graag hul vernuf in die boereworskompetisie wil toets, moet voor 30 Junie hul inskryfvorm by enige Shoprite of Checkers kry. Vul dit in, heg jou resep daaraan en faks na 061 259 555 of e-pos dit na namchefs@iway.na. Andersins kan jy die webadres www.namibianchampionboerewors.com besoek en daar inskryf. ?» Die jaarlikse visuele kuns-museumprogram (Avamp) bied tot 22 Augustus ’n foto-uitstalling in die Nasionale Kunsgalery van Namibië (NAGN) se onderste galery aan. ?» ’n Kunsuitstalling deur die bekende Namibiese kunstenaar Fillipus Sheehama getiteld An exploration of plastics as a visual metaphor of poverty and overconsumption is tans in die Nasionale Kunsgalery van Namibië (NAGN) se hoofgalery aan die gang.?» Die foto-uitstalling Explorations in food and cooking deur die kosskrywer en fotograaf Christie Keulder is nog tot 4 Julie by die Franco Namibiese Kultuursentrum (FNCC) se restaurant La Bonne Table aan die gang. Toegang is gratis. ?» Die Namibië Wetenskaplike Vereniging bied nog tot môre ’n boekuitstalling aan. ?» Argitek en kunstenaar Elke le Roux se nuwe kunsuitstalling Rising Giants is nog tot 24 Julie by die nuwe House of Arts /Frametique Kunsgalery aan die gang. Die galery is in eenheid 52 van Hyper Motor City oorkant Ferreira’s Kwekery geleë en is op weeksdae oop vanaf 08:30 tot 17:00 en op Saterdae van 09:00 tot 12:00.?» Anchen Wille Dansakademie bied die teaterproduksie Decade of Dance van Donderdag 8 Julie tot Saterdag 11 Julie by die Nasionale Teater van Namibië (NTN) aan om hul tienjaarherdenking te vier. ’n Oggendkonsert word ook op 11 Julie aangebied. Kaartjies is by die NTN teen N$100 elk beskikbaar.?» Elke Donderdag bied die Warehouse Teater ’n skemerkelkie-aand vanaf 16:00 tot 02:00 aan en toegang is gratis. Alle skemerkelkies word vir N$35 verkoop, met uitsondering van die Boiler Room-skemerkelkie wat N$25 kos. ?» Die Windhoeker Männerchor oefen elke Donderdag om 18:15 by die SKW in Olympia. Indien u oor koorondervinding beskik of dalk ’n musiekinstrument bespeel, loer sonder enige verpligting in en kry ’n voorsmakie. (Roelof, 081 241 3917, roelofkunst@hotmail.com of Wolf, 081 122 2942, wolf.wohlers@lorentzangula.com).?» Die Jazz - Etcetera geleenthede by die Hilton se Kalabar vind elke Donderdag vanaf 19:00 tot 21:30 plaas en toegang is gratis. Die konserte is oop vir almal en geen toegangsgeld word gevra nie.?» Privaatskool Moria se Kermis begin vandag met ’n interhuis sangkompetisie met ABBA-liedjies as tema. Almal is welkom om 18:30 in die Moria skoolsaal saam te kom kuier (trek jou ‘bell bottom’ aan!)?» Die Windhoek College of the Arts (Cota) bied môre om 19:30 ’n gesamentlike konsert tussen Vrystaatse klassieke en plaaslike musikante aan. Die konsert vind in die Cota-saal plaas en kaartjies kos N$50 vir volwassenes en N$30 vir kinders en pensioenarisse. Vir meer inligting, kontak Johanita de Waal (johanita@dewaals.com).?» Op Vrydag 26 Junie vanaf 20:00 word die Joyous Occasion-winterdans met DJ Karel en 2014 se Mej. Rehoboth Skou ten bate van die ouetehuise in Rehoboth aangebied. ’n Gelukstrekking sal ook aangebied word. Dit vind in die Hermanus van Wyk-saal op Rehoboth plaas en toegang kos N$40.?» Vanaf Vrydag 31 Julie tot 2 Augustus bied word ’n NWG-uitstappie op die voetspore van Henno Martin in die woestyn aangebied. ?» Privaatskool Moria se Kermis Streakbraai-ete vind op Vrydag 26 Junie om 18:00, met ’n optrede deur Pieter Smith en ’n dans met MikelJS op die Outjo Sportgronde plaas.? » Die rolprent The Art of Ama Ata Aidoo (uit Ghana) word op Saterdag 27 Junie om 19:00 by die Goethe-sentrum vertoon. Spoken Word sal van haar gedigte voordra. Toegang tot die geleentheid kos N$30.?» Die Tuuthikeni Mark word elke eerste Saterdag van die maand by die Goethe-sentrum vanaf 10:00 tot 17:00 aangebied.?» Die bekende Suid-Afrikaanse mansgroep Adam met Namibiër Hugo Ludik, Kyle Grant en Reynardt Hugo is op Saterdag 4 Julie in Windhoek vir hul “winterwarm” konsert by die Warehouse Teater. Kaartjies vir hul konsert by die Warehouse Teater is by die Biltong Shop in Maerua Inkoopsentrum of aanlyn by www.staytoday.com.na/events/adams-hot-winter-concert te koop. Hou ook hul Facebook-blad dop om te sien watter kompetisies aangebied word.?» Die Suiderhof Kerkfunksie vind op Vrydag 31 Julie plaas. ’n Ete en konsert deur Namibiese kunstenaars soos Riaan du Toit, Shannon Grellmann, Sanet Lambrechts en The Chords (’n acapella-groep) word aangebied. Almal is welkom. Vir meer inligting, kontak die kerkkantoor (061 251 414).?» Privaatskool Moria se Laerskolesportdag vind Saterdag 27 Junie by die Outjo Sportgronde plaas.?» Vanaf Maandag 29 Junie tot Vrydag 3 Julie bied die Namibië Wetenskaplike Vereniging ’n Nasionale Wetenskapfees aan.?» Die Warehouse Teater bied elke Maandag om 20:00 ’n jazz-musiekaand getiteld Jazz Monday aan, met die Boiler Room se Jazz-musiekgroep wat besoekers vermaak. Toegang is gratis en die kroeg het “Happy Hour” tussen 16:00 en 20:00. ?» Lyndans vir enkellopers en baldanslesse vir paartjies word Maandae vanaf 19:00 tot 20:00 (lyndans) en 20:00 tot 21:30 (baldanse) by die Goethe-sentrum aangebied. Vir meer inligting of besprekings, kontak Martina by 085 141 2555 of martina@skydancer-cc.com.?» Me. Monica Geingos, die Namibiese eerste dame, tree op Dinsdag 30 Junie as die volgende spreker tydens MTC se maandelikse MTC Masters of Success-aande op. Toegang is gratis en die geleentheid begin om 19:00 by die NTN.?» Zumba-dansklasse word elke Dinsdag en Donderdag by die Warehouse Teater aangebied. Kontak Taimi by taimizumba@gmail.com vir meer inligting.?» Sanet Lambrechts stel haar CD Rooi Kalaharisand op 1 Julie 18:00 vir 18:30 by Caffe Brazza bekend tesame met hul Birthday Bash. ’n Spesiale spyskaart word die aand aangebied en die CD sal te koop wees. Besprekings kan gedoen word by Caffe Brazza (061 247 123) of by lse (081 122 0588).?» Elke Woensdag vanaf 18:00 word ’n akoestiese aand by Zenso Restaurant & Lounge Bar gehou waar musikante die geleentheid het om met drie akoestiese instrumente en ’n sanger hul talente te kom wys. Klanktoerusting word voorsien en toegang is gratis. Kunstenaars wat wil optree, moet op Maandae bespreek en oudisies aflê. Skakel 081 689 4575 of 081 314 5953.

Kollig kalender

Kommentaar

Republikein 2025-05-01

Meld asseblief aan om kommentaar te lewer

Kollig kalender

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie